Read Yucateco Oseas 13 Bible Online

Oseas 13 - Yucateco bible

Oseas 13

¹Le quéen t'aanaco'ob ca'ach u cajnáalilo'ob Efraine' cu chíinpolta'alo'ob ca'ach tumen u láak u ch'i'ibalo'ob Israel; ba'ale' Efraine' j quíim le ca j kebanchaj tu yo'olal tu kultaj Baal.

²¡Bejela'e' láili' u bin u kebanchajalo'obe'! cu yibico'ob u plata u ti'al u joyico'ob u kuob, je'el bix u tucultico'obe' je'el bix xan u dzíiboltico'ob le máaxo'ob joyico'obe'. Cu dzo'ocole' cu ya'alico'ob: ¡Kube'ex quíimsbil ba'alche'ob ti', le máaco'obo' cu dzu'udzico'ob le beetbil kuob chica'an ti' jun túul chan wacax.

³Le t o'olale' bíin p'áataco'ob bey u ye'ebil u sáastale' yéetel bey u p'ul ja'il ya'ab u bin u sáastale', séeb u sa'ap'al, bey le sojol cu picta'al tumen iike', wa bey buudz cu jóokol ca'anal, te tu'ux cu tuulo'.

⁴Yuumtzile' cu ya'alic: Teen Yuumtzil, tene' a Kuen likbal yanilech ca'ach tu lu'umil Egipto: Ma' a Kuintic u láak ku, tumen chéen teen a tocsajil.

⁵Teen tin canantajech tu chocoil le x tocoy lu'umo'.

⁶Ba'ale' le ca'aj yanji ya'ab janal ti' te'exe', tu jaajil a wóole'ex ca'analchaj a wiche'ex, ca tu'ubsene'ex.

⁷Le t o'olale', bíin béeyaquen jun túul j coj ti'ob, je'el bix jun túul j chacmo'ol cu ch'úuctic u beelo'obe'.

⁸Bin in ca'aj in nactáanto'ob bey jun túul x osa u satmaj u mejnilo'obe', u ti'al in xe'exet'ic u pucsi'ikalo'ob. Bey jun túul león, te'elo' ti' bíin in luko'obi'; bey jun túul j chi'ibale', bíin in tzi'itzico'ob.

⁹Bin in ca'aj in ch'éejsech Israel, mix máac bíin páatac u toquiquech.

¹⁰¿Tu'ux túun yaan a ajaw, u ti'al ca u toquech ichil tuláacal a noj caajo'ob? ¿Tu'ux túun yaan a nuuquile'ex, ti' le máaxo'ob ta káataje'ex ajaw yéetel a nuuquile'ex?

¹¹Ichil in p'uja'anil ta wéetele' tin dzaj ti' te'ex ajawo'ob, ichil in p'uja'anile' ta wéetele' tin lukesajo'ob ti' te'ex.

¹²U kasa'anil Efraine' dzíibta'an; u kebane' dzala'an p'aatlil ti' ju'un.

¹³Ti' Israele' dzo'oc u kuchul u súutuquil u síijil, ba'ale' jun túul paal tu yo'olal u jach nuume' ma' u yojel bix u najmal u suticubáa u ti'al u síijili'.

¹⁴¿Beyo' je'el wa u páajtal u toquico'ob ti' u páajtalil le mucnalo'? ¿Teen wa bíin in lojo'ob ti' le quíimilo'? Quíimil, ¿tu'ux yaan u páajtalil a xu'ulsaj? Mucnal, ¿tu'ux yaan a kascunajilo'ob? ¡Bejela'e' ma' bíin in ch'a'a óotzilil ti' le wíinico'oba'!

¹⁵Quex ca loolnac Israel je'el bix xíiwe', bíin talac j lakin iik, le ka'amcach iik cu yustaj x tocoy lu'umo', bíin u tiquincunt u sayabilo'ob, bíin sa'ap'ac xan le dzono'oto'obo'. U aj p'eeco'ob cu bin jáanpaytic u co'ocoj ayikalilo'ob.

¹⁶U caajil Samariae' bíin u kam u ja'adzal tu yo'olal ma' tu yóoltaj u yu'ub u t'aan Kui'. Bíin quíimsa'ac yéetel u ch'aac máascab, u paalale' bíin u jéejem p'uchto'ob j lu'um le co'olelo'ob yo'omchaja'ano'ob ti' paale' bíin je'ebeco'ob.