Read Yupik 2 Samuel 8 Bible Online

2 Samuel 8 - Yupik bible

2 Samuel 8

¹Mat'um kinguani Angayuqam David-aam curunqigtai Philistine-at, cirlakluki-llu, ataniurinrirtelluki-llu nunamek.

²Tua-i-llu cirlakai Moab-armiut. Teguat inarcetai nunamun pingayun-llu malrugnek ilangarqurluki tuqutai. Tua-i Moab-armiut elliin ataniungai akiliqurautnek-llu elliinun akilicilangluteng.

³Tuamta-llu cirlakaa angyuqra Syria-m nuniin Zobah-mi, Hadadezer-aaq qetunraa Rehob-am, Hadadezer-aaq ayainanrani tegunqigcarturluku ataniullni nuna tamalkuan cen̄iini Kuigem Euphrates-aam kialirnerani uitalria.

⁴David-aam teguaqai tiissitsaaq tiissitsaam-llu avga yuinarnek qulnek cipluku (1,700) horse-aatgun anguyagyaramek elitnaurumalriit yuinaat-wa tiissitsaat (20,000) nangrrarmeng anguyatulit. Uitaciiluni horse-aanek yuinaat talliman (100) ikamrat malrugnek akalrialget anguyagcuutet pikanritnek, cipnerit-llu tamalkuita iruirqelluki.

⁵Syrian-aat-llu Damascus-aarmiut ayagcecillratni anguyagten̄ek ikayuryarturluku Angayuqaq Hadadezer-aaq, David-aam curugai tuqulluki-llu yuinaat tiissitsaat yuinarnek yuinarnek cipluku (22,000) anguyagtet.

⁶Tua-i-llu nauciluni anguyagten̄ek yul'egnek uitavignek nuniitni, ellait-llu yuksagutai elliinun akiliqurautnek akilicilangluteng. ATANREM David-aaq nani tamiini cirlakivkarturaraa.

⁷David-aam teguaminun tapqutai suulutaat capkutat tegumiaqelallrit Hadadezer-aam anguyagtain ayaulluki-llu Jerusalem-aamun.

⁸Cali tegutuq amlleqapiarmek punernermek Betah-mek Berothai-mek-llu, nunarpiignek atanirtuq'ngagkenek Hadadezer-aam.

⁹Angayuqaq Toi-aq Hamath-armiu niituq David-aamun cirlakniluki tamalkuita Hadadezer-aam anguyagtai.

¹⁰Taumek qetunrani Joram-aaq ayagcetaa ciuniuryartuusqelluku Angayuqaq David-aaq quyakesqelluku-llu cirlakillranek Hadadezer-aamek, inglukluku amllerqunek elliin Toi-am callulallruamiu. Joram-am payuggluku David-aaq cikiutnek piliaqumalrianek suulutaamek, qerrirlimek, punernermek-llu.

¹¹Angayuqam David-aam elliitekai atulaasqelluki agayuaqata, ilaluki-llu qerrirlimek suulutaamek-llu tegulallerminek nunarugarnek cirlaklerminek,

¹²Edom-aamek, Moab-amek, Ammon-aamek, Philistia-mek, Amalek-aamek-llu, ilaluki-llu ilaitnek tegullmi Hadadezer-aamek.

¹³David-aaq ucurnarivsiartuq utertellermini tuqurqirraarluni akimiaq pingayunek cipluku tiissitsaanek (18,000) Edom-aarmiunek Kuignayuani Taryum.

¹⁴Nauciuq anguyagtarnek uitavignek tamalkuan Edom-aami, yuut-llu tamaani elliin yuksagutai. ATANREM David-aaq cirlakiurcetaa nani tamiin.

¹⁵David-aaq atanirturiuq tamiini Israel-aami murilkelluki-llu yum'i elluarrluteng assilriakun-llu pimallerkaat.

¹⁶Joab-aq, aanalek Zeruiah-mek, atanirturtekellruat anguyagtet; Jehoshaphat-aq-wa qetunraa Ahilud-aam aulukestiit cat igausngalriit;

¹⁷Zadok-aq qetunraa Ahitub-aam, Ahimelech-aaq-llu qetunraa Abiathar-am agayulirten͞gulutek; Seraiah-llu qanercetaarviim igartekluku.

¹⁸Benaiah-m qetunraan Jehoiada-m ataniumai David-aam nakmiin murilkestai; David-aam-llu qetunrai agayulirten͞guluteng.