Read Yucateco Deuteronomio 34 Bible Online

Deuteronomio 34 - Yucateco bible

Deuteronomio 34

¹Moisese', j bin tu x tocoy lu'umil Moab tu witzil Nebo, tu ca'analil u witzil Pisga, le yaan actáan ti' Jericoe'. Te'elo' Yuumtzile' tu beetaj u yilic tuláacal u lu'umil Galaad tac u lu'umil Dan,

²u lu'umil Neftalí, Efraín yéetel Manasés, tuláacal u lu'umil Judá tac le ka'anabil Mediteraaneo,

³Néguev, u kóom lu'umil Jordán yéetel u táax lu'umil Jericó, u caajil le xa'ano'ob, tac Zoar.

⁴Yuumtzile' tu ya'alaj ti' Moisés: Lela' leti' le lu'um tin séeb chi'itaj ti' Abraham, ti' Isaac yéetel ti' Jacob, tene' bíin in dzáa ti' u ch'i'ibalo'ob bíin talaco'obo'. Tin wóoltaj ca a wil yéetel a wicho'ob, ba'ale' ma' bíin ocoquechi'.

⁵Bey túuno' Moisés u palitzil Kue' j quíim tu witzil Moab, je'el bix tu ya'alajilac Yuumtzile',

⁶ca j mu'uc ti' jun p'éel u kóom lu'umil Moab, actáan ti' Bet-peor, ti' jun p'éel cúuchil mix máac u kaj óol tac bejela'e'.

⁷Moisese' j quíim tu ciento veinte ja'abo'ob; tac tu kiinil quíimique', ma'alob u paacat yéetel toj u yóol.

⁸Le j israelitaobo' tu yokoltajo'ob Moisés treinta kiino'ob te j tu x tocoy lu'umil Moabo', tu dzo'ocbeso'ob u kiinilo'ob le okolo' yéetel tu dzajo'ob u búuquilo'ob okol úuchic u quíimil Moisés.

⁹Josué u paal Nune' tu kamaj na'atil ti' Moisés, tumen Moisese' tu dzaj u kab yóokol Josué; bey túuno' le j israelitaobo' tu yu'ubaj t'anto'ob Josué je'el bix úuchic u dzaa t'antilac Yuumtzil ti' Moisese'.

¹⁰Ba'ale', mix bikin yanchaj tu ca'a téen Israele', u láak aj bóobat je'el bix Moisés, máax t'aanaj Yuumtzil yéetel leti' quetlan ichil,

¹¹mix cu páajtal u beetic tuláacal le máactzilo'ob yéetel le jak óolilo'ob tu túuxtaj Yuumtzil u beet Moisés Egipto tu táan faraón yéetel tu táan u nuuquil u aj meyajo'ob ti' tuláacal le lu'umo',

¹²mix ca u quetubáa ti' u páajtalil wa ti' le nucuch ba'alo'ob tu beetaj tu táan yich tuláacal Israelo'.