Read Yucateco Deuteronomio 3 Bible Online

Deuteronomio 3 - Yucateco bible

Deuteronomio 3

¹Cu dzo'ocole' t ch'a'aj u láak beje' ca j bino'on tu tojil Basán. Ba'ale' Og u ajawil le lu'umo', jóok yéetel tuláacal u aj ba'atelo'ob u ba'atelto'on tu lu'umil Edrei.

²Yuumtzil túune' tu ya'alaj teen: Ma' a ch'a'ic sajaquil ti' leti', mix ti' u aj ba'atelo'ob, mix ti' u múuch' caajalo'ob, dzo'oc in kubic ta kab u ti'al a beetic ti'e' le ba'ax ta beetaj ti' Sehón u ajawil le amorreob, cajnáalo'ob ca'ach Hesbono'.

³Bey tu beetilac Yuumtzil c Ku u lúubul t kab ajaw Og tu pa'ate' yéetel u aj ba'atelo'ob, ca t láaj quíimsajo'ob, ma' t p'ataj mix máac cuxa'ani'.

⁴T jáampaytaj xan tuláacal u caajalo'ob; ma' j yanchaj mix jun p'éel ma' u lúubul t kabi', lelo' tuláacal u cúuchilo'ob Argob tu'ux cu beetic u ajawil Og u ajawil Basán.

⁵Tuláacal ca'ach bakpachta'ano'ob yéetel ca'anal pako'ob, mu'uka'an jool najo'ob yéetel u tóojche'ilo'ob, yaan xan u láak u caajilo'ob x ma' ca'anal pako'ob.

⁶T láaj xot kintajo'ob u ti'al xu'ulsaj, je'el bix t beetaj yéetel Sehón u ajawil Hesbón, ca t láaj quíimsaj le j xiibo'ob, le x co'olelo'ob yéetel le paalalo',

⁷ca j p'áat to'on chéen ba'alche'ob yéetel le ba'axo'ob co'oj u tojol yaan ca'ach ti' c aj p'eeco'obo'.

⁸Ti' túun le kiinaco' j lúub t kab u lu'umo'ob u ajawilo'ob le amorreob cajacbalo'ob tu lakin u yáalcab Ja'il Jordán, líikbal tu yáalcab ja'il Arnón tac tu witzil Hermón.

⁹(le witza' cu kaaba'intic Sirión tumen le j sidonilo'obo', yéetel cu kaaba'inta'al Senir tumen j amorreobo'.)

¹⁰Tuláacal u caajilo'ob le u táaxilo'ob le pu'uco', tuláacal Galaad yéetel Basán tac Salca yéetel Edreie', u ajawililo'ob ca'ache', Og le yaan Basane', j lúubo'ob t kab.

¹¹(Chéen ajaw Og, ca'ach p'áatal ti' le refaitaobo'; u cama fierro u ca'aje' cu p'isic ca'ach cuatro metros u chowaquil, óoli' dos metros u cóochil, je'el bix cu páajtal u yila'al tac bejela'a' tu caajil amonita yaan Rabao'.)

¹²Ti' le lu'um t jáanpaytaj ti' le kiinaco', tin kubaj ti' u ch'i'ibalo'ob Rubén yéetel ti' u ch'i'ibalo'ob Gad le lu'um cu bin líikbal Aroer, tu jáal u yáalcab ja'il Arnón, tac tu chúumuc u witzilo'ob Galaad yéetel u caajilo'ob.

¹³Le u yalabe' j p'áat ti' Galaad, tuláacal le yaan tu tojil Basán u ti'al ca'ach u ajawilil Og, yéetel tuláacal le yaan tu tojil Argob, kaj óola'an bey u lu'um refaitaobe', tin dzaj ti' táancoch u ch'i'ibalo'ob Manasés.

¹⁴(Jair u ch'i'ilancab Manasese' tu jáanpaytaj u tojil Argob tac tu xu'ukilo'ob u lu'umil Gesur yéetel Maaca, ca tu kexaj u kaaba' Basane' ca tu dzaj u kaaba'int je'el bix u kaaba' leti'e': Habot-jair, láili' leti' le kaaba' yaan ti' tac bejela'e'.)

