Read Yucateco Isaías 38 Bible Online

Isaías 38 - Yucateco bible

Isaías 38

¹Ti' le kiino' Ezequíase' chaketchaj ti' koja'anil óolac quíimic, j bin ilbil tumen aj bóobat Isaías u paal Amose' ca tu ya'alaj ti': Yuumtzile' cu ya'alic: A'al u dzooc nu'ucbesaj t'aano'ob ti' a paalal, tumen bin a ca'aj quíimil. Ma' bíin yanac dzaac a ti'alintej.

²Ezequías túune' tu sutaj u yich tu tojil le pako' ca j payalchi'inaj ti' Yuumtzil:

³Yuumtzil, quin káat óoltic ca ka'ajac teech, bix úuchic in meyajtiquech yéetel chuca'an óolal bey xan yéetel jaaj óolal, quin beetic ba'ax utz ta wóol. Ca j sen yaayaj okolnaji.

⁴Yuumtzile' tu túuchi'itaj ti' Isaías

⁵ca xi'ic u ya'al ti' Ezequías: Yuumtzil u Ku a máanja'an ch'i'ibal Davide' cu ya'alic: Tene' dzo'oc in wu'uyic a payalchi' dzo'oc xan in wilic u ya'alil a wich. Bin in ca'aj in dzáa ti' teech u láak quince ja'abo'ob cuxtal.

⁶Teech yéetel Jerusalene' bíin in toque'ex tu kab u ajawil Asiria. Teen bíin in canant le caaja'.

²¹Isaíase' tu túuxtaj beetbil jun p'éel u ya'ach'tbil higob, u ti'al j cu'ulta'al tu'ux yaan u koja'anil le ajawo', ca j utzchaji.

²²Ezequías túune' tu káat chi'itaj ti' Isaías: ¿Bix bíin in wojéelt wa je'el u páajtal in bin tu kulnaj Yuumtzile'?[4] Isaíase' tu núucaj: Lela' leti' le chíicul bíin u dzáa ti' teech Yuumtzil u ti'al u ye'esic ti' teech bíin u dzo'ocbes u séeb chi': Te tu x p'isib kiin Acazo', bin in ca'aj in beet ca na'acac diez u ebilo'ob u bo'oy le kiin, dzo'oc u yéemelo'. U bo'oy le kiino' j na'ac diez ebo'ob tu'ux dzo'oc u yéemel ca'acho'. Le ca j uztchaj Ezequías u ajawil Judá ti' u koja'anile', tu dzíibtaj le Salmoa': Tene' tin tucultaj ca'ach: Tin asab táanquelmil bíin quíimiquen; táan in túuxta'al tu ajawil le quíimil tu dzo'oc u kiinilo'ob in cuxtal. Tene' tin tucultaj ca'ach: Ma' bíin in ca'a ila'a Yuumtzil way j lu'ume', ma' bíin in ca'a pact u yich le máaxo'ob cajnáalo'ob way yóokolcaaba'. Cu kascunta'al in wotoch, cu to'ocol ti' teen, je'el bix u to'ocol u chuybil naj aj canan j tamano'obe'. In cuxtale' bey jun p'éel nook cu lukesa'al tu nu'u(...)