Read Yupik 2 Kings 20 Bible Online

2 Kings 20 - Yupik bible

2 Kings 20

¹Tamakuni ernerni Hezekiah naulluungenguq tuquciqngariluni-llu. Isaiah-llu prophet-aaq qetunraa Amoz-aam ullagaa, qanrulluku-llu, “Waten qanertuq ATANEQ, qanrutaaten cat arenqigtesqelluki, tua-i-wa tuquciqngavet assiringailavet.”

²Tua-llu Hezekiah-m kegginani tuiggluku qacarneq cauluku piicagtuq ATANERMUN, qanerluni,

³“Umyuaqiu watua, ATANEQ, kaigavikamken, qaillun piyuallruciqa ciuqerpeni caqtaarpek'nii, tamalkuulua ircaqumkun, calillrulua-llu assilriamek tangvallerpeni.” Hezekiah-llu cakneq qiaqapigtuq.

⁴Anvailgan-llu Isaiah qukaqlirmek carr'ilngurmek enet akuliitni, qaneryaraa ATANREM tekituq elliinun.

⁵“Uterrluten, qanrucarturru Hezekiah ataniurtiit yum'a, waten qanertuq ATANEQ, David-aam atavet Agayutii: Niitellruaqa piicallren, aluviten-llu tangerrluki; taumek canrirceciiqamken; wii tangellruanka aluviten; tangerrluku wii canrirceciiqamken; pingayuatni erenret agciquten Agayuvigpagmun.

⁶Ilaciqanka-llu akimiarnek allrakunek unguvan. Aviuciiqamken una-llu nunarpak unatainek Assyria-m angayuqran, cayailkuciumaciqaqa-llu, una-llu nunarpak wii piteklua pisteka-llu pitekluku David-aaq.”

⁷Isaiah-llu qanertuq, “Taici cake-aamek atsanek figs-aanek pilimalriamek. Teguluku ellaita elliniaraat aninguat qaingatnun, assiriniartuq.”

⁸Hezekiah-llu qanertuq Isaiah-mun, “Cauciqa nallunailkutaa ATANREM wiinga canrircetlerkamnun, ayagyugngallerkama-llu Agayunerpagmun erenret pingayuatni?”

⁹Isaiah-llu qanertuq, “Man'a nallunailkutauciquq elpenun ATANERMEK, tua-i ATANREM piarkaugaa elliin akqutkellni; talineq ayagarkauluni ciutmun qulnek amllinernek, wall'u utetmun qulnek amllinernek?”

¹⁰Hezekiah-q-llu kiuguq, “Qacignarqessiyaagtuq talinrem taklirillerkaa qulnek it'ganernek; ataki talineq utetmun amlliqili qulnek it'ganernek.”

¹¹Isaiah-llu prophet-aaq qayagauq ATANERMUN; elliin-llu utercetaa talineq qulnek it'ganernek, piciryaraatun akertem qerkelliaqami cuqyutiini Ahaz-am.

¹²Tamatum nalliini Medrodach Baladan-aaq, qetunraa Baladan-aam angayuqran Babylon-aam, ayagceciuq kevganek malilirluki iganek cikiutnek-llu Hezekiah-mun; tua-i niitellruamiu Hezekiah-m naulluullra.

¹³Hezekiah-m-llu ciuniurai, nasvitai-llu tamalkuitnek pirpaku'urqem̄inek, qerrirlinek, suulutaanek, naunrarnek tepkegcilrianek, uquqegtaarnek, anguyaucessuutminek, tamalkuitnek-llu qemangqalrianek qemaggvimini; canek enemini wall'u angayuqauvimini Hezekiah-m pitaitellruuq nasvanritellrinek.

¹⁴Tua-llu Isaiah prophet-aaq taiguq Angayuqamun Hezekiah-mun, qanrulluku-llu, “Camek ukut angutet qanertat? Qangvaq-llu taillruat elpenun?” Hezekiah-llu qanertuq, “Taillruut yaaqvanek nunamek, Babylon-aamek.”

¹⁵Ellii kiuguq, “Camek tangellruat enevni?” Hezekiah-llu kiuguq, “Tangellruit cat tamalkuita enemni uitalriit; camek pitaituq qemaggvimni nasvanritlemnek ellaitnun.”

¹⁶Isaiah-llu qanertuq, Hezekiah-mun, “Niisgu qanellra ATANREM:

¹⁷Tangerrluku, erenret agiirtut, tamarmeng enevni uitalriit, atavet-llu qemagtellrit una erneq tekilluku, ayaucimaarkaugut Babylon-aamun; ca unicimangaituq, qanertuq ATANEQ.

¹⁸Ilait nakmiin kinguliaten ayaucimaarkaugut; pisten͞guciqluteng atanruviani angayuqran Babyon-aam.”

¹⁹Tua-llu Hezekiah qanertuq Isaiah-mun, “Qaneryaraa ATANREM qalarutkellren assirtuq.” Tua-i umyuarteqngami, “Ilumun tuaten pili, unguvaqallemni uitanqegcinarqerkaukan cayailkuciumaarkaukuma-llu?”

²⁰Ilait caliallrin Hezekiah-m alingura'arpek'nani-llu piniucia, qaillun-llu mervilillra, nayugluku nuna meq tumyariluku nunarpagmun, igausnganritut-qaa Kalikarni Igausngaviitni Angayuqrin Judah-m?

²¹Hezekiah-m-llu qavallgutkai atani; Manasseh-m-llu qetunraa ataniurtuq enairluku atani.