Read Yucateco Josué 21 Bible Online

Josué 21 - Yucateco bible

Josué 21

¹U nuuquilo'ob u yotochnáalo'ob le j levitaobo' j bino'ob Silo, tu lu'umil canaán u ti'al j t'aan yéetel aj kiin Eleazar, yéetel Josué bey xan yéetel u nuuquilo'ob u ch'i'ibalo'ob le j israelitaobo'. Te'elo' tu ya'alajo'ob ti'ob: Yuumtzile' tu ya'alaj tu chi'il Moisés ca dza'abac to'on caajo'ob u ti'al c cajtal, bey xan u lu'umo'ob ma'alob xíiwo'ob u ti'al c tzéentic c wacaxo'ob.

³Le j israelitaob túuno' tu dzajo'ob ti' le j levitaob dze'edzec u caajalo'ob yéetel u lu'umilo'ob tu'ux yaan ma'alob xíiwo'ob u ti'al u tzéentico'ob u wacaxo'ob je'el bix tu ya'alajil Yuumtzilo'.

⁴Táanil j beeta'ab u buulil u ch'i'ibalo'ob le j levitaob u ch'i'ibal Coat. Ti' le j coato'ob u ch'i'ibalo'ob aj kiin Aarone', j dzaab trece caajo'ob, u caajalo'ob ca'ach u ch'i'ibalo'ob Judá, Simeón yéetel Benjamín.

⁵Ti' u láak j coato'obe' j dzaab diez caajo'ob, u ti'alo'ob ca'ach u ch'i'ibalo'ob Efraín yéetel Dan bey xan u táancoch ch'i'ibalo'ob Manasés.

⁶Cu dzo'ocole' ti' u ch'i'ibalo'ob le j levitaob u ch'i'ibalo'ob Jersono' j lúub yóokolo'ob u buulil trece caajo'ob u ti'alo'ob ca'ach u ch'i'ibalo'ob Isacar, Neftalí yéetel u táancoch u ch'i'ibalo'ob Manasés yano'ob ca'ach Basán.

⁷Ti' u ch'i'ibalo'ob le j levitaob u ch'i'ibalo'ob Merario' j dzaab doce caajo'ob, u ti'alo'ob ca'ach u ch'i'ibalo'ob Rubén, Gad yéetel Zabulón.

⁸Le j israelitaobo' tu t'oxajo'ob ich buul ti' le j levitaobo', caajo'ob yéetel u lu'umilo'ob ma'alob xíiwo'ob u ti'al u tzéentico'ob wacaxo'ob je'el bix tu ya'alajilac Yuumtzil tu chi'il Moiseso'.

⁹Le caajo'ob cun bin a'ala'ac u kaaba'oba', j dzaabo'ob tumen u ch'i'ibalo'ob Judá yéetel u ch'i'ibalo'ob Simeón,

¹⁰lelo'oba', j dzaabo'ob ti' le j levitaob u ch'i'ibalo'ob Coat u ch'i'ibalo'ob Aarón, tumen tu yóokolo'ob j lúub yáax buul.

¹¹Tu pu'uquilo'ob Judae', j dzaab ti'ob Quiriat-arba, cu kaaba'intic Hebrón, u noj caajil u ch'i'ibalo'ob j wa'apáach' Anac, yéetel u lu'umilo'ob ma'alob xíiwo'ob u ti'al u tzéenta'al wacax.

¹²Ba'ale' u lu'umilo'ob yéetel u x péet caajilo'obe' j dzaab u ti'alint Caleb u paal Jefone.

¹³Je'el bix j dzaabilac u noj caajil Hebrón u ti'al ta'acbesajil ti' máaxo'ob dzo'oc u quíimsico'ob wa máaxe', j dzaab xan ti' u ch'i'ibalo'ob aj kiin Aarone', u caajilo'ob: Libna,

¹⁴Jatir, Estemoa,

¹⁵Holón, Debir,

¹⁶Aín, Juta yéetel Bet-semes. Le nueve caajo'obo' yaan ca'ach u lu'umilo'ob ma'alob xíiwo'ob u ti'al u tzéenta'al wacax.

¹⁷Ti' u caajalo'ob u ch'i'ibalo'ob Benjamine' j dzaab ti'ob Gabaón, Geba,

¹⁸Anatot yéetel Almón, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax,

¹⁹bey túuno' u caajalo'ob le aj kiino'ob u ch'i'ibalo'ob Aarono' trece tu pa'ate'il, tu jujun p'éelil yaan u lu'umilo'ob ma'alob xíiwo'ob u ti'al u tzéenta'al wacax.

²⁰U láak u ch'i'ibalo'ob j levitaob u ch'i'ibalo'ob Coato' j t'o'ox ti'ob u caajilo'ob u ch'i'ibalo'ob Efraín.