¹⁵ti' Maquire' tin dzaj Galaad,

¹⁶ti' u ch'i'ibalo'ob Rubén yéetel Gade' tin dzaj tuláacal le cúuchilo'ob yaan tu tojilo'ob Galaad yéetel u yáalcab ja'il Arnón, cu xu'ulul tu chúumuc táax lu'um tac tu yáalcab ja'il Jaboc, u chíiculalil u xuul u lu'um le j amonitaobo'.

¹⁷J lakine' tin dzaj Arabá ti'ob, tu jáal u lakin u witzilo'ob Pisga tu tojil tu'ux cu xu'ulul u yáalcab u ja'il Jordán cu bin tac tu xéel ja'il cineret tac tu ka'anabil Arabá, leti' le j quimen ka'anabo'.

¹⁸Ti' le kiinaco' tin dzaj te'ex le túuchi' t'aana': Yuumtzil a Kue' cu kubic te'ex le lu'uma', a ti'alinte'ex. Tuláacal le máaxo'ob u yojelo'ob j ba'atele' u ch'a'ob u nu'ucul u ba'atelo'ob ca xi'ico'ob táanil ti' u yéet caajalo'ob le j israelitaobo'.

¹⁹Ti' le caajo'ob dzo'oc in dzáic te'exo', chéen bíin p'áataco'ob, x co'olelo'ob, mejen paalal, yéetel le ya'ab wacax yaan ti' te'exo'.

²⁰Ca'aliquil teen, Yuumtzil ma' in dzáa ti' a láake'ex le jéedzel je'el bix le dzo'oc in dzáic te'ex, wa quex ma' u jáanpayto'ob u ti'alinto'ob le lu'um bíin in dzáa ti'ob yaan tu láak jun tzéel u yáalcab ja'il Jordano', ma' bíin páatac a sute'ex te j lu'um dzo'oc in dzáic te'exo'.

²¹Ti' Josuee' dzo'oc in wa'alic: Ta wichil ta wilaj ba'ax dzo'oc u beetic Yuumtzil a Ku ti' le ca'a túul ajawo'obo'; bey bíin u beet yéetel tuláacal le ajawilo'ob tu'ux bíin máanaquecho'.

²²Ma' a ch'a'ic sajaquil ti'ob, tumen Yuumtzil a Ku bíin ba'atelnac ta tzéele'ex.

²³Láili' ti' le kiinaco', tin káat óoltaj, ti' Yuumtzil;

²⁴Yuumtzil, teche' dzo'oc a cáajsic a we'esic ti' a palitzil a nojbe'enil yéetel a páajtalil. Mina'an u láak Junab Ku j ca'an mix j lu'um je'el u páajtal u beetic le jak óol ba'axo'ob ca beetic techo'.

²⁵Quin káat óoltic teech ca cha'a in ch'actic le u láak jun tzéel le u ja'il Jordano', tumen in káat in wil le ma'alob lu'umo', le u qui'ichquelem witzil le cúuchilo'obo' yéetel le Líbanoo'.

²⁶Ba'ale' te'exe' ta beetaje'ex u p'u'ujul Yuumtzil tin wéetel, ma' tu dzaj teen in káat óolil, tumen tu ya'alaj teen: ¡Mac a chi'! Xot' a wa'alic teen le ba'alo'.

²⁷Na'aquen tu ca'analil u witzil Pisgae', ca paacatnaquech j xaman yéetel j noojol, bey xan j lakin yéetel j chikin, ba'ale' le Jordano' ma' bíin a ch'acti'.

²⁸Dzáa a'almaj xiquino'ob ti' Josué; líikes u yóol, áant u ch'a'ic muuk, tumen leti' bíin xi'ic tu táan le caaja' u ti'al u jáanpayt le lu'um bin a ca'aj a wil ti' le súutuca'.

²⁹Ca j p'áato'on ti' le táax lu'um actáan ti' Bet-peor.