Read Yucateco Josué 5 Bible Online

Josué 5 - Yucateco bible

Josué 5

¹Tuláacal le ajawo'ob amorreob yano'ob tu chikin Jordane', bey xan le ajawo'ob j cananitaob yano'ob naadz ti' le nojoch ka'anabo', tu yojéeltajo'ob Yuumtzile' tu tiquincuntaj u yáalcab ja'il Jordán ca'aliquil le j israelitaobo', táan u ch'aacato'obo', ca sen sajacchajo'ob, ma' tu yóoltico'ob j ba'atel ca'ach tu yéetelo'ob.

²Ca túun tu ya'alaj Yuumtzil ti' Josué: Beet dze'edzec xotobo'ob took u ca'ajo'ob, ca súut kupt le j israelitaob tu ca'a téeno'.

³Josuee' tu beetaj xotobo'obe' ca tu súut kuptaj le j israelitaob tu witzil Aralot.

⁴Tu súut kuptajo'ob tumen tuláacal le j xiibo'ob u chucmajo'ob ca'ach u ja'abil ba'atel jóoko'ob Egiptoo', dzo'oc ca'ach u quíimilo'ob tu bejil le x tocoy lu'umo'.

⁵Quex tumen tuláacal le máaxo'ob jóoko'ob Egipto súut kupta'ano'obo', le j síijo'ob tu bejil le x tocoy lu'umo', ma' súut kupta'ano'ob ca'achi'.

⁶Tu yo'olal xíimbalnajico'ob cuarenta ja'abo'ob le j israelitaob te x tocoy lu'umo', dzo'oc ca'ach u quíimil le j xiibo'ob u chucmajo'ob u ja'abil ba'atelo'. Le j xiibo'obo' ma' tu yu'ubaj t'antajo'ob Yuumtzili', let o'olal tu jalach t'antaj ma' bíin u cha'a u yilico'ob le lu'um tu séeb chi'itaj ti' u máanja'an ch'i'ibalo'ob u dzáic ti'obo', le lu'um tu'ux le leche yéetel le caabo' cu yáalcabo'ob bey ja'e'.

⁷Le t o'olalo' Josuee' tu súut kuptaj u paalal le j xiibo'ob je'elo'obo', le dza'ano'ob tumen Yuumtzil u ti'al u jeelintico'obo', ma' súut kupta'ano'ob ca'achi' tumen ti' yano'ob te j bej ca'acho'.

⁸Le ca j dzo'oc u láaj súut kupta'alo'obe', j p'áato'ob je'elel te j cúuchilo' tac ca utzchajo'ob.

⁹Yuumtzil túune' tu ya'alaj ti' Josué: Yéetel le súut kuptaja' dzo'oc in lukesic ti'ob u subtzilil le j egipciobo'. Let o'olale' le cúuchilo' cu kaaba'intic Gilgal[1] tac bejela'e'.

¹⁰Le j israelitaobo', je'elo'ob Gilgal, tu catorce kiinil le meso', tu beetajo'ob u kiinkujil Táadz Máanbal tu táax lu'umilo'ob Jericó.

¹¹Ti'ili'e' kiino' tu jaantajo'ob waaj x ma' levadura yéetel kéelbil trigo, ba'ale' tu láak kiine' tu jaantajo'ob le ba'ax cu dzáic le lu'umo'.

¹²Líikbal ti' le kiino', ma' j suunaj antal manai', beyo' ti' le ja'abo' le j israelitaobo' tu tzéentuba'ob yéetel le yich cu dzáic u lu'umilo'ob canano'.

¹³Jun p'éel kiinac ti' yaan Josué naadz ti' Jericoe', tu yilaj tu táane' jun túul j xiib u machmaj jun p'éel máascab. Josuee' j náadze' ca tu káat chi'itaj ti': ¿T éetel wa ca wantal wa yéetel c aj p'eeco'ob yanech?

¹⁴Tu núucaj le j xiibo', mix ta wéetele'ex mix tu yéetelo'ob. Tene' quin taal beyen u nojochil u aj ba'atelo'ob Yuumtzile'. Josué túune' chinlaj tac u kuchul u táan jo'olal j lu'ume', ca tu káat chi'itaj ti': ¿Ba'ax cu túuchi'itic in Yuumtzil ti' a palitzila'?

¹⁵U nojoch u aj ba'atelo'ob Yuumtzile' tu núucaj ti': Lukes a xanab tumen le cúuchil tu'ux yanecha' quili'ich. Josuee' tu yu'ubaj t'antaj.