Read Yucateco Levítico 12 Bible Online

Levítico 12 - Yucateco bible

Levítico 12

¹Yuumtzile' tu t'anaj Moisese' ca tu ya'alaj ti':

²A'al ti' le j israelitaobo': le quéen x yo'omchajac jun túul co'olel ca u síijes jun túul j xibil paale', cu p'áatal ma' utz yanil siete kiino'ob je'el bix wa táan u yilic u nooke'.

³Le chan paalo' yaan u súut kupta'al tu ocho kiinil síijic.

⁴Ba'ale' u maamae' yaan u dzaquicubáa u láak treinta yéetel óox p'éel kiino'ob. Ma' bíin páatac u machic mix jun p'éel quili'ich ba'ali', mix bíin páatac u yocol ich quili'ich naj wa ma' kuchuc u kiinil u yutztali'.

⁵Ba'ale' wa cu síijsic jun túul chan x ch'úupale', cu p'áatal ma' utz yanil catorce kiino'ob je'el bix wa táan u yilic u nooke', yéetel yaan u dzaquicubáa leti u láak sesenta yéetel seis kiino'ob.

⁶Le quéen dzo'ococ u dzaquicubáa ti' jun túul chan j xi'ipal wa ti' jun túul chan x ch'úupale', le maamao' unaj u bisic tu jool u noj Paselil Muuch'tal jun túul chan j taman ja'aben u ti'al u táanbes láaj tóocbil, bey xan jun túul chan sacpacal wa jun túul mucuy u ti'al quíimsbil tu yo'olal keban. Bíin u kub ti' le aj kiino',

⁷le aj kiino' cu táanbesic tu táan Yuumtzil u ti'al u káatic sa'atsaj si'ipil tu yo'olal leti; beyo' cu p'áatal utz yanil ti' u máansic u ki'ikel. Le'ela' u a'almaj xiquinilo'ob u síijsa'al mejen j xi'ipal wa mejan x ch'úupalal.

⁸Wa le maama ma' chuca'an u taakin u ti'al u manic jun túul chan j tamane', je'el u páajtal u taasic ca'a túul mucuy wa ca'a túul mejen sacpacale', jun túul u ti'al u táanbes láaj tóocbili', yéetel u láak jun túule' u ti'al quíimsbil tu yo'olal keban; le aj kiino' bíin u káat sa'atsaj si'ipil tu yo'olal leti', beyo' leti'e' cu p'áatal utz yanil.