Read Yucateco Isaías 7 Bible Online

Isaías 7 - Yucateco bible

Isaías 7

¹Rezín u ajawil Siria yéetel Peka u ajawil Israel u paal Remaliase', tu ba'ateltajo'ob Jerusalene', ca tu yóoltajo'ob u ch'a'ob, ba'ale' ma' béeychajo'obi'. Lela' j úuch tu kiinilo'ob táan ca'ach u ajawil Acaz u paal Jotán, u yáabil xan Uzías u ajawil judá.

²Ti' le kiino', j bisa'ab le péectzilila', ti' Uzías yéetel ti' u yotochnáalo'ob: Le j siriobo', dzo'oc u nupic u muuko'ob tu yéetel Efraín. Le ajaw tu yéetel le caajo', jo'op' u quiquilanquilo'ob bey je'el bix u quiquilaanquil u che'ilo'ob le káax cu picta'alo'ob tumen iiko'.

³Yuumtzil túune' tu ya'alaj ti' Isaías: Ch'a'a' Sear-jasub a paale', ca xi'iquech a nuptáant ajaw Acaz tu xuul u chulubil le nojoch nu'ucul ja' yaan ti' le bej cu bin tu cool le p'o'o nooko'obo', ca a wa'al ti':

⁴Canantabáa ba'ale', ma' u ja'akal a wóol; xibil máacchajaquech, ma' a ch'a'ic sajaquil tu yo'olal u p'uja'anil Rezín yéetel le siriob u nupmajuba'ob tu yéetel u paal Remalíaso', tumen chéen beyo'ob ca'a dzíit náajche'ob cu buudzilanquilo'obe'.

⁵Le j asiriob yéetel u caajil Efraín bey xan u paal Remalíaso', Dzo'oc u jokjo'oltico'ob u beetico'ob teech kaas. Dzo'oc u ya'alico'ob:

⁶Co'one'ex Judá u ti'al ca c chupe'exo'ob tu yéetel sajaquil; cone'ex c ch'a'ique'ex, ca c dza'ex Tabeel u ti'al u beet u ajawil.

⁷Ba'ale' Yuumtzile', cu ya'alic: ¡Lelo', mix bikin bíin u ch'a'ob!

⁸Damascoe', u noj caajil Siria, Rezine' u ajawil Damasco; Samarie', u noj caajil Efraín, u paal Remaliase', u ajawil Samaria; ba'ale' ichil setenta yéetel cinco ja'abo'obe', bíin jáawac u beetic u múuch' caajil Efraín; ba'ale' wa te'ex ma' ta wocsaj óoltiquene'ex tu jaajil a wóole'exe', ma' bíin p'áataque'ex wa'alacbale'exi'.

¹⁰Yuumtzile', tu ya'alaj xan ti' Acaz:

¹¹Káat ti' Yuumtzil ca u beet jun p'éel máactzil tu asab ca'ananil j ca'an wa tu asab taamil lu'um u ti'al ca meyajnac ti' teech bey chíiculale'.

¹²Acaze', tu núucaj: tene', ma' bíin in káat jun p'éel máactzil u ti'al in túuntic Yuumtzili'.

¹³Isaías túune' tu ya'alaj: ch'en xiquintene'ex tuláacale'ex u jalach najile'ex David. ¿Chéen wa jun p'íit ba'al a wilique'ex a p'u'ujule'ex ti' wíinico'ob u ti'al ca p'u'ujuque'ex xan ti' Ku?

¹⁴Bejela'e', Yuumtzil bíin u dzáa ti' te'ex jun p'éel chíiculal: Il a wile'ex le x ch'úupalo' yo'om, bin u ca'aj yantal u yaal, bíin xan u dzáa u kaaba'int Emanuel.[1]

¹⁵U yáax ja'abilo'ob u cuxtal le chan paalo', bíin tzéenta'ac tu yéetel mantequilla bey xan yéetel caab.

¹⁶Ba'ale', ca'aliquil ma' yanac u na'at le chan xi'ipalo', u múuch' caajo'ob le ajawo'ob cu dzáic ti' teech sajaquilo', bíin xúunp'atta'ac.

¹⁷Yuumtzile', bíin u beet u taal ta wóokol, tu yóokol a caajal yéetel tu yóokol a jalach naj, kiino'ob mix jun téen taalja'ano'ob líikbal tu kiinil ca tu jatzajubáa Efraín ti' Judae'. (Lelo' leti' u taalbal u ajawil Asiria.)

¹⁸Ti' le kiino', Yuumtzile', bíin u beet u taal le máaxo'ob caja'ano'ob tu náanach áalcab ja'ilo'ob Egipto je'el bix u taal x ya'axcacho'obo', bey xan bíin u beet u taal máaxo'ob caja'ano'ob Asiria, je'el bix u taal u yikel caabo'obe'.

¹⁹Tuláacalo'ob bíin taalaco'ob j cajtal tu kóomkom lu'umo'obo', bey xan ichil u áactunil le nucuch tuunicho'obo', bey xan ichil tuláacal u x pocche'il le ki'ixo'obo' yéetel tu'uxo'ob cu dza'abal ja' u yuk wacaxo'obo'.

²⁰Ti' le kiino', Yuumtzile', bíin u taas u ajawil Asiria je'el bix u taasa'al jun p'éel u nu'ucul u yúuchul dziic cu majanta'al tu asab náach lu'umil u yáalcab ja'il Éufratese', u ti'al u láaj dziquic le j israelitaob líikbal tu tzo'otzel u poolo'ob, u me'exo'ob bey xan tac tu cabalil u wíinclilo'ob.

²¹Ti' le kiino', le máax bíin u tzéent jun túul x wacax yéetel ca'a túul j tamano'obe'

²²bíin sen yanac ya'ab leche tu yicnal tac u ti'al u jaantic tatat leche. Bey xan tuláacal le máaxo'ob bíin u jecho'ob le quíimil ti' le múuch' caajo', bíin u jaanto'ob tatat leche yéetel caab.

²³Ti' le kiino', u x péet paachilo'ob uva yaan ca'ach mil u pakalilo'ob cu tojoltic mil u taakinilo'ob platae', bíin suunaco'ob chéen ki'ixil yéetel pocche'ob.

²⁴Chéen máaxo'ob cu máano'ob j dzoon u ch'a'amajo'ob u x p'úunche'ob yéetel u x julubo'ob bíin páatac u yooclo'ob j dzooni', tumen bíin láaj suunaco'ob ki'ixilo'ob yéetel pocche'ob.

²⁵Ti' le jo'ol lu'umo'ob cu meyajta'alo'ob ca'ach páanbile', bíin sen yanac u ki'ixilo'ob yéetel u pocche'ilo'ob u ti'al ma' u bin mix máaqui'. Chéen bíin meyajnac u ti'al u janal wacaxo'ob tu yéetel j tamano'ob.