Read Yucateco Jonás 2 Bible Online

Jonás 2 - Yucateco bible

Jonás 2

¹Jonás túune' j payalchi'inaj ti' Yuumtzil u Ku ichil u jobnel le cayo',

²Ca tu ya'alaj: Ichil in yaayam óolale' j káat óolnajen ti' teech Yuumtzil; teche' ta núucajen. Likbal tu taamil le quíimilo' j káat óolnajen ti' teech, teche' ca ta wu'uyajen.

³Ta pulajen tu asab taamil le ka'anabo', u muuk u yáalcab le ja'o' tu cuclajeno'ob. Le u nucuch cuclilo'ob le ka'anab ca túuxtico', cu máano'ob ca'ach tin wóokol.

⁴Tin wu'uyajinbáa dzo'oc a tojolch'intiquen ta táan; ca tin tucultaje' ma' bíin in ca'a ila'a' a quili'ich kulnaji'.

⁵Le ja'obo' tu láaj bablajeno'ob ca'achi'; u mucmajen ca'ach u sen taamil ka'anabo'; u xíiwilo'obe' cu sa'awanticuba'ob tin pool.

⁶J búulen tac tu taamil le ka'anabo', ¡tene' tin wu'uyajinbáa mina'an u kiinil u cha'iquen! Ba'ale' teche', Yuumtzil in Ku, ta tocajen ti' le quíimilo'.

⁷Le ca tin wu'uyaj táan u xu'ulul in cuxtale', ca j ka'ajech ti' teen Yuumtzil; in payalchi'e' j kuch ti' teech ta quili'ich kulnaj.

⁸Le máaxo'ob cu bino'ob tu paach le beetbil kuobo' cu jáawal u chuca'antal u yóolo'ob ti' teech;

⁹ba'ale' tene' yéetel u t'aanilo'ob nib óolale', bíin in kub quíimsbil ba'alche'ob; bíin in dzocbes le séebchi'ob tin beetaj ca'ach ti' techo'. ¡Chéen teech Yuumtzil cu páajtal a tocsaj!

¹⁰Yuumtzil túune' tu beetaj ca xe'ebec Jonás tumen le cay te tu lu'umil u jáal le ka'anabo'.