Read Yupik 1 Chronicles 2 Bible Online

1 Chronicles 2 - Yupik bible

1 Chronicles 2

¹Jacob-aaq qetunrangqellruuq qula malrugnek cipluku: Reuben-aaq, Simeon-aaq, Levi-aq, Judah, Issachar-aq, Zebulun-aaq,

²Dan-aq, Joseph-aaq, Benjamin-aaq, Naphtali, Gad-aq, Asher-aaq-wa.

³Judah tallimanek qetunrangqellruuq. Nuliamikun Bathshua-kun, Canaanite-akun, pingayunek qetunrangellruuq: Er-aq, Onan-aaq, Shelah-wa. Anngaat qetunrain, Er-aq, umyuarrliqsiyaagan ATANREM tuqutellrua.

⁴Ukurramikun-llu Tamar-akun Judah cali qetunrangellruuq malrugnek, Perez-ankugnek, Zerah-llu.

⁵Perez-aq qetunrangqellruuq malrugnek, Hezron-aamek, Hamul-aamek-llu.

⁶Anelgutii Zerah-m tallimanek qetunrangqellruuq: Zimri, Ethan-aaq, Heman-aaq, Calcol-aq, Darda-wa.

⁷Achan-aaq[2] qetunraa Carmi-m; Zerah-m kinguvrin iliit, taitellruuq picurlagmek yuinun Israel-aam qemangqaillermikun uayaaqenganek allakaumalrianun Agayutmun.

⁸Ethan-aaq ataucimek qetunrangqellruuq, Azariah-mek.

⁹Hezron-aaq pingayunek qetunrangqellruuq: Jerahmeel-aq, Ram-aq, Chelubai-aq-wa.

¹⁰Ilakutaqellriit kinguvallrat Ram-amek Jesse-mun waten ayuquq: Ram-aq, Amminadab-aaq, Nahshon-aaq, (Judah-m yuin ilakellriit quyilria ciuliqagtiit),

¹¹Salmon-aaq, Boaz-aq,

¹²Obed-aaq, Jesse-llu.

¹³Jesse malrunlegnek qetunrangqellruuq. Kinguqliqutacirmegcetun waten ayuqluteng: Eliab-aaq, Abinadab-aq, Shammah,

¹⁴Nethanel-aaq, Raddai-aq,

¹⁵Ozem-aaq, David-aaq-wa.

¹⁶Cali malrugnek panigluni, Zeruiah-nkugnek Abigail-aq-llu. Jesse-m pania Zeruiah pingayunek qetunrangqertuq: Abishai-aq, Joab-aq, Asahel-aaq-wa.

¹⁷Panian aipaa Abigail-aq uinguq Jether-aamek, kinguvranek Ishmael-aam, qetunrangamek-llu aciraak Amasa-mek.

¹⁸Hezron-aam qetunraa Caleb-aaq nulirturtuq Azubah-mek paningamek-llu aciraak Jerioth-amek. Pingayunek-llu qetunrangluni: Jesher-aamek, Shobab-amek, Ardon-aaq-wa.

¹⁹Uzubah-m-llu tuqullran kinguani, Caleb-aaq nulirturtuq Ephrath-aamek, qetunranglutek-llu aterluni Hur-amek.

²⁰Hur-am qetunraa Uri-aullruuq, tutgarii-wa tan'gaurluq Bezalel-aam.

²¹Hezron-aaq yuinarnek pingayunek (60) allrakungluni, Machir-aam pania nuliqsagutaa, arnaunra Gilead-aam Qetunranguq aterluni Segub-aamek,

²²Segub-aaq-llu qetunrangluni Jair-amek. Jair-am ataniullrui yuinaq pingayunek cipluku (23) nunarpiit nunautiini Gilead-aam.

²³Tau͡gaam angayuqauvikek Geshur-aankuk Aram-aaq-llu cirlakillruuk yuinaat pingayun cipluki (60) nunacuarnek, nunarrait-llu ilakluki Jair-am Kenath-am-llu, nunacuaraat-llu avatiitni uitalriit. Yuut tamarmeng tamaanelnguut kinguveqluki Machir-aam, Gilead-aam atiin.

²⁴Hezron-aam tuqullran kinguani, qetunraa Caleb-aaq nulianguq Ephrath-amek, atami aipainranek. Qetunrangellruuq aterluni Ashhur-aamek, nunacuaraam Tekoa-m yiq'erraartellranek.

²⁵Jerahmeel-aq, qetunrain Hezron-aam amaqlikacagiit, tallimanek qetunrangqellruuq: Ram-aq, ciuqlikaca'ar, Bunah, Oren-aaq, Ozem-aaq, Ahijah-llu.

²⁶Ram-aq pingayunek qetunrangqellruuq: Maaz-aq, Jamin-aq, Eker-aaq-llu. Jerahmeel-aq cali allamek nuliangqellruuq, arnaq aterluni Atarah-mek, cali-llu qetunrarlutek, Onam-aamek.

