Read Yucateco Números 1 Bible Online

Números 1 - Yucateco bible

Números 1

¹U yáax kiinil ti' u ca'a winalil tu ca'a ja'abil, tu xuul u kiinilo'ob u ca'a ja'abil jóokoco'ob le j israelitaob tu lu'umil Egiptoo', Yuumtzile' tu t'aanaj Moisés tu x tocoy lu'umil Sinaí, tu noj Paselil Much'tal yéetel Ku, ca tu ya'alaj ti':

²Xoque'ex jay túul tuláacal le j israelitaobo', ti' u múuch' cajtalilo'ob u yotochnáalo'ob u ti'al ca wojéelte'ex jay túul u j xiibilo'ob

³le máaxo'ob yaan veinte u ja'abilo'ob tac máanja'an, cu páajtal u jóokolo'ob u ti'al j ba'atele' teech yéetel Aarone' dzíibte'ex jay túul je'el bix u nu'ucta'al le kaaba'ob u ti'al j ba'atelo',

⁴ta wéetele'exe' yaan u yáantajo'ob jun túul u nojchil ti' jujun p'éel u múuch' cajtalil a wotochnáale'ex.

⁵Lelo'oba' u kaaba'ob le u nojchilo'ob naj u ti'al u yáante'ex: U nojochil u ch'i'ibalo'ob Rubene': Elisur, u paal Sedeur.

⁶U nojochil u ch'i'ibalo'ob Simeone': Selumiel, u paal Zurisadai.

⁷U nojochil u ch'i'ibalo'ob Judae': Naasón, u paal Aminadad.

⁸U nojochil u múuch' cajtalil u yotochonáalo'ob Isacare': Natanael, u paal Zuar.

⁹U nojochil u ch'i'ibalo'ob Zabulone': Eliab, u paal Helón.

¹⁰U nojochil u ch'i'ibalo'ob Josee': tu yo'olal Efraine' Elisama, u paal Amiud, tu yo'olal Manasese', Gamaliel u paal Pedasur.

¹¹U nojochil u ch'i'ibalo'ob Benjamine': Abidán u paal Gedeón.

¹²U nojochil u múuch' cajtalil yotochnáalo'ob Dane': Ahiezer, u paal Amisadai.

¹³U nojochil u ch'i'ibalo'ob Asere': Pagiel, u paal Ocrán.

¹⁴U nojochil u ch'i'ibalo'ob Gade': Eliasaf, u paal Reuel.

¹⁵U nojochil u ch'i'ibalo'ob Neftalie': Ahira, u paal Enán.

¹⁶Lelo'oba' u nojchilo'ob ichil u múuch' cajtalilo'ob u cajnáalilo'ob u yotochnáalo'ob Israel, yéeyabo'ob u ti'al j t'aan tu yo'olal u yéet otochnáalo'ob.

¹⁷Moisés yéetel Aarón túune', tu yáax kiinil u ca'a p'éel winalil le ja'abo'; tu much'quintajo'ob le j xiibo'ob yéeya'ano'ob tu kaaba'ob tumen Ku, bey xan tuláacal le caajo', ca tu dzíibtajo'ob u kaaba'ob tuláacal le j israelitaobo', tu dzíibtajo'ob u kaaba'ob le j xiibo'ob tu tzoolol u múuch' otochnáalo'ob bey u yotochnáalilo'ob, maanal veinte u ja'abilo'ob,

¹⁹jach je'el bix tu nu'uctilac Yuumtzil ti' Moisese', le dzíibil kaaba' j beeta'ab tu x tocoy lu'umil Sinaí.

²⁰Le ca j dzo'oc u xo'ocol jay túulo'ob ti' u ch'i'ibalo'ob, tu jooltaquil najo'obe', j dzíibta'ab u kaaba' tu jujun túulil, yéetel u xo'ocol jay túul le j xiibo'ob yaan maanal veinte ja'abo'ob ti'ob tu chucaj le buca'aja': Ti' u ch'i'ibalo'ob Rubene', u nojchil paal Israele', j xo'oc cuarenta yéetel seis mil quinientos j xiibo'ob ma'alobo'ob u ti'al j ba'atel.

