Read Yucateco Números 12 Bible Online

Números 12 - Yucateco bible

Números 12

¹María yéetel Aarone' jo'op' u ya'alico'ob ba'al ti' Moisés, tumen dzo'oc u beel x yéetel jun túul co'olel x etiopiail'.

²Tu ya'alajo'ob xan: Yuumtzile' ma' j t'aanaj chéen tu yo'olal Moisesi'; dzo'oc u t'aan xan t o'olal, Yuumtzile' tu yu'ubaj u t'aano'ob.

³Tu jaajile' Moisese' jun túul jach caabal óolal máac te j lu'uma'.

⁴Le t o'olale' Yuumtzile' tu ya'alaj ti' Moisés, ti' Aarón yéetel ti' María: Xeene'ex tu yóox túulale'ex tu Noj Paselil Much'tal. Tu yóox túulalo'ob j bino'ob te'elo'.

⁵Yuumtzil túune' j éem ti' jun p'éel tatat múuyal ca'a tu dzajubáa tu jool le Noj Paselo'; cu dzo'ocole' tu t'anaj Aarón yéetel María, le ca tu dzajuba'ob tu táane',

⁶Yuumtzile' tu ya'alaj ti'ob: U'uye'ex le ba'ax quin in wa'ala': Wa yaan ichile'ex jun túul aj bóobat cu t'aan tin kaaba'e', tene' quin t'aan yéetel ich náay bey xan quin t'anic ich wayak;

⁷ba'ale' yéetel in palitzil Moisese' ma' tin beetic beyo'. Le ti'e' asab chuca'an u yóol ichil tuláacal in palitzilo'ob,

⁸yéetel leti'e' quin t'aan je'el bix u tzicbal jun túul máac tu táan u láake' utz u ch'a'a nu'uctic ba'ax quin wa'alic. Wa leti' cu t'aan queetlan iche' tin wéetel, ¿ba'axten ca táabale'ex a wa'alique'ex ba'al ti'?

⁹Yuumtzile' sen kuuxchaj yéetelo'obe', ca j bini.

¹⁰Le ca náachchaj le múuyal ti' u noj Paselil much'talo', u yoot'el Mariáe' p'at sac yéetel jáaway. Ca j pacta'ab tumen Aarone' tu yilaj yaan jáaway ti',

¹¹ca tu ya'alaj ti' Moisés: In dzuulil, beet utz ma' a sen beetic c mukyaj tu yo'olal le keban dzo'oc beetic x ma' na'atila'.

¹²Ma' a cha'ic u p'áatal leti' bey jun túul quimen champaal ma'ili' síijic cu jóokol yéetel u yoot'el láaj xe'exet'e,

¹³Moisese' tu káat óoltaj ti' Yuumtzil; Ku quin káat óoltic teech ca a beet u yutztal.

¹⁴Yuumtzil túune' tu núucaj; wa ca túuba'ac u yich tumen u taatae' cu pa'ajal u subtal siete kiino'ob, le t óolale' jóokese'ex tu paach caaj siete kiino'ob, cu dzo'ocole' je'el u páajtal u suute'.

¹⁵Beyo' x Maríae' jóokesa'ab siete kiino'ob tu paach caaj. Ba'ale' le caajo' ma' péecnaj te'elo'.

¹⁶Le ca tu much'ajubáa María yéetelo'obe', tu dzajuba'ob bej jóok u xíimbalo'ob Asterot, ca j je'elo'ob tu x tocoy lu'umil Parán.