Read Yupik Genesis 23 Bible Online

Genesis 23 - Yupik bible

Genesis 23

¹Sarah unguvallruuq allrakungellerminun yuinarnek arvinlegnek malrunlegnek cipluku (127).

²Sarah tuqullruuq Kiriatharba-mi (tauna Hebron-aaruuq) nuniini Canaan-aam. Abraham-aam-llu angniilutkaa qiatekluku-llu Sarah.

³Unilluku nuliami temiin uitallra ayagtuq Hittite-anun qanerluni-llu,

⁴“Allanrulua uitaunga maani nunavcen̄i; tun'ivikicia nunamek, tungmaggniarqa nulirqa.”

⁵Taukut kiugut,

⁶“Usuuq, niiskut. Wangkuta tangvagamteggen pinilriaruluten ciuliqagten͞gucin; tungmagesgu nulian qunguutemta assinratnun. Kia piulriim tengruluni cikiryugngaaten qungurvigkamek nulian tungmagcesqelluku.”

⁷Abraham-aaq tua-i ciktuq ciuqerratnun

⁸qanerluni-llu, “Tungmagtesqumakuvciu nulirqa maavet apteqerciu Ephron-aaq Zohar-am qetunraa

⁹tun'ivikesqellua Machpelah-m Qerranqurranek, nunautiin mengliin canimelkiini uitalriamek. Qanruciu tunesqelluku wangnun akikaa nurtevkenaku, wani ciuqerpecen̄i, wiinga piksagutniarqa tungmagcivigkaqluku.”

¹⁰Ephron-aaq aqumgallruuq allat Hittite-at ilalirluki quyurrviatni nunarpagmun iteryarami; kiuguq tamaanelngurnun niitelluni,

¹¹“Usuuq, niicugninga. Nunauteka tamalkuan elpenun cikiutekciqaqa qerranquq-llu tuani uitalria tapqulluku. Wani ukut yum'a ciuqerratni wiinga cikiutekciqaqa, nulian tungmaggniaran.”

¹²Abraham-aaq-llu ciktuq ciuqerratni Hittite-at

¹³qanrulluku-llu Ephron-aaq tamalkuita niitelluki, “Apnaamken niicugniqernga. Kipuciiqaqa nuna tamalkuan. Ciuniurru akiliuteka, nulirqa tungmaggniarqa tuavet.”

¹⁴Ephron-aaq kiuguq,

¹⁵“Nuna akingqerrsugngauq yuinarnek yuinarnek (400) qerrirlinek, tau͡gaam cauciqa tamana wangkugni? Tungmagesgu nulian tuavet.”

¹⁶Abraham-aaq maligarutuq naaqiluni-llu akinek Ephron-aam apertullrinek yuut niitelluki yuinarnek yuinarnek akinek kupcaat akilirilauciicetun.

¹⁷Tuaten piluni Ephron-aam pikellra Machpelah-mi Mamre-m calaralirnerani piksagutellrua Abraham-aam. Ilakluki carr'ilqaq, qerranquq-llu tuanelnguq, napat-llu tamaanelnguut tamalkuita nunam cuqiin engelii tekilluku.

¹⁸Abraham-aamun piksaguyucia nallunritaat tamarmeng Hittite-at tuani quyungqalriani uitallret.

¹⁹Abraham-aam tungmagtaa nuliani Sarah qerranqumun Canaan-aam nuniini.

²⁰Tauna carr'ilqaq Hittite-at pikellrat, qerranquq-llu tuanelnguq Abraham-aam piksagutaa tungmagcivigkauluku.