Read Yucateco Deuteronomio 25 Bible Online

Deuteronomio 25 - Yucateco bible

Deuteronomio 25

¹Le quéen yanac máaco'ob j paaclan ba'atel ichile'exe', unaj u bino'ob tu cúuchil u'uyaj ba'atel u ti'al ca p'is óolta'aco'ob, le aj ilaj tacpoolo'obo' bíin u ya'alo'ob máax mina'an u si'ipile', cu xot kintico'ob le máax yaan u si'ipile'.

²Wa le máax yaan u si'ipil cu najmatic u ja'adzale', le aj ilaj tacpoolo', bíin u beet tudzquinta'al j lu'um tu táan, u ti'al ca ja'adzac je'el bix cu najmatic u si'ipilo'.

³ma' u máan cuarenta u puulul jadzo'ob cun bíin dza'abal ti'e', tu yo'olal ma' u beeta'al u sen muuk yajtic u ja'adzal a wéet caajal, u ti'al ma' u cabalcunta'al u yóol.

⁴Ma' a dzáic u pixchi' wacax le quéen meyajnac tu'ux cu p'u'uchul janaltbe'en neeko'obe'.

⁵Wa ca'a túul sucu'untzilo'ob caja'ano'ob ti' jun p'éelili' naj cu quíimil jun túul ti'ob wa mina'an u paale', le x quimen íichamo', ma' bíin páatac u dzo'ocol u beel yéetel u láak j xiib táanxel otochnáali'. U sucu'un wa u yíidzin bíin u ch'a'a u ti'al u yatantic tu yo'olal u dzo'ocbesic ba'ax u najmal u beeta'al tumen jun túul baal.[6]

⁶Le yáax paal bíin u síijse', bíin u bis u kaaba' le máax quimeno', yo'olal ma' u sa'atal u kaaba' tu caajil Israel.

⁷Ba'ale' wa le j xiib ma' u káat dzo'ocol u beel yéetel le x co'olelo', x leti'e' cu bin tu'ux cu much'tal le u nuuquilo'ob le caaj u ti'al u ya'al ti'ob: In ba'ale' ma' u káat u beet ca p'áatac u kaaba' u sucu'un tu caajil Israeli'; ma' u káat u dzo'ocbes ba'ax unaj u beetic jun túul ba'ali'.

⁸U nuuquilo'ob túun le caajo' bíin u t'aano'ob u ti'al ca ca tzicbalnaco'ob yéetel, wa cu pechicubáa ma' u dzo'ocol u beel x yéetele',

⁹le co'olelo' bíin u nadzubáa tu yicnal tu táan u nuuquilo'ob le caajo', cu pitic u xanab yaan tu yooc le máaco', cu dzúuc túubtic yich táan u ya'alic ¡Bey u beeta'al ti' le j xiib ma' u káat u dzáa u ch'i'ilancab ti' u sucu'uno'!

¹⁰U yotoche' bíin dza'abac u kaaba'int u yotoch le j ma' xanab.

¹¹Wa táan u ba'atel ca'a túul j xiibo'ob cu náadzal u yatan jun túul u toc u yíicham cu machic u láak máac tu chíime',

¹²te'exe' bíin a wa'ale'ex x ma' ch'a'a óotzilil ca xo'otoc u kab le x co'olelo'.

¹³U ti'al a mane'ex yéetel a conole'exe', ma' a p'ise'ex yéetel tuutus p'iso'ob,

¹⁵chéen unaj a meyaje'ex yéetel p'iiso'ob ma'alob chuca'anilo'ob, u ti'al ca yanac te'ex cuxtal ya'ab ja'abo'ob ti' le lu'um bíin u dzáa te'ex Yuumtzilo'.

¹⁶Tumen Yuumtzile' cu lúubul kaasil ti' tuláacal máaxo'ob beetic le ba'alo'ob ma' tu beelo'obo'.

¹⁷Ka'ajac te'ex ba'ax tu beetaj te'ex Amalec te j bejo', cu dzo'ocol a jóokole'ex Egipto';

¹⁸ka'ajac te'ex yéetel u x ma' sajaquilil ti' Ku tu pulajubáa ta wóokole'ex te j bej le ca tu yilaj ca'ana'ane'ex bey xan xuulul a wóole'exo', tu pulajubáa tu yóokol le luba'an u muuko'ob p'áatalo'ob paachilo'.

¹⁹Le t o'olal le quéen dzo'ococ u dzáanche'etic Ku tuláacal a aj p'eeque'ex bakpachmile'ex ti' le múuch' caajo'ob bíin u dzáa a ti'alinte'exo', unaj a tupique'ex yóokolcaab u kaaba' Amalec. ¡Ma' u tu'ubul ti' te'ex!