Read Yucateco Oseas 6 Bible Online

Oseas 6 - Yucateco bible

Oseas 6

¹Co'otene'ex tuláacale'ex u ti'al ca suunaco'on ti' Yuumtzil. Leti' tu xe'exe'et'ajo'on, leti' xan bíin u yutzquinto'on; leti' tu lobiltajo'on, bey xan leti' bíin u dzaco'on.

²Jun súutuc bíin u sut c toj óolal, tu yóox p'éel kiine' bíin u líikeso'on u ti'al ca cuxlaco'on tu táan.

³¡Cone'ex ch'a'ic óol u ti'al ca j kaj óolt Yuumtzil! Yuumtzile' bíin talac ti' to'on jach tu jaajil, je'el bix jaajil u jóokol le kiino', jach tu jaajil, je'el bix jaajil u jóoyabta'al le lu'um quéen káaxac ja' tu kiinil yáax kiin yéetel tu kiinil ja'aja'al.

⁴Yuumtzile' cu ya'alic: ¿Ba'ax bíin in beet ta wéetel, Efraín? ¿Ba'ax bíin in beet tu yéetel Judá? Le yaacunaj a dzaamaje'ex ti' teno' bey u ye'ebil ja'atzcab kiine', bey u p'ul ja'il ya'ab u bin u sa'atale', ma' tu xáantal u sa'ap'ale'.

⁵Le t o'olal dzo'oc in xe'exet'ique'ex tu yéetel le aj bóobato'obo'; tu yéetel in péectzile' dzo'oc in quiimsique'ex. In ti'ibil bejile' cu jóokol je'el bix le sáasilo'.

⁶Ba'ax quin káatic ti' te'exe' ca a yaacuntene'exi', ma' ca a kube'ex ti' teen quíimsbil ba'alche'obi'; kamene'ex bey a Kuexe', ma' a kubique'ex ti' teen tóocbil ba'alche'ob.

⁷Ba'ale' in caajale' bey je'el bix Adame', ma' tu dzo'ocbesaj in nup t'aani', tu kexajen xan.

⁸Galaade' jun p'éel u caajil kaakas wíinico'ob, láaj pa'apa'ak yéetel u ki'ik ma' tu páajtal u balic.

⁹Le aj kiino'obo' chéen jun múuch' j oocolo'ob, táan u ch'úuctico'ob u máan máac; cu quiimsico'ob wíinico'ob yéetel cu beetico'ob ba'alo'ob talam subtzil tu bejil Siquem.

¹⁰Tu lu'umil Israele' dzo'oc in wilic ba'alo'ob talam kaastac: Efraine' dzo'oc u kastal, Israele' dzo'oc u pa'apa'aktal yéetel keban.

¹¹Tac ti' teech Judá, dzo'oc in yéeyic u kiinil a ja'adzal. Le kiin in káat in beet utz ti' in caajal Israel,