²²Ti' u ch'i'ibalo'ob Simeone' j xo'oc cincuenta yéetel nueve mil trescientos.

²⁴Ti' u ch'i'ibalilo'ob Gade' j xo'oc cuarenta yéetel cinco mil setecientos cincuenta.

²⁶Ti' u ch'i'ibalo'ob Judae' xo'oc setenta yéetel cuatro mil setecientos.

²⁸Ti' u ch'i'ibalo'ob Isacare' xo'oc cincuenta yéetel siete mil cuatrocientos.

³⁰Ti' u ch'i'ibalo'ob Zabulone' j xo'oc cincuenta yéetel siete mil cuatrocientos.

³²Ti' u ch'i'ibalo'ob Josee'. J xo'oc cuarenta mil quinientos, ti' u ch'i'ibalo'ob Efraine', treinta yéetel dos mil doscientos ti' u ch'i'ibalo'ob Manasés.

³⁶Ti' u ch'i'ibalo'ob Benjamine' xo'oc treinta yéetel cinco mil cuatrocientos.

³⁸Ti' u ch'i'ibalo'ob Dane' j xo'oc setenta yéetel dos mil setecientos.

⁴⁰Ti' u ch'i'ibalo'ob Asere' j xo'oc cuarenta y un mil quinientos.

⁴²Ti' u ch'i'ibalo'ob Neftalie' j xo'oc cincuenta yéetel tres mil cuatrocientos.

⁴⁴Le dzíibil kaaba'ob tu beetaj Moisés, Aarón yéetel doce u nuuquilo'ob israelitaob, u aj méektáan u ch'i'ibalo'ob yéetel u j otochnáalo'ob, buca'aj tu chucaja':

⁴⁵le j israelitaob ma'alob u ti'al ba'atel dzo'oc u máan veinte u ja'abilo'obo',

⁴⁶tu chucaj seiscientos yéetel tres mil quinientos tu pa'ate'il.

⁴⁷Le j levitaobo' ma' j xo'oc u ch'i'ibalo'ob pa'ate' yéetel u láak múuch' cajtalil otochnáalo'obe',

⁴⁸tumen Yuumtzile' u ya'almaj ca'ach ti' Moisés:

⁴⁹le quéen a xoc le israelitaobo' ma' bíin a xoc u ch'i'ibalo'ob Levii' pa'ate' yéetelo'obi'.

⁵⁰Le j levitaobo' unaj a dzáico'ob u ti'al u beetico'ob u meeyjul u quili'ich najil Nup t'aan, tuláacal le nu'uculo'ob yéetel u láak ba'alo'ob yaan te j quili'ich najo'. Leti'obe' dza'ano'ob u ti'al u bisico'ob le quili'ich najo' yéetel u nu'ucul u meyajo'ob, bey xan u ti'al tuláacal u meyajil. U najmal u cajtalo'ob tu bakpach le quili'ich najo'.

⁵¹Le quéen kabéetchajac u bisa'al le quili'ich najo' yaan u wach'ico'ob bey xan le tu'ux bíin je'eleco'obe' yaan u ca'a kaxico'ob. Wa u láak máac cu náadzal ti' le quili'ich najo' yaan u xot kinta'al j quíimil.

⁵²Le u láak israelitaobo' yaan u much'talo'ob bey u much'talo'ob le máaxo'ob cu ba'atelo'obo', tu jujun túule' tu Noj Paselil tu yicnal xan u lacam.

⁵³Le j levitaobo' leti'obe' yaan u much'talo'ob tu bakpach u quili'ich najil le Nup t'aano', u ti'al u canantico'ob ma' u p'u'ujul Yuumtzil ti' le israelitaobo'.

⁵⁴Le j israelitaob tu beetajo'ob tuláacal je'el bix tu tzol t'antaj Yuumtzil ti' Moiseso'.