Read Yucateco Josué 19 Bible Online

Josué 19 - Yucateco bible

Josué 19

¹U ca'a buulil le lu'umo'obo' j lúub yóokol u ch'i'ibalo'ob Simeón. Le lu'umo'obo' p'aatal ca'ach chúumuc ti' u ch'i'ibalo'ob Judá,

²cu méektáantic u caajilo'ob Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siclag, Bet-marcabot, Hazar-susa,

⁶Bet-lebaot yéetel Saruhén, trece caajo'ob yéetel u x péet caajilo'ob.

⁷J dzaab ti'ob xan u caajilo'ob En-rimón, Eter yéetel Asán, yéetel u x péet caajilo'ob,

⁸j dzaab xan ti'ob le x péet caajo'ob yaan ca'ach tac Baalat-beer, u caajil Ramat tu lu'umil Néguev. Lelo'oba' leti' le lu'umo'ob j dzaab ti'ob u cajtalilo'ob u yotochnáalo'ob Simeón.

⁹U lu'umo'ob u ch'i'ibalo'ob Simeone' cu p'áatal ca'ach ichil u lu'umo'ob Judá, tumen u múuch' cajtalilo'ob le otochnáalo'oba' sen ya'ab ca'ach u lu'umo'ob, bey túuno' j dzaab ti' Simeón jun xóot' le lu'umo'ob dza'an ca'ach ti' Judao'.

¹⁰U yóox buulil le lu'umo'obo' j lúub yóokol u cajtalilo'ob u yotochnáalo'ob u ch'i'ibalo'ob Zabulón. U jáale' cu jáayal tac Sarid,

¹¹cu tojtáantic j chikin tac Marala, cu dzo'ocole' cu bin tac Dabeset, u ti'al j xu'ulul ti' le t'o'ol ja' yaan actáan ti' Jocneam.

¹²Cu lóochol Sarid le u jáal u xuula', cu bin j lakin tac Quislot-tabor, te'elo' cu ch'actic Daberate' cu na'acal tac Jafia.

¹³Te'elo', u jáal u xuule' cu bin j lakin tac Gat-efere', cu ch'aacat Ita-cazine', cu kuchul tac Rimone', cu lóochol Nea.

¹⁴J noojole' u jáal u xuule' cu lóochol tac Hanatone' cu jóokol tu kóom táax lu'umil Jefte-el.

¹⁵Ti' le lu'umo' yaan ca'ach doce caajo'ob yéetel u x péet caajilo'ob, ichilo'obe' ti' yaan ca'ach: Catat, Naalal, Simrón, Idala yéetel Belén.

¹⁶Leti' le lu'umo'ob j dzaab ti'ob u yotochnáalo'ob u múuch' caajilo'ob Zabulón, pa'ate' yéetel u caajilo'ob bey xan u x péet caajilo'ob.

¹⁷U can buulil le lu'umo'obo', j lúub tu yóokol u ch'i'ibalo'ob Isacar.

¹⁸te j lu'umo'ob ti' yaan u caajilo'ob Jezreel, Quesulot, Sunem,

¹⁹Hafaraim, Sihón, Anaharat,

²⁰Rabit, Quisión, Abez,

²¹Remet, En-ganim, En-hada yéetel Bet-pases.

²²U jáal u xuul le lu'umo' cu kuchul tac Tabor, Sahazima yéetel Bet-semese', cu na'acal tac tu yáalcab ja'il Jordán; diez yéetel seis caajo'ob yéetel u x péet caajilo'ob.

²³Lela' leti' le lu'umo'ob j dza'ab ti' u cajnáalilo'ob u ch'i'ibalo'ob Isacar lelo' pa'ate' yéetel u péet caajilo'ob.

²⁴U cinco buulil, j lúub yóokol u cajtalil u yotochnáalo'ob u ch'i'ibalo'ob Aser,

²⁵te j lu'umo'ob ti' yaan u caajilo'ob Helcat, Halí, Betén, Acsaf,

²⁶Alamelec, Amad yéetel Miseal, cu kuchul j chikin tac tu witzil Carmelo yéetel Sihor-libnat.

²⁷U xuulilo'ob j lakine' cu jáayal tu tojil j xaman tac Bed-dagón, cu cóojol tu lu'umo'ob u ch'i'ibalo'ob Zabulón, u kóom táax lu'umil Jefte-el, Bet-emec, Neiel yéetel cu bin tu tojil tac Cabul,

²⁸cu ch'actic tac Abdón, Rehod, Hamón yéetel Caná, tac u kuchbal tu noj caajil Sidón.

