Read Yupik Genesis 36 Bible Online

Genesis 36 - Yupik bible

Genesis 36

¹Ukut waniwa Esau-m (Edom-aam-wa) kinguvri.

²Esau nulirtullruuq Canaan-aarmiunek ukunek: Adah, pania Elon-aam Hittite-am, Oholibamah-wa Anah-m pania, qetunraa Zibeon-aam Hivite-am.

³Basemath-aaq-llu Ishmael-aam pania Nabaioth-aam alqaa.

⁴Adah-llu irnillruuq Eliphaz-aamek; Basemath-aaq-llu irniluni Reuel-aamek;

⁵Oholobamah-llu irniangluni Jeush-aamek, Jalam-aamek, Korah-mek-llu. Ukut waniwa qetunrai Esau-m yuurtellret Canaan-aami.

⁶Tua-llu Esau-m nuliani, irniani, ilani-llu tamalkuita, ungungssiutni, tukuutni-llu piksagutellni Canaan-aami quyurrluki ayagtuq nunamun yaaqsikiinun kinguqlirmi Jacob-aam.

⁷Quyungqasciigaliamek tukuutetek amllerissiyaagata; uitavigtek mikelkessagutaak kuluvautekek amlleriameng.

⁸Esau nunaliuq nuniini qemililriami nunami Edom-aami.

⁹Makut maa-i kinguvri Esau-m, ciuliarata Edomite-at.

¹⁰Esau-m nulirra Adah qetunrangellruuq ataucimek Eliphaz-aamek, tauna-llu qetunraa qetunrarluni tallimanek ukunek: Teman, Omar, Zepho, Gatam, Kenaz-aaq-wa. Alla-llu nulirra Timna qetunrangluni Amalek-aamek. Esau-m nulirra Basemath-aaq qetunrangellruuq ataucimek Reuel-aamek, Reuel-aaq-llu qetunrarluni cetamanek ukunek: Nahath, Zerah, Shammah, Mizzah-wa.

¹⁴Qetunrai Oholibamah-m Esau-m nulirran, Anah-m panian, qetunraan Zibeon-aam: Jeush, Jalam, Korah-llu.

¹⁵Ukut yuullgutkellriit Esau-m kinguvrini. Esau-m qetunraa ciuqliq Eliphaz-aq ciuliaruluni ukuni: Teman, Omar, Zepho, Kenaz,

¹⁶Korah, Gatam, Amalek-aaq-llu. Ukut waniwa kinguliaqai Esau-m nulirran Adah-m.

¹⁷Esau-m qetunraa Reuel-aaq ciuliaqaat yuullgutkellriit ukut: Nahath, Zerah, Shammah, Mizzah-wa. Ukut kinguliaqluki Esau-m nulirran Basemath-aam.

¹⁸Waniwa ukut Esau-m nulirran Oholibamah-m, panian Anah-m, qetunrai: yuullgutkellriit, Jeush, Jalam, Kora-llu.

¹⁹Makut tamalkuita ilakelriartaqai Esau-m.

²⁰Ukut-llu waniwa qetunrai Seir-am Horite-am, uitalriim tamatum nuniini: Lotan, Shobal, Zibeon, Anah, Dishon, Ezer, Dishan-aaq-llu. Ukut qetunrai Seir-am Horite-am Edom-aami Horite-ani yuullgutkellriit.

²²Qetunrai Lotan-aam ukuugut: Hori, Heman-aaq-llu; Lotan-aaq-llu alqerluni Timna-mek.

²³Shobal-aam qetunrai: Alvan Manahath, Ebal, Shepho, Onam-aaq-llu.

²⁴Zibeon-aam qetunrai: Aiah, Anah-wa. Anah taunguuq nalaqestekellrat mer'et uuqnarqelriit nunam iluanek ulvelriit yuilqumi nerqillermini atami Zibeon-aam ciulvainek.

²⁵Anah atakellrua Dishon-aam, ciulirneqluku ilakellriartaita ukut: Hemdan, Eshban, Ithran, Cheran-aaq-wa. Anah cali paningqellruuq aterluni Oholibamah-mek.

²⁷Ezer-aam qetunrai: Bilhan, Zaavan, Akan-aaq-llu.

²⁸Dishan-aam qetunrai: Uz-aq Aran-aaq-llu.

²⁹Ukut waniwa Horite-at yuullgutkellriit Edom-aami: Lotan, Shobal, Zibeon, Anah, Dishon, Ezer, Dishan-aaq-llu.

³¹Makut maa-i atanrullret Edom-aami kinguqliqutacimegcetun, Israelite-anek angayuqertangvailgan: Bela, qetunraa Beor-am, Dinhabah-mi Jobab, qetunraa Zerah-m, Bozra-mi Husham, nuniinek Teman-aam Hada, qetunraa Bedad-am, Avith-aami[50] Samlah, Masekah-mek Shaul, Rehoboth-aamek Kuigmi Baal Hanon, qetunraa Achbor-am Hadad, Pau-amek (nulirra panikluku Matred-aam, tutgariin Mezahab-am)

⁴⁰Ukut waniwa atanekuyuut kinguvallret Esau-mek ilakucimigcetun nunangqerrluteng at'meggnek aciumalrianek: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, Iram-aaq-llu. Ukut atanekuyukai Edom-aam nunaucirmegcetun, nunami uitavimeggni.