Read Yucateco Números 33 Bible Online

Números 33 - Yucateco bible

Números 33

¹Lelo'oba' u kaaba'ob tu'ux je'elo'ob u paalal Israel u tzolmajuba'ob ca j jóoko'ob Egipto bey aj ba'atelo'obe', aj bej ta'ano'ob tumen Moisés yéetel Aarón.

²Moisese' j bin u dzíibtic u kaaba'ob le cúuchilo'ob tu'ux je'elo'ob, bey tu kiinil jóokico'ob, je'el bix u bin u ya'alal ti' tumen Yuumtzile', lela' leti' le kiino'ob yéetel le cúuchilo'ob tu'ux jóoko'obe'.

³Le j israelitaobo' jóoko'ob Ramsés tu kiinil quince tu yáax winalil le ja'abo' tu láak kiin dzo'ococ u kiinbesico'ob le Táadz Máanbalo'. Jóoko'ob yéetel nojoch páajtalil tu táan yich tuláacal le j Egiciobo',

⁴le j egiciobo' táan u muquico'ob u yáax paalal, beeta'ab u quíimilo'ob tumen Yuumtzil iquil úuchic u ja'adzal u kuob.

⁵Le j israelitaobo' jóoko'ob Ramsese' ca je'elo'ob Sucot.

⁶Jóoko'ob Sucote' ca je'elo'ob Etam, tu'ux cu náacal le x tocoy lu'umo'.

⁷Jóoko'ob Etame', ca lóocho'ob tu tojil Pi-hahirot, cu p'áatal tu lakin Baal-zefón, ca je'elo'ob actáan ti' Migdol.

⁸Jóoko'ob Pi-hahirote', ca tu ch'acto'ob le ka'anabo' ca j kucho'ob tac te x tocoy lu'umo'. J xíimbalnajo'ob óox p'éel kiin tu x tocoy lu'umil Etame', ca je'elo'ob Mara.

⁹Jóoko'ob Marae' ca j kucho'ob Elim, tu'ux yaan doce sayab ja'ob yéetel setenta xa'ano'ob, ca je'elo'obi'.

¹⁰Jóoko'ob Eline' ca j much'lajo'ob tu jáal chac ka'anab.

¹¹Ti' le chac ka'anabo' xíimbalnajo'ob ca je'elo'ob tu x tocoy lu'umil Sin.

¹²Jóoko'ob tu x tocoy lu'umil Sine' ca je'elo'ob tu x tocoy lu'umil Dofca.

¹³Jóoko'ob Dofcae' ca je'elo'ob Alús.

¹⁴Jóoko'ob Aluse' ca je'elo'ob Refidín, tu'ux ma' j yanchaj ja' u ti'al ukbili'.

¹⁵Jóoko'ob Refidime' ca je'elo'ob tu x tocoy lu'umil Sinaí.

¹⁶Jóoko'ob tu x tocoy lu'umil Sinaie' ca je'elo'ob Kibrot-hataava.

¹⁷Jóoko'ob Kibrot-hataavae' ca je'elo'ob Hazerot.

¹⁸Jóoko'ob Hazerote' ca je'elo'ob Ritma.

¹⁹Jóoko'ob Ritmae' ca je'elo'ob Rimon-peres.

²⁰Jóoko'ob Rimon-perese' ca je'elo'ob Libna.

²¹Jóoko'ob Libnae' ca je'elo'ob Rissa.

²²Jóoko'ob Rissae' ca je'elo'ob Ceelata.

²³Jóoko'ob Ceelatae' ca je'elo'ob tu witzil Sefer.

²⁴Jóoko'ob tu witzil Sefere' ca je'elo'ob Harada.

²⁵Jóoko'ob Haradae' ca je'elo'ob Macelot.

²⁶Jóoko'ob Macelote' ca je'elo'ob Tahat.

²⁷Jóoko'ob Tahate' ca je'elo'ob Tara.

²⁸Jóoko'ob Tarae' ca je'elo'ob Mitca.

²⁹Jóoko'ob Mitcae' ca je'elo'ob Hasmona.

³⁰Jóoko'ob Hasmonae' ca je'elo'ob Moserot.

³¹Jóoko'ob Moserote' ca je'elo'ob Bene-jaacán.

