Read Yucateco Isaías 5 Bible Online

Isaías 5 - Yucateco bible

Isaías 5

¹Bin in ca'aj kaay tu kaaba' u asab utzil in wéet bisajbáa u kaayil u x péet pachil uva. In wéet bisajbáe', yaan ca'ach u x péet pachil u pakal uva ti' jun p'éel cáacab lu'um.

²Tu péecsaj u lu'umil, tu molaj u tuunichilo'ob yéetel tu pakaj u ma'alobil u wi'. Tu chúumuc le x péet pacho' tu líikesaj jun p'éel p'íich naj cu dzo'ocole' tu beetaj xan u nu'ucul u ye'edzel uva. In wéet bisajbáe', táan ca'ach u p'áatic u ch'úuyul ch'ujuc uvaob, ba'ale' tu dzaj su'udz uvaob.

³Bejela'a' túune', u cajnáalile'ex Jerusalén yéetel Judá, a'ale'ex máax ti' yaan u si'ipilil, ti' teen wa, wa ti' u péet pachil in pakal.

⁴¿Yaan wa ba'ax tu binetaj in beetic ichil in x péet pach? ¿Ba'ax ma' tin beetaji'? Tene' táan ca'ach in pa'atic u ch'úuyul ch'ujuc uvaob, ¿ba'axten j ch'úuy su'udz uvaob?

⁵Ma'alob túun, bin in ca'aj in wa'al ti' te'ex ba'ax quin tucultic in beetic ti' in pakal uvaob: bin in ca'aj in jen u suup'il u ti'al ca kascunta'ac; bin in ca'aj in jol u pakil u ti'al ca xanabcha'ata'ac;

⁶bin in ca'aj in xúunp'atte. Ma' bíin ko'osoc u tiquinilo'obi', mix bíin páacta'ac ichili', bíin lo'oboc yéetel ki'ixo'ob bey xan tu yéetel chéen xíiwo'ob. Bin in ca'a in wa'al ti' le múuyalo'ob ma' u cha'ico'ob u káaxal ja' ichili'.

⁷U x péet pach u pakal uvaob Yuumtzil u yuumil tuláacal páajtalil, le pakal jach u táan óoltmajo', u múuch' caajilo'ob Israel, u caajil Judá. Yuumtzile' táan ca'ach u p'áatic tziiquil ti' u ya'almaj t'aan, ba'ale' chéen quíimsaj wíinico'ob yaan tu caajal; táan ca'ach u p'áatic u beeta'al ba'ax toj, ba'ale' chéen tu yu'ubaj u yawatilo'ob loob.

⁸¡Yaj yanile'ex, máaxe'ex xi'ic u bin a manique'ex najo'ob, xi'ic u bin a manique'ex coolo'ob, tac a p'atique'ex x ma' coolil u láak máaco'ob, cu dzo'ocole' ca p'áatale'ex u yuumile'ex tuláacal le lu'umo'obo'!

⁹Yuumtzil u yuumil tuláacal páajtalile', dzo'oc u jalach t'antic ti' teen: Ya'abcach najo'ob bíin je'eneco'ob; quex tumen sen nuuctaco'ob yéetel sen jadzutztaco'obe', mix máac bíin cajlac ichilo'ob.

¹⁰Óox yáal u péet pachil uvae', chéen jun p'éel chan cáatil vino bíin u dzáe. Diez u xúuxaquilo'ob trigo cu pa'akale', chéen jun xúuxac bíin u dzáe.

¹¹¡Yaj a wanile'ex, máaxe'ex ca líikile'ex áakab u bin u sáastal, u ti'al a cáaltale'ex u ti'al u p'áatal cala'ane'ex tac u yoocbal kiin!

¹²Ba'axo'ob sen yaan ta noj janale'exe', u paaxilo'ob arpaob, salteriob, tamboro'ob yéetel flautaob, yaan xan ya'abcach vinoi; ba'ale' ma' ta wilique'ex ba'ax cu beetic Yuumtzil, ma' ta máansique'ex a tuucule'ex ti' u meyajo'ob.

¹³Tu yo'olal ma' u káat u tojquint u tuucul in caajale', bíin bisa'ac táanxel lu'umil u ti'al j bisbil táanxel lu'umil. Tuláacal le caaj pa'ate' yéetel u nuuquilo'obo', bíin quíimico'ob yéetel wi'ij bey xan yéetel ukaj.

¹⁴Mucnale', mina'an u p'iisil je'ekabil, bey u japic u chi' jun túul ba'aba'al u ti'al u lukic caaj pa'ate' yéetel u nuuquilo'obe', le máaxo'ob cuxa'ano'ob ti' náaysaj óolo'ob yéetel ti' cha'ano'ob.

