Read Yucateco Josué 12 Bible Online

Josué 12 - Yucateco bible

Josué 12

¹Lela' leti'ob le ajawo'ob j pa'ab u muuko'ob tumen le j israelitaob tu lakin u yáalcab ja'il Jordán, bey xan buca'aj lu'umo'ob tu jáanpaytajo'ob líikbal tu yáalcab ja'il Arnón tac tu witzil Hermón, yéetel tuláacal le yano'ob tu tzéel j lakin u kóom táax lu'umil Jordano':

²Sehón u ajawil amorreob, le cajnáal ca'ach Hesbón. U méektane' cu cáajal ca'ach líikbal Aroere', tac tu jáal u yáalcab ja'il Arnón, cu chúunul chúumuc tu kóom táax lu'ume' tac tu yáalcab ja'il Jaboc, tu'ux cu cáajal u lu'um j amonitaob (óoli' bey táancoch u lu'umil Galaade'),

³u t'onquintmaj xan ca'ach u lakin u kóom táax lu'umil Jordán, líikbal tu xéel ja'il Cineret tac quimen ka'anab tu tojil Bet-jesimot, bey xan j noojol tac tu chuun u witzil Pisga.

⁴Og u ajawil Basán, jun túul u dzooc ti' le refaitaob, cajnáal ca'ach tu caajil Astarot yéetel tu caajil Edrei.

⁵Le cúuchilo'ob u méektáane', cu cáajal ca'ach líikbal tu pu'uquil Hermón, bey xan líikbal Salca, bey xan líikbal tu tojil Basane' tac tu xuul u lu'umilo'ob Gesur yéetel Maaca, tac tu láak táancoch Galaad u ti'al ca'ach Sehón u ajawil Hesbón.

⁶Moisés yéetel le j israelitaobo' tu pa'ajo'ob u muuko'ob le ajawo'oba', ca tu dzaj Moisés le lu'umo'oba' ti' u ch'i'ibalo'ob Rubén yéetel Gad bey xan ti' u táancoch u múuch' cajtalil yotochnáalo'ob Manasés.

⁷Leti'ob le ajawo'ob j pa'ab u muuko'ob tumen Josué yéetel le j israelitaob tu chikin u yáalcab ja'il Jordán, p'aatal chúumuc ti' Baal-gad, tu kóom táax lu'umil Líbano, ti' xan u witzil Halac, cu náacbal tu tojil Seir. Josuee' tu t'oxaj u lu'umo'ob le ajawo'oba', ichil u ch'i'ibalo'ob le j israelitaobo', ca tu jach ti'alinto'ob jun puli'

⁸u lu'umil le witzo'obo', le táax lu'umo', u kóom táax lu'umil Jordán, u jáal pu'uco'ob, u lu'umilo'ob le x tocoyo' yéetel Néguev. Le lu'umo'oba' u ti'alo'ob ca'ach le j ititaob, le j amorreob, le j cananeob, le j ferezeob, le j heveob yéetel le j jebuseob.

⁹Le ajawo'ob pa'ab u muuko'oba' leti'elo'oba': U ajawil Jericó, u ajawil Hai, le yaan naadz ti' Betel,

¹⁰u ajawil Jerusalén, u ajawil Hebrón,

¹¹u ajawil Jarmut, u ajawil Laquis,

¹²u ajawil Eglón, u ajawil Geser,

¹³u ajawil Debir, u ajawil Geder,

¹⁴u ajawil Horma, u ajawil Arad,

¹⁵u ajawil Libna, u ajawil Adulam,

¹⁶u ajawil Maceda, u ajawil Betel,

¹⁷u ajawil tapúa, u ajawil Efer,

¹⁸u ajawil Afec, u ajawil Sarón,

¹⁹u ajawil Madón, u ajawil Azor,

²⁰u ajawil Simron-merón, u ajawil Acsaf,

²¹u ajawil Taanac, u ajawil Meguido,

²²u ajawil Cedes, u ajawil Jocneam Carmeloil,

²³u ajawil Dor, tu múuch' caajilo'ob u lu'umil Dor, u ajawil Goín Gilgalil

²⁴yéetel u ajawil Tirsa. Treinta yéetel jun túul ajawo'ob tu pa'ate'il.