³²Jóoko'ob Bene-jaacane' ca je'elo'ob Hor ti' Gidgad.

³³Jóoko'ob Hor ti' Gidgade' ca je'elo'ob Jotbata.

³⁴Jóoko'ob Jotbatae' ca je'elo'ob Abrona.

³⁵Jóoko'ob Abronae' ca je'elo'ob Ezion-geber.

³⁶Jóoko'ob Ezion-gebere' ca je'elo'ob tu x tocoy lu'umil Zin, u káat ya'ale' Cades.

³⁷Jóoko'ob Cadese' ca je'elo'ob tu witzil Hor, tu jáal u lu'umilo'ob Edom.

³⁸Yuumtzile' tu ya'alaj ti' aj kiin Aarone' ca na'acac tu pu'uquil Hor, ca j quíim te'elo' tu yáax jun p'éel kiin tu cinco winalil ti' le cuarenta ja'abo',[1] cu cáajal u xooquil le kiin jóok le israelitaob Egiptoo.

³⁹Le ca j quíim Aarón tu pu'uquil Hore, yaan ca'ach ciento veinte yéetel tres ja'abo'ob ti'.

⁴⁰U ajaw cananeob ti' Arad, caja'an ca'ach Néguev Ca'ana'anile', tu yojéeltaj cóojic le j israelitaobo'.

⁴¹Jóoko'ob tu witzil Hore' ca je'elo'ob Zalmona.

⁴²Jóoko'ob Zalmonae' ca je'elo'ob Punón.

⁴³Jóoko'ob Punone' ca je'elo'ob Obot.

⁴⁴Jóoko'ob Obote' ca je'elo'ob Ije-abarim, tu'ux cu xu'ulul Moab.

⁴⁵Jóoko'ob Ije-abarime' ca je'elo'ob Dibón-gad.

⁴⁶Jóoko'ob Dibón-gade' ca je'elo'ob Almon-diblataim.

⁴⁷Jóoko'ob Almon-diblataime' ca j je'elo'ob tu witzilo'ob Abarim, tu j lakin Nebo.

⁴⁸Jóoko'ob tu witzilo'ob Abarime' ca j je'elo'ob tu táax lu'umil Moab, tu jáal Jordán, actáan ti' Jericó.

⁴⁹U caajil le j israelitaob je'elo'ob tu jáal Jordano' cu jáayal líikbal Beet-jesimote' tac Abel-sitim, tu táax lu'umil Moab.

⁵⁰Tu táax lu'umil Moab, tu jáal u yáalcab ja'il Jordán, actáan ti' Jericoe', Yuumtzile' tu t'anaj Moisés ca tu ya'alaj ti':

⁵¹A'al ti' le israelitaob beya': Le quéen a ch'acte'ex Jordán u ti'al a wocole'ex tu lu'umil Canane',

⁵²áalcabanse'ex tuláacal u cajnáalilo'ob le lu'umo', xiixcunte'ex tuláacal u kuob beeta'an yéetel tuunich bey xan yéetel yi'bil fierro, pule'ex tuláacal u cúuchilo'ob kultaj beeta'ano'ob te j jo'ol lu'umo'obo'.

⁵³Jáanpayte'ex le lu'umo', ti' a cajtale'exi' tumen tene' kiin kubic te'ex u ti'al a cajtale'ex.

⁵⁴ba'ale' unaj a t'oxi'ique'ex yéetel buul, ichil u yotochnáalilo'ob le ch'i'ibalo'obo'; le ya'ab u yotochnáalo'obo' ya'ab lu'um bíin dza'abac ti'ob, le jun p'íito'obe' bíin dza'abac p'íit lu'um ti'ob; ti' otochnáale' bíin u kam le bíin u jóokes ti' le buulo'.

⁵⁵Wa te'ex ma' ta wáalcabansique'ex u cajnáalo'ob le lu'umo', le bin p'áatco'obe' bíin u chi'ichnaccunte'ex, bey jun p'éel ba'al ta wiche' wa bey ki'ix ta wíinclile', le quéen cajlaque'ex te j lu'umo'.

⁵⁶Teen túune' bíin in beet ti' te'ex le ba'ax tin tucultaj in beetic ti' leti'obe'.