Read Yucateco Amós 6 Bible Online

Amós 6 - Yucateco bible

Amós 6

¹¡Yaj yanilo'ob le máaxo'ob cu bisico'ob jun p'éel binqui' cuxtal tu caajil Siono'! ¡Yaj yanilo'ob le u dzaamajo'ob u alab óolalo'ob ti' Samariao', u nuuquilo'ob le nucuch múuch' caajo'obo', ti' máaxo'ob cu naquicuba'ob le j israelitaobo'!

²Xeene'ex tu caajil Calne, ca paacatnaque'ex; cu dzo'ocole' ca máane'ex Hamat le nojoch caajo', ca wéemele'ex Gat u caajal le j filisteobo'. ¿Te'exe' ca tuculticaba'ex wa asab ma'alobe'ex ti' le caajo'obo'? ¿A caajale'exe' asab ma'alob ti' u caajalo'ob?

³Te'exe' ma' a káate'ex a tuculte'ex le kaakas kiino', ba'ale' táan a beetique'ex u náadzal u ajawil le meyaj loobo'.

⁴Chilicbale'ex ti' jadzutz u nu'uculo'ob wenel marfil u ca'ajo'ob, ca je'elsicaba'ex ta kaane'ex je'el bix a káate'exe'; ca much'tale'ex u ti'al a jaante'ex mejen j tamano'ob bey xan mejen poloc wacaxo'ob;

⁵cu paxico'ob flauta chéen mina'an u nu'uc, táan u queticuba'ob ti' David, iquil u pat jo'oltico'ob u nu'uculo'ob pax;

⁶cu yukico'ob vino ti' u nucuch nu'ucul ukul, cu qui'ibocunticuba'ob yéetel co'ocoj qui'iboc ba'alo'ob, ¡mix tu yaj óoltico'ob u yóotziltal le caajo'obo'!

⁷Te'ex bíin yáax bisa'aque'ex palitzilil táanxel lu'umilo'ob, bey bíin xu'uluc u juum le a nucuch janale'exo'.

⁸Yuumtzile' tu séeb chi'itaj tu báil; Yuumtzil, Ku u yuumil tuláacal páajtalil, cu ya'alic: In ch'a'a p'ectmaj u j ca'anal ichil u caajil Jacob; in ch'a'a p'ectmaj u jalach najilo'ob; bíin in kub tu kab u aj p'eeco'ob le noj caaja', pa'ate' yéetel tuláacal ba'ax yaan ichil.

⁹Wa yaan diez máaco'ob ti' jun p'éel naje' tu diecil bíin quíimico'ob.

¹⁰Tu yo'olal le jach nojoch sajaquilil bíin talaco', wa máax cu líikesic jun túul u láaktzil quimen u ti'al u jóokesic táancabe', yaan u ya'alic ti' u láak u yéet najil yaan ichil le najo': ¿Yaan wa u láak máac te'elo'? Bíin núuca'ac ti' tumen u láako': Mina'an. Le yáax t'aanajo' cu ya'alic, ¡Mac a chi' bic táabquech a máans ta chi' u kaaba' Yuumtzil!

¹¹Tumen Yuumtzile' bin u ca'aj u túuxt jadz tu yóokol nucuch najo'ob yéetel mejen najo'ob, tuláacal cu bin j p'áatal x lab pakil.

¹²¿Cu páajtal wa u na'acal tzíimino'ob te j chaway tuuno'obo'? ¿Wa cu páajtal u bukla'al yóokol le ka'anabo'? ¡Ba'ale' te'exe' ta sutaje'ex quíimilil le ti'ibil bejilo' u ma'alobil xan le ti'ibil bejo' ta káajcuntaje'ex!

¹³Ichil u tuusil u qui'imaquil a wóole'ex ca wa'alique'ex: Chéen yéetel c muuk t najmataj c páajtalil.

¹⁴Israelita'ex qui'iqui' ile'ex; Yuumtzil Ku, u yuumil tuláacal páajtalile' cu ya'alic: Tene' quin taasic ta wóokole'ex jun p'éel nojoch múuch' caaj, leti'ob bíin yedzique'ex, likbal j xaman tac tu xuul j noojol.