Read Yupik Genesis 32 Bible Online

Genesis 32 - Yupik bible

Genesis 32

¹Jacob-aaq ayiimi pairkenguq an'gilainek ATANREM;

²Jacob-aam tangrramiki qanertuq, “Ukut Agayutem anguyagteklinii!” Taumek tauna aciraa, Mahanaim-aamek.[45]

³Jacob-aaq-llu kevganek ciunermikun ayagceciuq Esau-mun anngarminun Edom-aami.

⁴Alerqurai-llu waten qanresqelluki: “Wiinga Jacob-aaq, kinguqliin niisngasten, uitaurallruunga Laban-aami una tekilluku.

⁵Ungungssiutengqertua qunguturanek ayuqenrilngurnek, pisterlua arnanek angutnek-llu; qanrucarturcetamken elluarrlua ciuniuresqellua.”

⁶Kevgat-llu utercameng Jacob-aamun qanertut, “Tangrrarput anngaan Esau, taiguq pairrsaagluten maligluni yuinarnek yuinarnek (400) angutnek.”

⁷Jacob-aaq-llu alingenga'artuq umyuassuugarluni; avgai-llu yuut ungungssiaraat-llu malruingurrluki.

⁸Umyuarteqluni, “Esau-m avgit tekiskaki piunrirluki-llu avgit qimagniartut.”

⁹Jacob-aaq-llu qanertuq, “Agayutiini atama Abraham-aam, Isaac-aam-llu, ATANEQ, elpet qanrutellruarpenga utercesqellua nunamnun tungayamnun-llu, assirlua-llu piciqnilua.

¹⁰Wangni tunriukutnarquq kenkillren wangnek. Ayarumnek kiingan tegumiarlua qerallrukeka Jordan-aaq, waniwa-llu uterrlua avegluki malruingurrluki aulukaanka.

¹¹Anirturnga amaqlimnek Esau-mek. Alingua elliinun curukaryukluta tuqutnaluta tamamta, arnartuumamta, mikelngurtuumamtaa-llu.

¹²Akqellruarpenga-ggem ca tamalkuan assirluku piciqniluku wangnun, cikirciqnilua-llu kinguverkamnek kia naaqesciigalkainek, imarpiim cen̄iin qau͡gyaitun amllertalrianek.”

¹³Tua-i qavartaraluni anngarmi Esau-m cikiutekainek quyurciuq, yuinarnek qulnek (200) qusngirngalngurnek arnacalunek, yuinaat-wa angucalut. Yuinarnek qulnek (200) qusnginek arnacalunek, qulen-wa angucalut. Yuinaq qulnek cipluku (30) ungungssinek qulugnelegnek piyagartuumaita, yuinaak malruk (40) kuluviit, qulen-wa angucaluit. Yuinaat arnacalut ciulviit qulen-wa angucaluit.

¹⁶Taukut avgai malruingurrluki qaunqescirluki pistem̄i ilagketnek, katngat allakaumavkarluki, qanrulluki-llu pisten̄i, “Ciunemteggun ayakici, katngat ciuqliit kinguqliitnek yaaqsigtu'rtelluki.”

¹⁷Ciuqliugarkat alerquagai, “Esau paireskuvciu, elliin-llu apeskaci, ‘Kia pistekaci? Natmun ayagceci? Kia pikaki makut ungungssit?’

¹⁸Waten qanqici, ‘Kinguqlirpet Jacob-aam pikai; cikiutekai elpenun; kingumten̄i tayima yaaqsinrituq.’”

¹⁹Tuaten alerquagai kinguqliit katngat aulukestait, “Elpeci-llu alerquutma ayuqiinek Esau qanruskiciu paireskuvciu.

²⁰Waten cali qanqici, ‘Jacob-aaq kingumteggun agiirtuq.’” Umyuarteqluni, “Cikiutenka tangerrluki umyuani cimiryuaraa, tangerqumni-llu assirlua ciuniuryuaraanga.”

²¹Tua-i cikiutekai ciunrakun ayagtut; ellii tau͡gaam tuani uitaluni qavartarvillermeggni.

²²Tuani unugmi makluni, nuliagni, nulirruagni, irniani-llu qerautai kuigkun Jabbok-aakun.

²³Qerarcetraarluki akluni cali tamalkuita qeraucetai.

²⁴Tau͡gaam Jacob-aaq kiimi uitaqerluni. Tuani-llu angutem ullagluku callugaa kiituani erqaartuq.

²⁵Angutem taum Jacob-aaq cirlakqatanritliniamiu tenglugaa iruan kangiakun aviqitelluku.

²⁶Angutem taum qanrutaa, “Pegesnga erteqatalria-tang.” Tau͡gaam Jacob-aam qanrutaa, “Atawaqerceskuvnga tau͡gaam pegciiqamken.”

²⁷Taum qanrutaa, “Cauga atren?” Kiugaa, “Jacob-aaruuq.”

²⁸Tauna qanertuq, “Atren Jacob-aarungairutuq. Callullruuten Agayutmek yugnek-llu, anagkengluten-llu; taumek atqeciqan Israel-aaq.”

²⁹Tua-llu Jacob-aaq qanertuq, “Qanrutqernga aterpenek.” Tauna kiuguq, “Ciin at'ma caucianek apcia?” Tuani-llu atawaqercetaa.

³⁰Tua-llu Jacob-aaq qanertuq, “Agayun tungaunaku tangellruaqa, tau͡gken cali unguvalua”; taumek tauna aciqii Peniel-aamek.[46]

³¹Akerta pit'uq ayakanrakun Peniel-aamek, tussitelluku iruan kangian.

³²Taumek maa-i cali Israel-aam yui neryuitelartut irum kangian kemganek, tuaggun Jacob-aam tengluumallra pitekluku.