Read Yucateco Ezequiel 15 Bible Online

Ezequiel 15 - Yucateco bible

Ezequiel 15

¹Yuumtzile' tu t'anajene' ca tu ya'alaj ti' teen:

²¿Ba'ax u asab ma'alobil u chuun le uva ti' u láak che'obo'?

³Mix ba'al u biilal u chuun, ¡ma' paatal mix u ti'al u beeta'al x ch'uyub nooki'!

⁴Chéen u ti'al si' cu meyaj. Le quéen dzo'ococ u yelel u ni'ob yéetel quéen chúucac u dzu'e', ¿ba'ax ti' je'el u páajtal u meyaje'?

⁵Wa tu túulisil mix ba'al u biilale'. ¡Bejela'a' dzo'oc u tóocale' asab mix ba'al u biilal!

⁶Le t o'olale', teen Yuumtzil, teen a'alic: Je'el bix u pu'ulul u chuun le uva ichil le káak u ti'al ca eleco', bey bíin in pul ich káak u cajnáalilo'ob Jerusalén.

⁷Tene' quin wa'aliquinbáa u aj p'eequeno'ob. Bíin u jecho'ob le káako', ba'ale' u láak káak bíin tóocaco'ob, le quéen in wa'alinbáa u aj p'eequeno'obe', te'exe' bíin a wutzil kaj óolte'ex teen Yuumtzilen.

⁸Bíin in sut x tocoyil u múuch' caajilo'ob, tu yo'olal tu kexilaqueno'ob. Teen Yuumtzil, teen a'alic.