Read Yupik 1 Chronicles 25 Bible Online

1 Chronicles 25 - Yupik bible

1 Chronicles 25

¹David-aaq ciulirneri-llu agayullrata allakaumalriit-llu kevgauluteng ilait qetunrain Asaph-aam, Heman-aam-llu, Jeduthun-aam-llu, tauna nallunairituarkaulria qelutelegteggun, qantarngalngurteggun-llu.

²Qetunraikun Asaph-aam: Zaccur-aq, Joseph-aaq, Nathaniah, Asharelah-llu, qetunrai Asaph-aam, ayuqucirtullratun-llu Asaph-aam, nallunairillrem ayuqucirtuutiikun angayuqam.

³Jeduthun-aamek, qetunrai Jeduthun-aam: Gedaliah, Zeri, Jeshaiah, Shimei, Hashabiah, Mattithiah-llu, arvinelguluteng (6) eluciliumaluki atiita Jeduthun-aam, nallunairitulim tengtengaatgun quyaluni nanrarluni-llu ATANERMUN.

⁴Heman-aamek, qetunrai Heman-aam: Bukkiah, Mattaniah, Uzziel, Shebuel Jerimoth-aaq-llu, Hananiah, Hanani, Eliathah, Giddalti, Romamtiezera-q-llu, Joshbekashah, Mallothi, Hothir, Mahaziaoth.

⁵Tamalkuita makut qetunraqai Heman-aam angayuqam murilkestiin, maliggluku akqutii Agayutem naluumasqelluku ellii; tua-i Agayutem cikillruaku Heman-aaq akimiarunrita'arnek (14) qetunrarkainek pingayunek-llu (3) panigkainek.

⁶Tamarmeng aciantut ayuqucirtuutain aturcetaaryarami eniini Agayutem. Asaph-aaq, Jeduthun-aaq, Heman-aaq-llu aciantut picirkiutain angayuqam.

⁷Ilakluteng ellait ilakluki-llu anelguteteng, elitnaurumalriit aturyaramek ATANERMUN, tamarmeng elisngalriit, amllertaut yuinaat qulen yuinaat-llu cetaman pingayunlegnek cipingaut (288).

⁸Aternek-llu tegulluteng caliarkameggnek piut, mikellriit angelriit, elitnauristet elitnaurait-llu ayuqluteng.

⁹Ciuqliq tegutellrat tut'uq Asaph-aamun Joseph-aamun; tunglia-llu Gedaliah-mun, elliinun, anelgutainun qetunrainun-llu, qula malrugnek cipingalrianun (12);

¹⁰pingayuat-llu Zaccur-aamun, qetunrainun anelgutainun-llu qula malrugnek cipnelegnun (12);

¹¹cetamiit-llu Izri-mun, qetunrainun, anelgutainun qula malrugnek cipnelegnun (12);

¹²tallimiit-llu Nethaniah-mun, anelgutainun qetunrainun-llu qula malrugnek cipingalrianun (12);

¹³arvinelgat-llu Bukkiah-mun, qetunrainun anelgutainun-llu qula malrugnek cipnelegnun;

¹⁴malrunelgat-llu Jesharelah-mun, qetunrainun anelgutainun qula malrugnek cipnelegnun (12);

¹⁵pingayunelgat-llu Jeshaiah-mun, qetunrainun anelgutainun qula malrugnek cipnelegnun (12);

¹⁶qulngunritariit-llu Mattaniah-mun, qetunrainun anelgutainun qula malrugnek cipnelegnun (12);

¹⁷qulngurutiit-llu Shimei-amun, qetunrainun anelgutainun qula malrugnek cipnelegnun (12);

¹⁸qula ataucimek cipnerat (11) Azarel-aamun, qetunrainun anelgutainun-llu qula malrugnek cipnelegnun (12);

¹⁹qula malrugnek cipnerat (12) Hashabiah-mun, qetunrainun anelgutainun-llu;

²⁰qulem cipnerin pingayuatnun, Shubael-aaq, qetunrai anelgutai-llu malrugnek cipnelget;

²¹akimiarunritariitnun, Mattithiah-q, qetunrai anelgutai-llu qula malrugnek cipnelget;

²²akimiaratnun Jeremoth-aaq, qetunrai anelgutai-llu qula malrugnek cipingalriit;

²³akimiaq ataucimek cipnerat, Hananiah-mun, qetunrainun anelgutainun, qula malrugnek cipnelegnun;

²⁴akimiaq malrugnek cipneratnun, Joshbekashah-q, qetunrai anelgutai-llu qula malrugnek cipnelget;

²⁵akimiaq pingayunek cipluku (18), Hanani-mun, anelgutainun-llu qula malrugnek cipnelegnun (12);

²⁶yuinaunritariitnun (19), Mallothi-mun, qetunrainun anelgutainun-llu qula malrugnek cipnelegnun (12);

²⁷yuinaurutiitnun, Eliathah-mun, qetunrainun anelgutainun-llu qula malrugnek cipnelegnun;

²⁸yuinaq ataucimek cipneratnun, Hothir-aamun, qetunrainun anelgutainun-llu qula malrugnek cipnelegnun;

²⁹yuinaq malrugnek cipneratnun (22), Giddalti-mun qetunrainun anelgutiinun-llu qula malrugnek cipnelegnun (12);

³⁰yuinaq pingayunek cipluku (23), Mahazi-oth-aamun, qetunrainun anelgutainun-llu qula malrugnek cipnelegnun (12);

³¹yuinaq cetamanek cipluku (24), Romamtiezer-aamun, qetunrainun anelgutainun-llu qula malrugnek cipnelegnun (12).