²⁹Cu dzo'ocole' u xuul le lu'umo' cu lóochol tu tojil Ramá tac u kuchbal tu tuulum caajilo'ob Tiroe', cu bin tu tojil Hosae', cu jóokol tu ka'an áabil Mediterráneo. Bey xan Mahaleb, Aczib,

³⁰Uma, Afec yéetel Rehob, tu pa'ate'ile' veintidós caajo'ob yéetel u x péet caajilo'ob.

³¹Lelo'oba' leti' le lu'umo'ob j dzaab ti'ob u cajtalilo'ob u yotochnáalo'ob u ch'i'ibalo'ob Aser.

³²U seis buulil le lu'umo'obo' j lúub yóokol u cajtalilo'ob u yotochnáalo'ob u ch'i'ibalo'ob Neftalí.

³³U lu'umo'obe' cu bin líikbal Helef, Alon-saananim, Adami-neceb yéetel Jabneel, tac Lacum, u ti'al u kuchbal Jordán.

³⁴J chikine' u xuule' cu bin Aznot-tabor, cu dzo'ocole' cu bin Hucoc, cu nupicubáa j noojol yéetel u lu'umo'ob u ch'i'ibalo'ob Zabulón, cu dzo'ocole' cu nupicubáa j chikin yéetel u ch'i'ibalo'ob Aser. J lakine' u lu'umo'ob u ch'i'ibalo'ob Neftalie' cu kuchul tac tu yáalcab ja'il Jordán.

³⁵Le tuulum caajo'ob j dzaab ti'obo' cu kaaba'intico'ob: Sidim, Zer, Hamat, Racat, Cineret,

³⁶Adama, Ramá, Hazor,

³⁷Cedes, Edrei, Eh-hazor,

³⁸Irón, Migdal-el, Horem, Bet-anat yéetel Bet-semes. Diez yéetel nueve caajo'ob yéetel u x péet caajilo'ob.

³⁹Lelo'oba' leti' le lu'umo'ob bey xan u caajilo'ob yéetel u x péet caajilo'ob j dzaab ti' u ch'i'ibalo'ob Neftalio'.

⁴⁰U siete buulil le lu'umo'obo' j lúub yóokol u cajtalilo'ob u yotochnáalo'ob u ch'i'ibalo'ob Dan.

⁴¹Te j lu'umo'oba' ti' yaan ca'ach, Zora, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ecrón,

⁴⁴Elteque, Gibetón, Baalat,

⁴⁵Jehud, Bene-berac, Gat-rimón,

⁴⁶Mejarcón yéetel Racón, yéetel le lu'umo'ob cu p'áatal actáan ti' Jope.

⁴⁷Ba'ale', tu yo'olal ma' chuca'an le lu'umo'ob u ti'alo'obo', u ch'i'ibalo'ob Dane' j bino'ob u puluba'ob tu yóokol u caajil Lesem, ca tu ch'a'ajo'ob cu dzo'ocol u láaj quíimsico'ob u cajnáalilo'ob. J p'áato'ob j cajtal te j caajo'ob ca tu kexo'ob u kaaba', tu dzajo'ob u kaaba'int Dan tu nojbe'enil u j máanja'an taataob.

⁴⁸Leti' lela' u caajilo'ob yéetel u x péet caajilo'obo', j dzaab ti'ob u cajtalilo'ob u yotochnáalo'ob u ch'i'ibalo'ob Dan.

⁴⁹Cu dzo'ocol u t'oxicuba'ob le j israelitaob yéetel le lu'umo'ob tu jujun p'éelil u ch'i'ibalo'obo', tu dzajo'ob u lu'umo'ob Josué tu lu'umilo'ob u láako'ob.

⁵⁰Je'el bix tu ya'alajilac Yuumtzilo' tu dzajo'ob ti' u caajil Timnat-sera, tu tojil u witzil lu'umo'ob Efraín, je'el bix tu káatilac Josueo'. Josuee' tu yutzquintaj le caajo' ca j cajlaji'.

⁵¹Tuláacal le lu'umo'oba' j beeta'ab u buulilo'ob tumen aj kiin Eleazar, Josué yéetel u nuuquilo'ob le caaj u ti'al t'oxbil ichil le j israelitaobo', tu táan Yuumtzil tu jool u noj Paselil u yúuchul Much'tal yéetel Yuumtzil, tu caajil Silo. Beyo' j chucpaj u t'ooxil le lu'umo'.