Read Yupik 1 Kings 3 Bible Online

1 Kings 3 - Yupik bible

1 Kings 3

¹Solomon-aaq taqutuq ilakuyutmek angayuqrat-llu Egypt-aarmiut nuliqsagutellermikun pania. Ayautaa David-aam Nunarpiinun taqnatkaanun eneni, Agayuvigpak, casguq-llu avatiini Jerusalem-aam.

²Agayuvigpak-llu wani-wa piliaqumaksaituq ATANERMUN, taumek cali yuut ekuagiurtut amllerni ayuqenrilngurni ekuavigni.

³Solomon-aam kenkaa ATANEQ maligtaquluki-llu ayuqucirtuutai atami David-aam, tau͡gaam-llu cali tuqucilartuq ungungssinek elliitekaqluki ekualuki ayuqenrilngurni ekuavigni amllerni.

⁴Tamakut ayallmi iliitni ayagtuq Gibeon-aamun elliiluni ekuaginaluni tuanlan ekuavikuralallrat. Tuani ekuagilallruuq amllerqunek tamatum ciungani.

⁵Tuani unugmi ATANEQ alairtuq elliinun qavangukun apluku-llu, “Camek wangnun cikiisqumasit?”

⁶Solomon-aaq kiuguq, “Nallunairimallruuten angelriamek caqtaanrilngurmek kenekmek pistevnun, David-aamun atamnun, ellii-llu assirluni, caqtaarpek'naku piciullni, picirrlugtuvkenani-llu ilakuyutmini elpenun. Elpet-llu maniiqurallruan angtuamek taqsuilngurmek-llu kenkevnek cikirluku qetunrarkaanek erneq man'a tekilluku atanirturilriamek eniini.

⁷ATANEQ Agayun, elpet enaircetan ataka angayuqrurrlua, ayagyuapianger'ma atanirturillerkaqa-llu nallungramku.

⁸Wiinga waniwa yuut ilagarluki cucukelten elpet nakmiin piknaluki, yuut amllessiyaagameng naaqumasciigalnguut.

⁹Taumek cikirnga umyuartuyaramek aturyuk'ngamnek ataniurnaunka yut'en elluakun nallunritniarqa ayuqenriluciak assilriim assiilnguum-llu. Tuatnanrilkuvnga, qaillun ataniuyunarqeciqsia ukut elpet yugugaten?”

¹⁰ATANEQ ilukegciuq mat'umek apcani Solomon-aam,

¹¹taumek qanertuq elliinun, “Tua-i cikiisqen͞gavet umyuartuyaramek elluarrluten atanirturinaluten, ak'anun unguvallerkarpenek wall'u tukuutnek wall'u ingluvet tuqullerkaitnek kaiganrilavet,

¹²kaigaten piciqaqa. Cikirciqamken angtuamek umyuartuyaramek taringyuyaramek-llu mat'um ciungani kia atuqsailkiinek wall'u atunqiggngailkiinek.

¹³Cikirciqamken-llu cali kaigatkenritlerpenek: unguvaqallerpeni pikciqagken tukuutet takarnarqun-llu, anaggluki allat angayuqat piutait.

¹⁴Niisngakuvnga-llu aturturluki-llu picirkiutenka alerquutenka-llu, atavet David-aam pillruciatun, erneten taklicarciqanka.”

¹⁵Solomon-aaq uituq taringa-llu Agayutmun qanruyucini qavangukun. Tua-i-llu ayagluni Jerusalem-aamun nangerrluni-llu ciuqerranun ATANREM Akqutiin Yaassiigan elliiguq-llu ekualuki elliiyarakun ilakuyutem-llu elliitiinek ATANERMUN. Taum kinguani nerevkaritai tamalkuita atanerruani.

¹⁶Erenret iliitni malruk akissuk taiguk nangerrlutek-llu Angayuqam Solomon-aam ciuqerranun.

¹⁷Aipaak qanertuq, “Elpet Ucurnarqelriami, una-llu arnaq enelgutkukuk; irniunga-llu tan'gaurlurmek tamaani enemi uitallrani.

¹⁸Erenrek malruk irnillma kinguani, una cali arnaq irniuq tan'gaurlurmek. Wangkuk kiimnuk tuani enemi uitaukuk allamek ilaitukuk.

¹⁹Tua-i-llu unuut iliitni pitsaqa'artevkenaku engigaa irniani epluku-llu.

²⁰Makluni-llu unugmi, teguluku qetunraqa canimnek qavallemni, ingleminun agutaa; tua-i-llu elliluku tuqumalria irniani inglemnun.

²¹Unuaquan, uicama aamarteqataryaaqellemni, tangrraqa tuqumallinilria. Tangevsiaramku maaten piaqa irniaqenritlinikeka.”

²²Tau͡gaam aipaa arnaq qanertuq, “Qang'a, unguvalria mikelnguq pikaqa, tuqumalria-llu elpet pikluku!” Ciuqliq arnaq kiuguq, “Qang'a! Tuqumalria mikelnguq elpet pikan, unguvalria-llu wii pikluku!” Tua-i kiutaarutuk angayuqam ciuqerrani.

²³Tua-llu Angayuqaq Solomon-aaq qanertuq, “Elpetek tamarpetek pikniluku unguvalria mikelnguq piutek tuqumalria-llu mikelnguq aipavtegnun pikniluku.”

²⁴Taicesqiuq-llu nuussirpagmek, taicatgu-llu,

²⁵ellii qanertuq, “Kepiciu unguvalria mikelnguq qukaakun arnak-llu tamarkegenka avegmek cikirlukek.”

²⁶Nakmiin-llu aanii, ircaquni tamalkuan muirumiin kenekmek qetunraminun, qanertuq angayuqamun, “Arenqiapaa, Elpet Ucurnarqellriami, watqapik mikelnguq tuqucaqunaku! Tuniu arnamun!” Tau͡gaam aipaa arnam qanertuq, “Taicaqunaku aipamegnun; kiiki qukaakun kepiciu.”

²⁷Tua-llu Solomon-aaq qanertuq, “Tuqucaqunaku mikelnguq! Tuniciu ciuqlirmun arnamun—ellii ilumun aanakaa.”

²⁸Tamarmeng Israel-aam yui niitellermeggni Solomon-aam pillerkiullranek, tamarmeng umyugait qigcikutmek imangut elliinun, nutaan nallunriamegteggu ilumun Agayutmun elisngamek cikillrullinicianek inglukutellriit inglukutait cuqtelallerkaitnek elluarrluki.