Read Yupik 2 Samuel 23 Bible Online

2 Samuel 23 - Yupik bible

2 Samuel 23

¹David-aaq Jesse-m qetunraa angutngullruuq Agayutem ucurnarivkallra, Agayutiin Jacob-aam cucukellra angayuqausqelluku, piliaqestekluku-llu yuarutkegtaaraat Israel-aanun. Ukut David-aam nangneruut qanellri:

²Anernera ATANREM qalartuq wangkun; qanrutkarkaa qerrlugemnetuq.

³Agayutiit Israel-aat qanertuq; Israel-aam qaunqestii qanertuq wangnun: “Angayuqaq atanirturilria elluarrluni, atanirturilria niisngaluni Agayutmun,

⁴ayuquq akertetun ciqinqalriatun availriami erqaarmi, akertetun qevliavkarilriatun canegnek ellallirraartelluku.”

⁵Tuaten ayuqellriakun Agayutem atawaqerceciiqai kinguvrenka, nangyuilngurmek akqellruamia, picirkangun navgumangailnguq, akqun cimiumangailnguq. Kiingan taumek piyuutengqertua; tauna wiinga cirlakutekciqaqa, ilumun-llu Agayutem piciurceciiqaa.

⁶Tau͡gaam agayutailnguut yuut cukilanatun ayuqut egcimaarkatun; kia agturasciiganaki tungaunaki unatni.

⁷Cavigmek calissuutmek wall'u narulkautamek aturarkauluteng agturastait; tua-i-wa ekuamaciqngameng nangluteng.

⁸Ukut wani-wa atrit David-aam piluaqallret neq'ayarat anguyagtain: ciuqliq Josheb Bassabeth-aullruuq Tachemon-aamek, ciuliqagtekellruluku “Pingayun”; callullruuq narulkautamikun tiissitsaam avga yuinarnek akimiarnek cipluku (800) anguyagten̄ek tamalkuita-llu tuqulluki ataucimi anguyautnermi.

⁹Tungliat taukut neq'ayarat pingayun Eleazar-aarullruuq qetunraa Dodo-m, ilakellriarinek Ahoh-m. Erenret iliitni elliin David-aam-llu unayaqlinii calluucugluki Philistine-at quyurtellratni anguyakatarluteng. Israel-aam yui kingupialliniut,

¹⁰tau͡gaam ellii taq'illrunrituq callugluki-llu Philistine-at, unatain-llu qeluameng pegcesciigataat nuussirpii. ATANEQ angtuamek anagtuq cirlakiluni tuani ernermi. Pelluan tamana, Israel-aam yui uterrluteng Eleazar-aam uitavianun akngircailkutait tuqullret avurait.

¹¹Pingayuat neq'ayarat pingayun Shammah-rullruuq qetunraa Agee-am Harar-amek. Philistine-at quyurtellruluteng Lehi-amun, naucetaarvilegmek peas-aanek. Israel-aam yui qimagtut Philistine-anek,

¹²tau͡gaam ellii Shammah-q taq'ivkenani, inglulirluki, tuqutellrui Philistine-at. ATANEQ angtuamek cirlakiuq tuani ernermi.

¹³Nuniini ayagnillran quyurciyaram pingayun ilameggnek aterpagingalrianek “Yuinaq Qulmek Cipluku” (30) atrartut Adullam-aamek at'legmun tegalqumun nayunermun David-aam uitavianun, ilikellriit Philistine-at arulaingqallratni kuignayugmi Rephaim Valley-mi.

¹⁴Taum nalliini David-aaq tuani uitallruuq cayailkut'legmi qemimi, quyungqalriit-llu Philistine-at yirturluku Bethlehem-aaq.

¹⁵David-aaq cupegtenguq qanerluni-llu, “Kia-tuq wani-wa taiteqerlia merkamnek elakamek ikirtuqam caniani uitalriamek Bethlehem-aami.”

¹⁶Taukut-am pingayun neq'ayarat anguyagtet itqerrluteng Philistine-at qavartarviatnun, qaluciut mermek elakamek, ut'rulluku-llu David-aamun. Tau͡gaam meryuumiitaa; kuvluku tau͡gaam elliitekluku ATANERMUN

¹⁷qanerluni-llu, “ATANEQ, watqapik una merngaitaqa! Melriacetun augatnek ayuqeciquq ukut angutet qevellret unguvameggnek.” Taumek meryuumiitellrua. Tamakut tamaa-i caliallrit alingunateng taukut pingayun neq'ayarat anguyagtet.

¹⁸Joab-am anelgutii Abishai-aq (aaniit Zeruiah-ruluni) ciuliqagtekellruat ukut “Neq'ayarat Yuinaq Qulmek Cipluku” (30). Callullruuq narulkarcuutmikun akimiarnek yuinarnek (300) angutnek tuqulluki-llu, neq'ayaraurrluni-llu ukut “Yuinaq Qulmek Cipluku” ilakluki.

¹⁹Ellii arcaqerluni neq'akumauq ukuni “Yuinaq Qulmek Cipluku” (30) ciuliqagteksagulluku-llu, tau͡gaam aciqsinruluni neq'ayarani “Pingayun.”

²⁰Benaiah qetunraa Jehoiada-m Kabzeel-amek cali neq'ayarauguq; amllernek taqutellruuq alingunani callermikun, ilakluku tuqucillra pinilriignek malrugnek Moab-armiugnek anguyiignek. Caqerluni-llu atrarluni elanermun qanugpallrani tuqucillruuq yugtutulimek.

²¹Cali tuqucillruuq Egypt-aarmiumek, yugpagmek narulkarcuutmek saskulegmek. Benaiah-m curukallrua kaugtuutarpagluni, cayugarqaarluku-llu narulkautaq Egypt-aarmium unatiinek, tuqutaa tuaggun.

²²Tamakut tamaa-i alingunani callri Benaiah-m, iliit ukut “Yuinaq Qulmek Cipluku” (30).

²³Ellii qanemciulallruuq, tau͡gaam ukutun pitavkenani “Pingayun.” David-aam atanerruarurtaa nakmiin murilkestem̄iinun.

²⁴Allat uitalriit ukuni “Yuinaq Qulmek Cipluku” ukuullruut: Asahel-aaq, anelgutii Joab-am Elhanan-aaq qetunraa Dodo-m Bethlehem-aamek Shammah-nkuk Elika-llu Harod-aamek Helez-aaq Pelet-aamek Ira qetunraa Ikkesh-aam Tekoa-mek Abiezer-aaq Anathoth-aamek Mebunnai-aq Hushah-mek Zalmon-aaq Ahoh-mek Maharaia-q Netophah-mek Heleb-aaq qetunraa Baanah-m Netophah-mek Ittai-aq qetunraa Ribai-am Gibeah-mek Benjamin-aami Benaiah-q Pirathon-aamek Hiddai-aq kuignayugnek Gaash-am mallgeskiini Abialbon-aq Arabah-mek Azmaveth-aaq Bahurim-aamek Eliahba Shaalbon-aamek Qetunraak Jashen-aam Jonathan-aaq Shammah Harar-amek Ahiam-aaq qetunraa Sharar-am Harar-amek Eliphelet-aaq qetunraa Ahasbai-am Maacah-mek Eliam-aaq qetunraa Ahithophel-aaq Gilo-mek Hezro-q Carmel-aamek Paarai-aq Arab-amek Igal-aaq qetunraa Nathan-aam Zobah-mek Bani-q Gad-amek Zelek-aq Ammon-aamek Naharai-aq Beeroth-aamek, Jo(...)