²¹Tu pu'uquilo'ob Efraine' j dzaab ti'ob Siquem, u caajil ta'acbesajil u ti'al máax quíimsic u láak máac, j dzaab xan ti'ob Gezer,

²²Kibsaim yéetel Bet-horón, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax.

²³Ti' u ch'i'ibalo'ob Dane' tu kamajo'ob Elteque, Gibetón,

²⁴Ajalón yéetel Gat-Rimón, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax;

²⁵ti' u táancoch u ch'i'ibalo'ob Manasese' tu kamajo'ob ca'a p'éel caajo'ob. Taanac yéetel Gat-Rimón, yéetel u lu'umilo'ob ma'alob xíiwo'ob u ti'al u tzéenta'al wacax;

²⁶bey túuno' u noj caajalo'ob u yotochnáalo'ob le j coato'obo' diez tu pa'ate'il, yéetel u lu'umilo'ob ma'alob xíiwo'ob u ti'al u tzéenta'al wacax.

²⁷Ti' le j levitaob u ch'i'ibalo'ob Gersone', j dzaab ca'a p'éel caajo'ob, u ti'alo'ob ca'ach u táancoch u múuch' u ch'i'ibalo'ob Manasés, pa'ate' yéetel u lu'umilo'ob ma'alob xíiwo'ob u ti'al u tzéenta'al wacax; Golán yaan ca'ach tu lu'umil Basán u ti'al u caajil ta'acbesajil yéetel Beestera.

²⁸Ti' u lu'umo'ob u ch'i'ibalo'ob Isacare', j dzaab ti'o' Cisón, Daverat,

²⁹Jarmut yéetel Enganim, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax.

³⁰Ti' u lu'umo'ob u ch'i'ibalo'ob Asere' j dzaab ti'ob Misael, Abdón,

³¹Helcat yéetel Rehod, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax

³²Ti' u lu'umo'ob u múuch' u ch'i'ibalo'ob Neftalie', j dzaab ti'ob óox p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax: Cedes ti' yaan ca'ach tu lu'umil Galilea u ti'al u caajil ta'acbesajil, Hamot-dor yéetel Cartán;

³³bey túuno' u noj caajilo'ob u ch'i'ibalo'ob le j jersonilo'obo' trece tu pa'ate'il yéetel u lu'umilo'ob ma'alob xíiwo'ob u ti'al u tzéenta'al wacax.

³⁴Ti' u ch'i'ibalo'ob j levitaob cu bineltic u dza'abal u lu'umo'ob u ch'i'ibalo'ob Merario', j dzaab ti'ob u lu'umo'ob u ch'i'ibalo'ob Zabulón: Jocneam, Carta,

³⁵Dimna yéetel Naalal, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax.

³⁶Ti' u lu'umo'ob u ch'i'ibalo'ob Rubene' j dzaab ti'ob Beser, Jahaza,

³⁷Cademot yéetel Mefat, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax.

³⁸Ti' u lu'umo'ob u ch'i'ibalo'ob Gade', j dzaab ti'ob Ramot Galaadi u ti'al u caajil ta'acbesajil, Mahanaim,

³⁹Hesbón yéetel Jazer, can p'éel caajo'ob yéetel u lu'umilo'ob ma'alob xíiwo'ob u ti'al u tzéenta'al wacax,

⁴⁰bey túuno' le caajo'ob j dzaab ti' u ch'i'ibalo'ob Merario', doce tu pa'ate'il.

⁴¹U caajalo'ob le j levitaob ichil u lu'umo'ob le j israelitaobo', cuarenta yéetel ocho tu pa'ate'il, tuláacalo'ob yaan u lu'umilo'ob ma'alob u xíiwilo'ob u ti'al u tzéenta'al wacax,

⁴²tu bakpach tu jujun p'éelil le caajo'obo'. Bey yanil u lu'umilo'ob tuláacal le caajo'obo'.

⁴³Bey úuchic u dzáic Yuumtzil tuláacal le lu'umo'ob ti' le j israelitaob le tu jalach t'antaj ti' u máanja'an ch'i'ibalo'obo', leti'obe' j cajlajo'obi'.

⁴⁴Yuumtzile' tu dzo'ocbesaj u séeb chi', tu dzaj jéedzel ti'ob ti' tuláacal le lu'umo'obo'. U aj p'eeco'obe', ma' j páatchaj u ba'atelo'ob tu táano'obi', tumen Yuumtzile' cu beetic u dzáanche'eta'alo'ob.

⁴⁵Mix jun p'éel t'aan j p'áat wa ma' u dzo'ocpaj ti' tuláacal le ma'alob séeb chi'ob tu beetaj Yuumtzil ti' le j israelitaobo'.