Read Yupik Genesis 5 Bible Online

Genesis 5 - Yupik bible

Genesis 5

¹Waniwa Adam-aam kinguvri. Agayun yugnek pilillermini ellmitun ayuqluki piliaqellrui.

²Piliaqak aipaa angutnguluku aipaa-llu arnauluku. Atawaqaasqak aperlukek-llu yuugnek.

³Adam-aaq-llu yuuguq allrakuni yuinaat arvinlegen qulnek cipluku (130), qetunranguq-llu ellmitun ayuqellriamek; acirluku-llu Seth-amek.

⁴Seth-am-llu yuurtellran kinguani cali unguvauq allrakuni tiissitsaam avga yuinaat-wa akimiaq (800), allanek-llu qetunrangluni paningluni-llu.

⁵Tuaten pitalriamek Adam-aaq unguvauq tuquluni-llu allrakungluni tiissitsaam avga, yuinarnek yuinaq atauciq qulnek cipluku (930).

⁶Seth-aq-llu allrakungluni yuinaat talliman tallimanek cipluku (105) qetunrangellruuq Enosh-aamek.

⁷Seth-aq-llu Enosh-aamek qetunrangellmi kinguani unguvauq tiissitsaam avga, yuinaat akimiaq malrunlegnek cipluku (807) allrakuni, allanek-llu qetunrangluni paningluni-llu.

⁸Tapeqluteng Seth-am allrakui amllertaut tiissitsaam avga, yuinaat yuinaat qula malrugnek cipluku (912) yuunrirluni-llu.

⁹Enosh-aaq-llu allrakungluni yuinaat cetaman qulnek cipluku (90) qetunrangellruuq Kenan-aamek.

¹⁰Kenan-aamek-llu qetunrangellmi kinguani Enosh-aaq unguvaluni tiissitsaam avga, yuinaat akimiaq akimiarmek cipluku (815) allrakungluni. Allanek-llu qetunrangluni paningluni-llu.

¹¹Tapeqluteng Enosh-aam allrakui amllertaut, tiissitsaam avga, yuinaat yuinaat tallimanek cipluku (905) yuunrirluni-llu.

¹²Kenan-aaq-llu yuinarnek pingayunek qulnek cipluku (70) allrakungeqerluni irnianguq Mahalalel-aamek.

¹³Kenan-aaq-llu Mahalalel-aamek irniangellmi kinguani cali unguvauq, tiissitsaam avga, yuinaat-wa akimiaq malruk (840) allrakuni, allanek-llu qetunrangluni paningluni-llu.

¹⁴Tapeqluteng Kenan-aam allrakui amllertaut tiissitsaam avga, yuinaat yuinaat qula-wa (910). Yuunrirluni-llu.

¹⁵Mahalalel-aaq-llu allrakungluni yuinarnek pingayunek tallimanek cipluku (65) Jared-aamek irniangellruuq.

¹⁶Mahalalel-aaq-llu irniangellermi Jared-aamek kinguakun unguvauq allrakuni tiissitsaam avga, yuinaat-wa akimiaq atauciq qulnek cipluku (830). Allanek-llu qetunrangluni paningluni-llu.

¹⁷Tapeqluteng Mahalalel-aam allrakui amllertaut tiissitsaam avga, yuinaat-wa akimiaq cetaman, akimiarmek cipluku (895). Yuunrirluni-llu.

¹⁸Jared-aaq-llu allrakungluni yuinaat pingayunelgen malrugnek cipluku (162) irniangellruuq Enoch-aamek.

¹⁹Jared-aaq-llu irniangellmi Enoch-aamek kinguani unguvallruuq allrakuni tiissitsaam avga, yuinaat-wa akimiaq (800) irniangluni-llu allanek.

²⁰Jared-aam-llu allrakui tapeqluteng amllertaut tiissitsaam avga, yuinaat-wa yuinaq pingayun, malrugnek cipluku (962). Yuunrirluni-llu.

²¹Enoch-aaq-llu allrakungluni yuinaat pingayun tallimanek cipluku (65) qetunrangellruuq Methuselah-mek.

²²Enoch-aaq-llu Methuselah-mek qetunrangellmi kinguani unguvauq niisngaluku Agayun allrakuni yuinarni akimiarni (300) allanek-llu irniangluni.

²³Enoch-aam allrakui amllertallruut yuinaat akimiaq pingayun tallimanek cipluku (365).

²⁴Enoch-aaq-llu Agayun niisngallruamiu tuqullrunrituq, Agayutem ayaucani.

²⁵Methuselah-llu yuinaat qulngunritaraat malrugnek cipluku (187) allrakungeqerluni irniangellruuq Lamech-aamek.

²⁶Lamech-aam-llu yuurtellran kinguani Methuselah cali unguvauq tiissitsaam avga, yuinaat-wa akimiarunrita'ar malrugnek cipluku (782) allrakuni, irniangluni-llu allanek.

²⁷Methuselah-m allrakui tapeqluteng amllertaut tiissitsaam avga, yuinaat yuinaq pingayunek cipluku, qulngunrita'arnek cipluku (969). Yuunrirluni-llu.

²⁸Lamech-aaq-llu allrakungluni yuinaat qulngunritaraan malrugnek cipluku (182) qetunrangellruuq.

²⁹Aciraa-llu Noah-mek[9] qanerluni, “Nunamek ATANREM aniqlaallranek uum utumarivkarciqaa cakviurluta calilallerput.”

³⁰Noah-m yuurucian kinguani Lamech-aaq unguvauq allrakuni tiissitsaam avga, yuinaat-wa cetaman akimiarmek cipluku (595), irniangluni-llu cali allanek.

³¹Lamech-aam-llu allrakui tapeqluteng amllertaut tiissitsaam avga, yuinaat-wa qula malruk akimiaq malrugnek cipluku (777). Yuunrirluni-llu.

³²Noah-llu allrakunguq tiissitsaam avganek (500) qetunrangluni-llu pingayunek: Shem-amek, Ham-amek, Japheth-aamek-llu.