¹⁵Le caajo', bíin láaj pa'ajac u subtal; le j ca'anal icho'obo', bíin chinlaco'ob.

¹⁶Yuumtzil u yuumil tuláacal páajtalile', bíin u ye'es u nojochil u ti'al u p'is óolal; le Quili'ich Kuo', bíin u ye'es u quili'ichil iquil u beetic ba'ax toj.

¹⁷Le nucuch caajo'obo', bíin je'eneco'ob tu x lab caajilo'obe' ti' bíin bisa'ac j tamano'ob yéetel x yuuco'ob u ti'al j tzéentbilo'obi'.

¹⁸¡Yaj yanile'ex, máaxe'ex ca beetique'ex ba'ax kaas yéetel tuuso'ob, ca bisique'ex a kebane'ex bey u bisa'al wa ba'ax u ti'al xíimbale'!

¹⁹Te'exe' ca wa'alique'ex: U séebcunt Ku u beetic ba'ax tac u beetic u ti'al c ila'e'; u Quili'ich Kuil Israele' ca u séebcunt ba'ax u tucultmaj u ti'al ca c ojéelte.

²⁰¡Yaj yanile'ex máaxe'ex ca wa'alique'ex utz ti' ba'ax kaas; ti' ba'ax kaase' utz, ca sutique'ex le sáasilo' ich éekjoch'e'enil, le éekjoch'e'enilo' ich sáasil, ti' éekjoch'e'enile' ca wa'alique'ex éekjoch'e'en; ca wa'alique'ex ch'ujuc ti' ba'ax káaj ca wa'alique'ex xan káaj ti' ba'ax ch'ujuc!

²¹¡Yaj yanile'ex tumen ca tucultica'ex jach aj ojéelaje'ex, ca tuculticaba'ex yaan a na'ate'ex!

²²¡Yaj yanile'ex, tumen ca tucultique'ex chéen te'ex ca wukique'ex ya'ab vino, mina'an máax beetic jach ma'alob ukulo'ob cu cáalcunaj je'el bix te'exe'!

²³Te'ex, máaxe'ex, tu yo'olal taakine', ca wa'alique'ex j ma' si'ipil máax si'ipilchaja'an, ma' a wojele'ex ba'axo'ob cu najmatic máax ma' si'ipilchaja'ani'.

²⁴Le t o'olale', je'el bix káak cu tóoquic sojole' je'el bix u tóoch'bal káak u beetic u jáabal sojole', bey bíin dzo'ocoque'ex, je'el bix che'ob cu tu'utalo'ob u mootzo'obe', je'el bix u loolo'ob cu suut lu'umil. Tumen ta kex óoltaje'ex u ca'anbesajo'ob yéetel ba'axo'ob u ya'almaj Yuumtzil u yuumil tuláacal páajtalil, u Quili'ich Kuil Israel.

²⁵Tu yo'olal lelo' Yuumtzile', j p'u'uj ti' u caajale', ca tu líikesaj u kab u ti'al u jadzic. Quíilbanaj le pu'uco'obo', j p'áat jayacbal quimeno'ob bey u jaytal u ta' míis ti' bejo'obe'. Ba'ale' quex bey úuchico', ma' xu'uluc u p'uja'anil Yuumtzili'; leti'e' ma' jáawac u ya'alic bíin jaadznaqui'.

²⁶Yuumtzile' cu tich'ic ca'anal u láacami' táan xan xóobtic jun p'éel múuch' caaj náach u taal; cu beetic u taal líikbal tu asab náachil lu'um. Séeba'an u taal, áalcabil bíin kuchuc;

²⁷mina'an j luba'an óol ichilo'ob, mix wa ca'ana'an, mina'an mix máac tac u wenel ichilo'ob, mix máac ichilo'ob waach'al u kaxnak, mix máac ti'ob cootzol u táab u xanab kéewel.

²⁸Pupudzqui u x julubo'ob yéetel ma'alob p'unlic u x p'úunche'ob. u maay u tziimino'obe', beyo'ob took tuuniche', cu dzo'ocole' u pe'et che'il u bolano'obe', beyo'ob moson iike';

²⁹cu juumo'ob bey u jéemcal león cu dzíiquil u machic xan u yo'och bak cu bisic, mix máac cu páajtal toquic ti'.

³⁰Le caaja', le quéen kuchuc u kiinile', bíin juumnac bey u cuclil ka'anab quéen talac u ba'atelt Israel; u yóokolcaabe', bíin ila'ac láaj wa yaan máax jach sáasil u paacate' bíin u yila'a' bala'an tumen éekjoch'e'enil yéetel bala'an tumen u bo'oyil múuyalo'ob.