Read Yucateco Sofonías 2 Bible Online

Sofonías 2 - Yucateco bible

Sofonías 2

¹J ma' subtal wíinique'ex, nadzaba'ex much'quintaba'ex,

²ma'ili' picta'aque'ex je'el bix u qui'is ixi'im cu samkajal jun p'éel kiine'; ma'ili' u taal ta wóokole'ex u sen p'uja'anil Yuumtzil; ma'ili' u lúubul ta wóokole'ex u kiinil u p'uja'anil Yuumtzili'.

³Tuláacale'ex u cabal óolalile'ex yóokolcaabe' caxante'ex Yuumtzil, te'ex ca wu'uyaj t'antique'ex u ya'almaj t'aano'obo'. Meyajnene'ex tu beel yéetel cabal óolajil, ma' xan ca a caxte'ex tu'ux a ta'acbesicaba'ex ti' u kiinil u p'uja'anil Yuumtzile'.

⁴U caajil Gazae' bíin suunac x tocoyil, Ascalone' bíin láaj kascunta'ac; chúumuc ca'an yanil kiin quéen tojolch'inta'aco'ob le máaxo'ob cajnáalo'ob Asdodo', u cajnáalilo'ob Ecrone', bíin láaj jo'ococo'ob tac u mootzo'ob.

⁵¡Yaj a wanile'ex, u cajnáalile'ex Creta, máaxe'ex cajnáale'ex tu jáalo'ob ka'anab! Kue' dzo'oc u ya'alic le xot kiin ta wóokole'exa': ¡Canaán u lu'umilech j filisteob, bin in ca'aj in ch'éejsech bíin in p'atech xan x ma' cajnáalilo'ob!

⁶Le múuch' caajo'ob yano'ob tu jáalo'ob le ka'anabo', bíin suunaco'ob chéen u cúuchilo'ob xíiwo'ob tu'ux bíin much'laco'ob aj canan j tamano'ob, yéetel u colóojche'ilo'ob u ka'alal u múuch'ul j tamano'ob.

⁷Le máaxo'ob bíin p'áataco'ob cuxa'ano'ob tu caajil Judae' bíin u ch'a'ob u ti'al u caajbesico'ob le lu'umo'ob le quéen talac áantbilo'ob tumen Yuumtzil u Kuob leti' quéen kéexec bix yanilo'ob. Te'elo' ti' bíin u cananto'ob u múuch'ul u j tamano'obi', tu yáakabilo'obe' ti' bíin je'eleco'ob tu najilo'ob Ascalone'.

⁸Lela' leti' ba'ax cu ya'alic Yuumtzil u yuumil tuláacal páajtalil, u Kuil Israela': Dzo'oc in wu'uyic u pooch'ilo'ob le j moabitaobo' bey xan u poochil le j amonitaobo'. Tumen dzo'oc u poch'ico'ob in caajal dzo'oc xan u noj ba'alcunticuba'ob tu yo'olal u lu'umo'ob. Le t o'olal quin jalach t'antic tu yo'olal in cuxtal Moabe' bíin úuchuc ti' je'el bix úuchic ti' Sodomae', j Amonilo'ob xane' bíin p'áatac bey Gomorrae', bíin suunac ki'ixilo'ob a káaxilo'ob, jun p'éel u sayabil ta'ab, jun p'éel cúuchil mix máac cajacbali'. Le j p'áato'ob cuxa'ano'ob ti' in caajalo' bíin u yocolto'ob bey bíin p'áataco'ob tu lu'umo'obo'.

¹⁰Lela' leti' le bo'ol bíin u kamo'ob Moab yéetel Amón tu yo'olal tu poch'ajo'ob u caajal Yuumtzil, tu yo'olal tu nojochcuntajuba'ob tu yéetel u caajal Yuumtzil u yuumil tuláacal páajtalil.

¹¹Yuumtzile' bíin sajbe'entzilchajac u ti'alto'ob. Bíin u láaj xu'uls u kuilo'ob le múuch' caajo'obo', leti' túune' bíin kulta'ac tuláacal tu'ux, bíin kulta'ac tac tumen u cajnáalilo'ob le peteno'obo'.

¹²¡Bey xan te'ex, u cajnáalile'ex Etiopiae', bíin lúubuque'ex tu yáanal u máascab Yuumtzil!

¹³Leti'e' bíin u tich' u kab tu tojil j xaman u ti'al u xu'ulsic Asiria, bíin u láaj kascunt u caajil Níinive, bíin u sut x tocoy tiquin lu'umil.

¹⁴Bíin jo'ococo'ob u che'ilo'ob u najilo'ob, ti' bíin chilac u múuch'ul j tamano'obi' bey xan tuláacal u jejeláas káaxil ba'alche'obi'. Le xooch' yéetel le j ki'ixpach oocho' bíin weneco'ob tu ca'analil u yocomilo'ob, le j ch'oomo'obo', bíin kolobnaco'ob tu calom kiinilo'ob yéetel tu yáam u jool najilo'ob.

¹⁵Lelo' leti' le caaj jedzecbal yanil ca'ach, chuup yéetel ca'anal ichil, cu ya'alico'ob ca'ach u cajnáalilo'ob mina'an bin u láak wíinico'ob je'el bixo'obe'. ¡Bix dzo'oc u p'áatal láaj kascunta'an bey xan u cúuchil u cajtal dzíidzic ba'alche'obe'! Je'el jay túul máaco'ob bíin káataco'ob naadz ti'e', bíin xóobnaco'ob yéetel bíin p'a'asnaco'ob tumen mix ba'al u yilico'ob.