Read Yucateco Josué 15 Bible Online

Josué 15 - Yucateco bible

Josué 15

¹Le lu'umo'ob j dzaabo'ob ich buulil ti' u ch'i'ibalo'ob Judao', cu kuchul ca'ach tac tu'ux cu xu'ulul u lu'umil Edom, j noojol xane' cu kuchul tac tu x tocoy lu'umil Zin.

²Te tu tzéel u xuul le lu'umo'obo', cu chúunul tu ti'itz j noojol tu xuul le Quimen Ka'anabo',

³cu dzo'ocole' cu bin j noojol tu níix u pu'uquil Acrabime', cu ch'actic u x tocoy lu'umil Zin bey tu noojol Cades-barnea; cu dzo'ocole' cu bin tac Esrone', cu na'acal tac Adare', cu lóochol tu tojil Carca,

⁴te'elo' cu tojtáantic tac Asmón, u ti'al j jóokbal tu t'o'ol ja'il Egipto u ti'al j xu'ulul tu ka'anabil Mediterraneo. Lela' leti' u jáal u xuul le lu'umo'ob j noojolo'.

⁵J lakine' cu xu'ulul tu jáal j Quimen Ka'anab tac tu'ux cu jóokol u áalcab ja'il Jordán. Te'elo' cu chúunul tu jáal j xaman,

⁶cu na'acal tac Bet-hoglae', cu ch'aacat tac tu xaman Bet-Arabá, te'elo' cu tojtáantic tac u cháaltuunil Bohán Ben-Rubén;

⁷cu dzo'ocole' cu na'acal tu kóom táax lu'umil Acor tac Debire', cu suut tac Gilgal, le yaan actáan ti' u níix pu'uquil Adumim tu noojol le t'o'ol ja'o'; cu dzo'ocole', u xuul le lu'umo'obo' cu ch'aacat tu sayabilo'ob En-semese' cu bin u bin tac En-rogel;

⁸cu ch'aacat túun tac tu kóom táax lu'umil Ben-hinom tu noojol u níix pu'uquil Jebús cu kaaba'intic Jerusalén; cu na'acal tac tu ca'analil le witz yaan tu chikin u kóom táax lu'umil Hinom, yéetel tu xaman u kóom táax lu'umil Refaín,

⁹u ti'al u lóochol tu ca'analil le witzo' tac tu sayabil Neftoa, tac tu caajilo'ob u witzil Efrone', cu ch'aacat tac Baala, cu kaaba'intic xan Quiriat-jearim.

¹⁰Cu jóokol Baala u xuul le lu'umo'obo' cu suut j chikin tac tu witzil Seire', cu ch'aacat tac Quesalón tu tzéel j xaman tu jáal u witzil Jearim, u ti'al u yéembal tac Bet-semese', cu ch'aacat tac Timna

¹¹yéetel tu níixilo'ob le pu'uc tu xaman Ecrón, cu lóochol tu tojil Sicrone', cu ch'aacat tu witzil Baala, cu jóokol Jabneel u ti'al xu'ulul tu ka'anabil Medtiterraneo.

¹²U dzooque', u xuul le lu'umo'ob tu tzéel j chikine', u ka'anabil Mediterraneo. Lelo'oba' u xuul le lu'umo'ob j dzaab ti'ob u múuch' cajtalilo'ob u yotochnáalo'ob Judá, t'o'ox ti' u jujun p'éel u ch'i'ibalo'ob.

¹³Josuee' tu dzaj ti' Caleb u paal Jefone' jun jaatz ti' u lu'umilo'ob u ch'i'ibalo'ob Judá. Je'el bix u ya'almajil Yuumtzilo', tu dzaj ti' Caleb Quiriat-arbá, u káat u ya'ale' Hebrón, u noj caajil u ch'i'ibalo'ob j wa'apáach' Anac.

¹⁴Calebe' tu tzelaj ti' le caajo'obo' u yóox ch'i'ibalo'ob Anac cu kaaba'intico'ob Sesai, Ahimán yéetel Talmai.

¹⁵Cu dzo'ocole' j bin tu yóokol le máaxo'ob cajnáalo'ob Debir, cu kaaba'intic ca'ach Quiriat-sefer,

¹⁶ca tu ya'alaj: Le máax bíin u pulubáa ca u ch'a'a' xan le caaja', quin dzo'ocsic u beel yéetel in x ch'upul paal Acsa.

¹⁷Le caajo' j ch'a'ab tumen Otoniel u paal Cenaz u yíidzin Caleb, leti' túune' tu dzo'ocsaj u beel yéetel Acsa u x ch'upul paal.

¹⁸U ti'al u jóokolo'ob u binbalo'ob tu yotocho'obe', Otoniele' tu yocsaj tu pool x Acsa ca u káat ti' u taata lu'umo'ob u ti'al paakal. Leti' túune' j éem tu yóokol u burroe', ca j káat chi'ita'ab ti' tumen Caleb: ¿Ba'ax kabéet teech?