²⁷

²⁸Onam-aaq malrugnek qetunrangqellruuq, Shammai-ankugnek Jada-llu, Shammai-aq-llu cali malrugnek qetunrarluni, Nadab-ankugnek Abishur-aq-llu.

²⁹Abishur-aq nulianguq arnamek aterluni Abihail-amek, malrugnek-llu qetunranglutek, Ahban-aamek, Molid-aamek-llu.

³⁰Abishur-am anelgutii Nadab-aq malrugnek qetunrangqellruuq, Seled-ankugnek Appaim-aaq-llu, tau͡gaam Seled-aaq-llu tuqullruuq qetunrangevkenani.

³¹Appaim-aaq atakellrua Ishi-m, Ishi atakellrua Sheshan-am, Sheshan-aaq-llu atakluku Ahlai-am.

³²Jada, anelgutii Shammai-am, malrugnek qetunrangqellruuq, Jether-ankugnek, Jonathan-aaq-llu, tau͡gaam Jether-aaq tuqullruuq qetunraunani.

³³Jonathan-aaq qetunrangqellruuq malrugnek, Peleth-ankugnek, Zaza-llu. Ukut tamalkuita kinguveqellrui Jerahmeel-am.

³⁴Sheshan-aq qetunraitellruuq, kiingan tau͡gaam panigluni. Egypt-aarmiumek pistengqellruuq aterluni Jarha-mek,

³⁵tuavet tunellrua panimi iliit kassuutelluku. Qetunranguk-llu Attai-amek-llu acirluku.

³⁶Ilakellriit kinguvallrat Attai-amek ayagluni Elishama-mun waten ayuquq: Attai-aq, Nathan-aaq, Zabad-aq,

³⁷Ephlal-aaq, Obed-aaq,

³⁸Jehu, Azariah,

³⁹Helez-aaq, Eleasah,

⁴⁰Sismai-aq, Shallum-aaq,

⁴¹Jekamiah-nkuk-wa Elishama-llu.

⁴²Amaqlikacagiit qetunrain Caleb-aam, Jerahmeel-am anelgutii atengqertuq Mesha-mek. Mesha atakellrua Ziph-am, tauna-llu atakluku Mareshah-m, ellii-llu Hebron-aam atakluku.

⁴³Hebron-aaq qetunrangqellruuq cetamanek: Korah, Tapuah, Rekem-aaq, Shema-llu.

⁴⁴Shema atakaa Raham-aam apa'urluqluku-llu Jorkeam-aam. Rekem-aaq Shema-m anelgutii, atakellrua Shammai-am,

⁴⁵ellii atakluku Maon-am, ellii-llu una atakluku Bethzur-aam.

⁴⁶Caleb-aaq nuliaruangqellruuq Ephah-mek, elliikun-llu pingayunek cali qetunrangellruluni: Haran-aaq, Moza, Gazez-aaq-llu. Haran-aaq-llu cali qetunrangqellruuq Gazez-amek.

⁴⁷(Angun at'lek Jahdai-amek arvinlegnek qetunrangqellruuq: Regem-aaq, Jotham-aaq, Geshan-aaq, Pelet-aaq, Ephah, Shaaph-a-llu.)

⁴⁸Caleb-aaq cali allamek nuliaruangqellruuq, Maacah-mek, irniluni-llu malrugnek qetunrangevkarluku, Sheber-aakugnek Tihanah-llu.

⁴⁹Kinguani cali tamatum malrugnek qetunrangellruuq: Shaaph-aamek, ayagnirtellranek nunacuaraam Madmannah-m; Sheva-mek-llu, ayagnirtellragnek nunacuaraak Machbenah-nkuk Gibea-m-llu. Ilanglutek-llu, Caleb-aaq paningluni aterluni Achsah-mek.

⁵⁰Makut kinguveqai Caleb-aam. Qetunrai Hur-am yung'eqaarraarutiin Ephrathah-m; Shobal-aaq atii Kiriathjearim-aam,

⁵¹Salma-q atii Bethelehem-aam, Hareph-aaq-llu atii Bethgader-am.

⁵²Shobal-aaq atii Kirathjearim-aam allanek qetunrangqertuq; Haroeh-q avekluku Menuhoth-am.

⁵³Ilai-llu Kiriathjearim-aam; Ithrite-at, Puthite-at, Shumathite-at, Mishraite-at-llu; makunek taigut Zorathite-at Eshtaolite-at-llu.

⁵⁴Qetunrani Salma-m; Bethlehem-aaq, Netophatite-aaq, Atroth Beth Joab-aaq, avgit-llu Manahathite-at, Zorite-at.

⁵⁵(Ilait-llu igatulit uitalriit Jabez-aami; Tirathite-at, Shimeathite-at, Sucathite-at-llu. Makut Kenite-augut taillret Hammath-aamek, atiitnek enelgutkellriartain Rechab-am.)