Read Yucateco Jeremías 21 Bible Online

Jeremías 21 - Yucateco bible

Jeremías 21

¹Ajaw Sedequíase' tu túuxtaj Pasur, u paal Malquías, yéetel aj kiin Sofonías, u paal Maasías u yilo'ob Jeremías u ti'al u ya'alico'ob ti': Káat óolnen ti' Yuumtzil t óolal, tumen Nabucodonosor, u ajawil Babiloniae', táan u ba'ateltico'on. Quexi' wa Yuumtzil u yóolt u beet jun p'éel máactzile', ca u beet u suut tu paach Nabucodonosor. Yuumtzil túune' tu t'anaj Jeremías,

³leti'e' tu ya'alaj ti' u aj túuchi'ob Sedequías: A'ale'ex ti' Sedequías

⁴Yuumtzil u Ku Israele', cu ya'alic: Bin ca'aj in beet u cuculpaach le aj ba'atelo'ob, cu ba'ateltique'exo'ob tu paach le tuulumo', táan a núuquique'ex u aj ba'atelo'ob u ajawil Babilonia, bey le j caldeob, yaan in much'quintico'ob chúumuc le caaja'.

⁵Téen bíin ba'atelte'ex yéetel tuláacal nojoch páajtalil, bey xan yéetel nojoch p'u'ujulil.

⁶Bíin in quíims tuláacal u cajnáalilo'ob le caaja'; j xiibo'ob bey xan ba'alche'ob, bíin báan quíimico'ob.

⁷Cu dzo'ocole' quin kubic Sedequías u ajawil Judá, tu kab Nabucodonosor yéetel tu kab u aj p'eeco'ob, pa'ate' yéetel u nuuquilo'ob u aj ba'atelo'ob yéetel le máaco'ob j ma' quíimo'ob ti' le báan quíimilo', ti' le quíimsajtáanbalo', yéetel ti' wi'ijil. Ten bíin in beet u quíimsa'alo'ob yéetel u yej máascab x ma' óotzilil. Téen Yuumtzil, teen a'alic.

⁸Ka'ayt xan ti' le caajo', téen Yuumtzile', quin wa'alic: Táan in dzáic u yéeyo'ob, u bejil cuxtalil wa u bejil quíimil.

⁹Le máax bíin p'áatac te j caaja' bíin u quíimic ich ba'atel, wa yéetel wi'ij wa ti' báan quíimil. Ba'ale', máax cu jóokol u kububáa ti' le j caldeob, máaxo'ob ba'ateltico'ob le caajo', ma' bíin quíimiqui'; ma' xan ca u toc u cuxtali'.

¹⁰Tumen tene' dzo'oc in tucultic in taasic kaas yóokol le caaja'. Bin ca'aj in kub tu kab u ajawil Babilonia, leti' bíin tóoquic. Teen Yuumtzil, teen a'alic.

¹¹Ti' u jalach najil Judá, ti' u yotoch ajaw David, a'al tin kaaba': U'uy u péectzil Yuumtzil: Beet ba'ax tu beel sáamsamal; toc tu kab máaxo'ob óotzilcuntic le máaxo'ob yedza'ano'obo', bic léequec in sen p'uja'anil tu yo'olal a kaakas cuxtal bic t'a'abac bey káak mix máac bíin páatac u tupic.

¹³Caaj ti' jayacbalech te j táax kóom lu'umo', beyech tzekel te j táax lu'umo', teen Yuumtzil, quin t'aan u ti'al u bin kaasil ti' teech. Te'exe' ca wa'alique'ex: ¿Máax bíin páatac u ba'ateltico'on? ¿Máax bíin páatac u kuchul tu'ux yaan c ta'acbesaj?

¹⁴Téen bíin in jadzo'ob je'el bix cu najmajtico'obe'; bíin in tóoc u káaxo'ob, le káako' bíin u jab tuláacal u bakpachilo'ob. Teen Yuumtzil, teen a'alic.