¹⁹X let'ie', tu núucaj ti': Taac in káatic teech jun p'éel utz. Bey dzo'oc a dzáic teen lu'umo'ob tu x tocoyil Néguevo', dzáaten xan sayabo'obi'. Leti'e' tu dzaj ti' leti' le sayabo'ob yaan ca'analo' bey xan le yano'ob caabalo'.

²⁰Lelo'oba' u kaaba' le caajo'ob j dzaab u ti'alinto'ob u ch'i'ibalo'ob Judá, t'oxláanta'ab tu jujun p'éelil u cajtalil u yotochnáalo'obo'.

²¹Le caajo'ob j dzaab ti'ob j noojol tu jáal tu'ux cu xu'ulul u lu'umil Edomo', tu kaaba'into'ob: Cabseel, Edar, Jagur,

²²Cina, Dimona, Adada,

²³Cedes, Hazor, Itnán

²⁴Zif, Telem, Bealot,

²⁵Hazor-hadata, Queriot, Hezrón (cu kaaba'intic xan Hazor),

²⁶Amán, Sema, Molada,

²⁷Hazar-gada, Hesmón, Bet-pelet,

²⁸Hazar-sual, Beerseba, Bizotia,

²⁹Baala, Iim, Esem,

³⁰Elotad, Quesil, Horma,

³¹Siglag, Madmana, Sansana,

³²Lebaot, Silhim yéetel En-rimón. Tu pa'ate'ile' veinte yéetel nueve caajo'ob yéetel u x péet caajilo'ob.

³³Te j táax lu'umo', j dzaab ti'ob u caajilo'ob: Estaol, Zora, Asena,

³⁴Zanoa, En-gamin, Tapúa, Enam,

³⁵Jarmut, Adulam, Soco, Aseca,

³⁶Saaraín, Aditaim, Gedera yéetel Gederotaim, catorce caajo'ob yéetel u péet caajilo'ob.

³⁷U caajilo'ob Zenán, Hadasa, Migdal-gad,

³⁸Dileán, Mizpa, Joctel,

³⁹Laquis, Boscat, Eglón,

⁴⁰Cabón, Lahmam, Quitlis,

⁴¹Gederot, Bet-dagón, Naama yéetel Maceda, diez yéetel seis caajo'ob yéetel u péet caajilo'ob.

⁴²U caajilo'ob Libna, Eter, Asán,

⁴³Jifta, Asena, Nezib,

⁴⁴Keila, Aczib yéetel Maresa, nueve caajo'ob yéetel u péet caajilo'ob.

⁴⁵U caajil Ecrón yéetel u péet caajilo'ob,

⁴⁶Bey xan u caajil Ecrón tu tojil ka'anab, tuláacal le lu'um naadz ti' Asdod yéetel u x péet caajilo'ob.

⁴⁷U noj caajil Asdod, u caajilo'ob yéetel u x péet caajilo'ob tac u kuchbal tu t'o'ol ja'il Egipto yéetel u ka'anabil Mediterraneo.

⁴⁸Te tu lu'umil pu'uco'ob, j dzaab ti' Judá le caajo'oba': Samir, Jatir, Soco,

⁴⁹Dana, Quiriat-sana (cu kaaba'intic xan Debir),

⁵⁰Anab, Estemoa, Anim,

⁵¹Gosén, Holón yéetel Gilo, once caajo'ob yéetel u péet caajilo'ob.

⁵²U caajilo'ob Arad, Duma, Esán,

⁵³Janum, Bet-tapúa, Afeca,

⁵⁴Humta, Quiriat-arbá (cu kaaba'intic xan Hebrón), yéetel Sior, nueve caajo'ob yéetel u x péet caajilo'ob.

⁵⁵U caajilo'ob Maón, Carmel, Zif, Juta,

⁵⁶Jezreel, Jocdeam, Zanoa,

⁵⁷Caín, Gabaa yéetel Timna, Diez caajo'ob yéetel u x péet caajilo'ob.

⁵⁸U caajilo'ob Jalhul, Bet-sur, Gedor,

⁵⁹Maarat, Bet-anot yéetel Eltecón, seis caajo'ob yéetel u x péet caajilo'ob.

⁶⁰U caajilo'ob Quiriat-baal, cu kaaba'intic xan Quiriat-jearim, yéetel Rabá yéetel u x péet caajilo'ob.

⁶¹Te j x tocoy lu'umo'obo', j dzaab ti'ob u caajilo'ob Bet-Arabá, Midín, Secaca,

⁶²Nibsán, u caajil ta'ab, yéetel Engandi, seis caajo'ob yéetel u x péet caajilo'ob.

⁶³U ch'i'ibalo'ob Judae', ma' páatchaj u tzelico'ob tu noj caajil Jerusalén le j jebuseob cajnáalo'ob ca'ach te'elo', let o'olal tac bejela'e', le j jebuseobo' cajnáalo'ob Jerusalén pa'ate' yéetel u ch'i'ibalo'ob Judá.