Read Yucateco 2 Tesalonicenses 1 Bible Online

2 Tesalonicenses 1 - Yucateco bible

2 Tesalonicenses 1

¹Teen Pablo, yéetel Silvano yéetel Timoteo', ti' u iglesiail le Tesalónicailo'obo', máaxo'ob nupa'ano'ob ti' Ku c taata yéetel ti' Yuumtzil Jesucristo.

²Kame'ex u siibal utzil yéetel jéedzel óolal Ku c Taata yéetel Yuumtzil Jesucristo.

³Sucu'une'ex, yaan c dzáic nib óolal mantadz ti' Yuum Ku ta wo'olale'ex, bey unaj a beetico', tumen a wocsaj óolale'exe' táan u nojochtal sáamsamal.

⁴Bey túuno' to'one' c t'aan ta wo'olale'ex yéetel le ocsaj óolal ti' u iglesiaob Yuum Ku, tu yo'olal le chowac óolalo' yéetel le ocsaj óolal cu we'esique'ex te'exo' ichil tuláacal le ch'a'apachtajilo'obo' yéetel ichil le yaayaj óolalo'ob ca mukyajtique'exo'.

⁵Lela' cu ye'esique' Kue' toj p'is óol, iquil u dzáique'ex je'el bix máaxo'ob cu najmatico'ob u yooclo'ob tu ajawil Ku. Tu yo'olal le ajawila' táan a mukyaje'ex.

⁶Tumen toj ca u beet Ku u mukyajo'ob le máaxo'ob cu beetico'ob a mukyaje'ex te'exo',

⁷yéetel ca u dzáa je'elel ti' te'ex ca mukyaje'ex, je'el bix xan to'one', ti' le kiin quéen chíicpajac Yuumtzil Jesús te j ca'ano' yéetel u mu'uka'an ángelo'obe' ichil u tóoch'bal káak.

⁸Bíin taalac u ti'al u jadz le máaxo'ob ma' tu kaj óoltico'ob Kuo' mix tu yu'ubico'ob u ma'alob péectzil c Yuumtzil Jesucristo.

⁹Lelo'oba' bíin ja'adzaco'ob yéetel sáasilil mina'an u xuul, yéetel bíin pu'uluco'ob náachil ti' u táan Yuumtzil, yéetel ti' u nojbe'enil bey xan ti' u páajtalil,

¹⁰le quéen taalac Yuumtzil ti' le kiino' u ti'al ca tzi'iquic ti' le máaxo'ob u ti'alo'obo', yéetel u ti'al ca jak óol páatac ti' tuláacal le j ocsaj óolo'obo', tumen dzo'oc a wocsaj óoltique'ex le jaajcunaj t'aano'ob t j a'alaj te'exo'.

¹¹Tu yo'olal lela' c payalchi' mantadz ta wo'olale'ex, táan c káatic ti' Ku ca u dza'ex je'el bix máaxe'ex ca najmatique'ex t'a'anique'ex tumen leti'o'; bey xan c payalchi' u ti'al ca dzo'ocbesa'ac tumen Ku yéetel u páajtalile' tuláacal a ma'alob dzíibolale'ex yéetel le meyajo'ob ca beetique'ex yéetel ocsaj óolalo'.

¹²Beya', u kaaba' c Yuumtzil Jesucristoe', bíin nojbe'encunsa'ac ti' tuláacale'ex, yéetel te'exe' bíin nojbe'encunsa'aque'ex ti' leti' tu yo'olal u siibal utzil c Ku yéetel Yuumtzil Jesucristo.