Read Yucateco Apocalipsis 3 Bible Online

Apocalipsis 3 - Yucateco bible

Apocalipsis 3

¹Dzíibnen xan ti' u ángel u iglesiail Sardis: Bey cu ya'alic le máax yaan u siete pixano'ob Ku ti'o', ti' máax yaan xan le siete eeko'obo': Tene' in wojel tuláacal ba'ax ca beetic; in wojel quimenech, quex tumen joka'an u tzicbalil cuxa'anech.

²Ajsabáa, yéetel mu'ukancuns le ba'alo'ob p'aatal ta'aytac u quíimilo'obo'; tumen dzo'oc in wilique' le ba'ax ca beetico' ma' toj tu táan Kui'.

³Ka'ajac teech le ca'ansaj ta kamajo'; dzo'ocbese yéetel kex a tuucul. Wa ma' ta wajsicabae' bíin taalaquen ti' teech bey jun túul j oocole' ma' bíin a wojéelt ba'ax kini'.

⁴Chéen ba'ale' yaan teech te Sardiso' dze'edzec máaco'ob ma' u pa'apak u nooko'obi', lelo'oba' yaan u máano'ob tin wéetel yéetel u sac búuco'ob, tumen unajmatmo'ob.

⁵Le máax cu dzáancha'atic le kaaso' yaan u sac búucbesa'al, ma' bíin in tup u kaaba' ti' u libroil le cuxtalo'; ba'ale' yaan in kaj óoltic tu táan in Taata yéetel tu táan u ángelo'ob in Taata.

⁶Le máax yaan u xiquine' u yu'ub ba'ax cu ya'alic Quili'ich Pixan ti' le iglesiaobo'.

⁷Dzíibnen xan ti' ángel u iglesiail Filafelfia: Bey cu ya'alic le máax quili'icho' yéetel le máax u jaajilo', ti' le máax yaan u llave ajaw David, le máax le quéen je'ekabnaque' mix máac cu páajtal u je'ic.

⁸Tene' in wojel tuláacal ba'ax ca beetic. Dzo'oc in dzáic ta táan jun p'éel jool naj je'ekab, mix máac cu páajtal u kalic; ba'ale' quex tumen chéen jun p'íit muuk yaan teche', dzo'oc a dzaj óoltic in t'aan yéetel ma' a cúulpachcunteni'.

⁹Bey túuno' le cu taalo'ob ti' u múuch'cabil u yocsaj óolalo'ob Satanaso', le cu tuuso'ob táan u ya'alicuba'ob judíobo', ba'ale' ma' jaaj wa leti'obi', yaan in beetic u taalo'ob yéetel u xoltalo'ob tu ni' a wooc u ti'al ca u yojéelto'ob tene' in yaacuntmajech.

¹⁰Tumen ta dzo'ocbesaj u t'aanil in chuca'an óolale', bíin in canantech ti' le túuntaj óolal bíin taalac ti' tuláacal yóokolcaabo' u ti'al u túuntic u yóol tuláacal le máaxo'ob caja'ano'ob yóokolcaabo'.

¹¹Táan in taal tu séeblaquil. Canant le ba'ax yaan techo', u ti'al beyo' mix máac ca u lukes teech a péet jo'ol.

¹²Le máax cu dzáancha'atic le kaaso', tene' bíin in beet u ocomtuunichil u kulnaj in Ku, yéetel mix bikin cun jóokoli'; bíin in dzíibt ti' leti'e' u kaaba' in Ku, bey xan u kaaba' u caajal in Ku, leti' le túumben Jerusalén ti' u taalbal tu ca'anil in Ku; bey xan bíin in dzíibt ti' leti'e' in túumben kaaba'.

¹³Le máax yaan u xiquine' u yu'ub ba'ax cu ya'alic Quili'ich Pixan ti' le iglesiaobo'.

¹⁴Dzíibnen xan ti' u ángel u iglesiail Laodicea: Bey cu ya'alic le máax u jaajilo', le jaajcunaj chuca'an u yóolo', le máax cu ya'alic u jaajil, u yáax chuun tuláacal ba'alo'ob beeta'an tumen Kuo':

¹⁵Tene' in wojel tuláacal ba'ax ca beetic. In wojel ma' síisechi' mix chocoechi'. ¡Buca'aj ma'alobil wa síisech wa chocoech!

¹⁶Ba'ale' tumen chéen kíinalech, mix síisechi' mix chocoechi', bíin in ca'aj in xéech.

¹⁷Teche' ca wa'alic: Tene' ayikalen, táan u bin teen utzil yéetel mixba'al cu bineltic teen. Teche' ma' táan a ch'a'a nu'uctic wa jun túul máaquech mix ba'al u biilal, j káat máatanech, óotzilech, ch'óopech yéetel chacnulech.

¹⁸Le o'olale' quin tzol xiquintiquech ca a man ti' tene' oro lúubsa'an u kaasil yéetel káak, u ti'al beyo' ca ayikalchajquech tu jaajil; ca a man xan ti' tene' sac nook u ti'al a búucbesicabáa u ti'al ca a bal beyo' u subtalil a chacnulil; ca a man xan colirio u ti'al a dzáa ta wicho'ob u ti'al ca pacatnaquech.

¹⁹Tene' quin chich t'antic yéetel quin jadz t'antic tuláacal le máaxo'ob in yaacuntmajo'. Bey túuno' yanac a wóol yéetel kex a tuucul.

²⁰Il a wile' tene' ti' yanen tu jool naje' táan in t'aan. Wa máax cu yu'ubic in t'aane', yéetel cu je'ic le jool najo', quin wocol tu yicnal, quin janal tu yéetel, leti' xane' cu janal tin wéetel.

²¹Le máax cu dzáancha'atic le kaaso' bíin in dzáa ti'e' ca culac tin wéetel tin jalach káanche', bey je'el bix tene' dzo'oc in dzáancha'atic le kaaso' yéetel dzo'oc in cutal yéetel in Taata tu jalaa'ch káanche'.

²²Le máax yaan u xiquine' u yu'ub ba'ax cu ya'alic Quili'ich Pixan ti' le iglesiaobo'.