Read Yucateco Jueces 12 Bible Online

Jueces 12 - Yucateco bible

Jueces 12

¹U j xiibilo'ob u múuch' cajtalilo'ob otochnáalo'ob Efraine' much'lajo'obe' ca tu ch'actajo'ob u yáalcab ja'il Jordán tu tojil Zafón ca tu ya'alajo'ob ti' Jefté: ¿Ba'axten ta puljaba yóokol le amonitaob ma' ta wa'alaj to'on u ti'al ca xi'ico'on j áantechi'? ¡Bejela'e' binelca'ajo'on tóoc a ti' yanech ichile'!

²Jefte' tu núucaj: Teen yéetel in wéet aj ba'atelo'obe' yanchaj jun p'éel kuxitáanbal yéetel amonitaob, tene' tin t'aanaje'ex ba'ale' te'exe' ma' j taale'ex a toco'one'exi'.

³Le ca tin wilaj ma' j taale'ex a wáanto'one'exe' tin dzajimbáa tu chi' quíimil le ca tin ba'ateltaj le j amonitaobo', Yuumtzile' tu beetaj in dzáanche'etico'ob. ¿Ba'axten ca taale'ex ba'atel tin wéetel bejela'e'?

⁴Jefté túune' tu much'quintaj tuláacal u j xiibo'ob Galaad ca'a j ba'atelnaj yéetel Efraín ca tu pa'aj u muuko'ob. Le j Efrainilo'ob cu ya'alico'ob ca'achi' leti' le j Galaadilo'ob le cajacbalo'ob ca'ach chúumuc ti' Efraín yéetel ti' Manasés, máaco'ob tu xúump'attajo'ob Efraín.

⁵Le j Galaadilo'obo' tu lukeso'ob ti' le j Efrainilo'obo' u beel ja'il Jordán, wa jun túul Efrainil táan u púudzul cu kuchul cu káat chi'itic ca'ach wa je'el u páajtal u máane', leti'obe' cu káat chi'itico'ob ca'ach ti' wa Efrainil. Wa cu núuquic ma'e'

⁶cu beetico'ob ca'ach ca u ya'al Shibolet, wa cu ya'alic Sibolete', tumen ma' tu páajtal u ya'alic ma'alobe', cu ma'achle' cu quíimsa'al láili' te'elo', tu tzéel u beel ja'il Jordán. Ti' le kiino' j Efrainilo'ob quíimsa'abo' cuarenta y dos mil j xiibo'ob.

⁷Jefte' seis ja'abo'ob tu beetaj u nojchil ichil le j israelitaobo'. Le ca'a j quíime' j mu'uc Galaad u noj caajal.

⁸Tu paach Jefté, Ibzán Belenile' tu beetaj u nojchil ca'ach Israel,

⁹yanji ca'ach treinta u j xibil paalal yéetel treinta u x ch'upul paalal, tuláacalo'ob tu dzo'ocsaj u beelo'ob yéetel táanxel caajilo'ob. Ibzane' tu beetaj siete ja'abo'ob u nojochil Israel,

¹⁰Le ca'aj quíime' j mu'uc Belén.

¹¹Tu paach le ti'e', Elón, ti' u múuch' cajtalilo'ob otochnáalo'ob Zabulón sijnal, tu beetaj diez ja'abo'ob u nojochil ichil le j israelitaobo',

¹²le ca'aj quíime' j mu'uc Ajalón tu lu'umil u múuch' cajtalilo'ob otochnáalo'ob.

¹³Tu paach le ti'e', Abdón, u paal Hilel, Piratón, tu beetaj u nojochil ichil le j israelitaob,

¹⁴ocho ja'abo'ob. Abdone' yanchaj cuarenta u paalal yéetel treinta u yáabilo'ob, ti' jun túule' cu nat'ic ca'ach jun túul burro.

¹⁵ca'a j quíime', j mu'uc Piratón, le yaan tu lu'umil Efraín, tu witzil Amalec.