Read Yucateco Jeremías 27 Bible Online

Jeremías 27 - Yucateco bible

Jeremías 27

¹Ti' u can p'éel ja'abil u ajawil Sedequías, u paal Josías, tu lu'umil Judae', Yuumtzile' tu t'anaj Jeremías,

²ca tu ya'alaj ti': Jax dze'edzec suum, beet xan jun p'éel u yucalche' wacax, ca a kax ta caal.

³Cu dzo'ocole' ca túuxtic t'aan ti' u ajawilo'ob Edom, Moab, Amón, Tiro Yéetel Sidón, yéetel le j bisaj t'aano'ob ula'ano'ob Jerusalén u xíimbalto'ob ajaw Sedequías.

⁴A'al ti'obe' ca u tzicbalto'ob ti' u ajawile', teen Yuumtzil, u yuumil tuláacal páajtalil u Ku Israele', quin wa'alic:

⁵Yéetel nojoch páajtalil tin beetaj yóokolcaab, wíinico'ob, yéetel ba'alche'ob yano'ob yóokolo', cu páajtal xan in dzáic ti' je'el máaxac in káate'.

⁶Bey túuno', tene' dzo'oc in dzáic le lu'umo'oba', u ti'al u méektáant in j meyaj Nabucodonosor u ajawil Babilonia, pa'ate' yéetelo'ob tin dzaj le ba'alche'ob u ti'al u méektáante.

⁷Tuláacal le caajo'obo' cu bin j p'áatal u méektáant, tac ti' u paal yéetel u yáabil, tac quéen kuchuc u kiinil u p'áatal xan tu kab u jeel nojoch caajo'ob yéetel u ajawilo'ob yaan u páajtalilo'ob.

⁸Wa dze'edzec caajo'ob, wa dze'edzec ajawo'ob ma' u káato'ob ca méektáanta'aco'ob tumen Nabucodonosore', tene' bíin in dzáa núum yajil ba'atel ti'ob, wi'ij yéetel báan quíimil, tac quéen láaj p'áataco'ob tu yáanal u méektáan. Teen Yuumtzil, teen a'alic.

⁹Le t o'olale' ma' a táan óoltique'ex ba'axo'ob cu ya'alico'ob le aj bóobato'obo', le j chuchuc na'ato'obo', wa le j na'at wayako'obo', le j pulya'ajo'ob cu paticuba'ob u ya'alo'ob ba'ax cu taal u kiinil, yéetel cu ya'alico'ob ma' a p'aticaba'ex tu kab u ajawil Babilonia.

¹⁰Le ba'ax cu ya'alico'ob ti' te'exo' chéen tuus, chéen ba'ax bíin a najmate'exe' a tojolch'inta'ale'ex ta lu'ume'ex yéetel ca in ki'itbese'ex, ca quíimique'ex.

¹¹Ba'ale' le caaj cu bin u yóolt p'áatal tu méektáan u ajawil Babiloniae' bíin in p'at tu lu'um u ti'al ca cajlaqui', yéetel ca u meyajte. Teen Yuumtzil, teen a'alic.

¹²Teen Jeremíase' tin ca'a a'alaj tuláacal ti' Sedequías, u ajawil Judá, tin wa'alaj xan ti'e': Kubaba'ex ti' u páajtalil u ajawil Babilonia yéetel ti' u caajal, bíin cuxlaque'ex.

¹³¿Ba'axten bíin quíimique'ex, teech yéetel a caajal tu yo'olal ba'atel, wi'ijil yéetel báan quíimil? Tumen Yuumtzile' dzo'oc u ya'alic bey cu bin j úuchul ti' tuláacal le caajo'ob ma' u káato'ob yantal yáanal u páajtalil u ajaw Babilonia.

¹⁴Ma' a wu'uyique'ex ba'ax cu ya'alico'ob le aj bóobato'ob, iquil u ya'alico'ob ma' a bine'ex tu paach u ajawil Babilonia, tumen chéen tuus cu ya'alico'ob ti' te'ex.

¹⁵Yuumtzile' cu ya'alic ma' leti' j túuxto'obi'; táan u tuuso'ob iquil u t'aano'ob tu kaaba' Yuumtzil. Le t o'olale' bíin in ki'itbesa'aque'ex tumen Yuumtzil, te'ex yéetel le aj bóobato'ob tu ya'alajo'ob ti' te'ex le ba'alo'oba' bíin quíimique'ex.

¹⁶Bey xan tin t'aanaj le aj kiino'ob yéetel tuláacal le caajo', ca tin wa'alaj ti'ob: Bey u ya'alic Yuumtzila': Ma' a wu'uyique'ex le aj bóobato'ob, iquil u jajcuntico'ob séeba'an cu bin sutbil u nu'uculilo'ob kulnaj. Le ba'ax cu ya'alico'obo' chéen tuus.

¹⁷¡Ma' a táan óoltique'exo'ob! Beete'ex ba'ax cu ya'alic u ajawil Babilonia ca cuxlaque'ex. ¿Ba'ax o'olal bíin suunac le caaja', jun tucub x lab pak?

¹⁸Wa jach jaaj aj bóobato'obe', wa jaaj dzo'oc u kamico'ob in t'aane', ca u káat óolto'ob ti' téen, Yuumtzil u yuumil tuláacal páajtalil, u ti'al ma' in cha'ic u bisa'alo'ob Babilonia u yalab le nu'uculo'ob yaan kulnajo', je'el bix le yano'ob tu jalach naj u ajawil Judá yéetel Jerusalén.

¹⁹Le ca j bisa'ab Babilonia Jeconías, u paal Joacim u ajawil Judá tumen Nabucodonosore', túuxta'ab pa'ate' yéetel tuláacal u nuuquilo'ob Judá yéetel Jerusalén, ma' j bisa'ab le ocomo'obo' mix le nojoch chulub ja' bronce u ca'ajo', mix u chuuno'ob mix u yalab u nu'uculilo'ob le kulnajo'. Yuumtzil u yuumil tuláacal páajtalile' cu ya'alic tu yo'olal le nu'uculo'ob p'áato'ob kulnaj yéetel tu jalach naj u ajawil Judá yéetel Jerusalén:

²²Bíin u biso'ob Babilonia, ti' cu bin j p'áatalo'obi' tac quéen in wóolt in ca'a suto'ob te j cúuchila'. Teen Yuumtzil, teen a'alic.