Read Yucateco Oseas 3 Bible Online

Oseas 3 - Yucateco bible

Oseas 3

¹Yuumtzile' tu ca'a a'alaj ti' teen: Xeen a yaacunt jun túul x ch'uup yaabilta'an tumen u yéet cajtal x pak keban xan. Bey u yaabiltmajil Yuumtzil le j israelitaobo', quex leti'obe' cu kultico'ob u láak kuob bey xan cu jaantico'ob u noj waajil pasas cu ku'ubul ti'obo'.

²Ca túun tin manaj jun túul co'olel in ti'alinte', tin bo'otaj quince sac taakin yéetel trecientos treinta litros cebadaa.

³Ca tin wa'alaj ti': Bíin in ti'alintech ya'abcach kiino'ob; ma' a x cáacbachtal mix a kubicabáa ti' u láak j xiib, teen xane' ma' bíin in kexechi'.

⁴Ya'ab kiino'ob cu bin j p'áatal le j israelitaob x ma' ajaw mix jo'olpóop, x ma' quiimsbil ba'alche', mix quili'ich tuunich, ma' bíin yanac u nook aj kiino'ob, mix u beetbil kuobi'.

⁵Cu dzo'ocol lela' bíin suunac le j israelitaob u ti'al u caxtico'ob Yuumtzil u Ku yéetel David u ajaw. Tu xuul le kiino'obo' bíin talaco'ob yéetel tziiquil ti' Yuumtzil tu yo'olal le ba'alo'ob utztac cu dzáico'.