Read Yupik 1 Chronicles 4 Bible Online

1 Chronicles 4 - Yupik bible

1 Chronicles 4

¹Qetunrai Judah-m; Pedrez, Hezron, Carmai, Hur, Shobal-aq-wa.

²Reaiah qetunraa Shobal-am, atakluku Jahatham, Jahath-aaq-llu atakluku Ahumai-m, Lahadam-llu. Makut yuungnaqellriartaqait Zoathite-at.

³Makut-llu qetunraqai Eam-am; Jezreel, Ishma, Idbash-aaq-llu; nayagiit-llu atengqerrluni Hazzelelponi-mek,

⁴Panuel-aaq-llu atakluku, Gedor-am Eser-aaq-llu atakluku Hushah-m.

⁵Ashur-aaq, atii Tekoa-m, malrugnek nuliarluni, Helah-mek Naarah-mek-llu;

⁶Naraah-mi qetunrangqellruuq Ahuzzam, Hepher, Temeni, Haahashtari-llu. Makut qetunraqai Naarah-m.

⁷Qetunrai Helah-m; Zereth, Izhar, Ethan-aaq-llu.

⁸Kozaq atakaa Anub-aam, Zobebah, yuungnaqellgutai-llu Aharhel-aam qetunraan Harum-aam.

⁹Jabez-aaq takarnarqenrullruuq anellgutmini; aaniin-llu aterpagtalaraa Jabez-aamek, qanerluni, “Irniangellruama nangteqlua.”

¹⁰Jabez-aam qayagauraa Agayutiit Israel-aat, qanerluni, “Ataki elpet atawaqercessnga nunauteka-llu angtucarluku, unatvet-llu pillguciumalitnga, camun-llu pivkaryaqunii akngircuaraanga!” Agayutem-llu niitaa kaigatiinek.

¹¹Chelub-aaq, anelgutii Shuhah-m, atakellrua Mehir-am, tauna atakellruluku Eshton-aam.

¹²Eshton-aaq-llu atakluku Bethrapha-m, Paseah, Tehinnah-llu ataklukek Irnahash-am. Makut angutekai Recah-m.

¹³Qetunrai Kenaz-aam; Othniel, Seraiah-llu; qetunrai-llu Othniel-aam; Hathath, Meonathai-aq-llu.

¹⁴Meonathai-aq atakellrua Ophrah-m. Seraiah-llu atakluku Joab-am, atiin Geharashim-aam, tuaten aterpagcimaluteng munalriaruata.

¹⁵Qetunrai Caleb-aam qetunraan Jephuuneh; Iru, Elah, Naam-aq-wa; qetunraa-llu Elah-m; Kenaz-aaq.

¹⁶Qetunrai Jehallelel-aam; Ziph, Ziphah, Tiria, Asarel-aaq-llu.

¹⁷Qetunrai Ezrah-m; Jether, Mered, Epher, Jalon-aaq-llu. Makut qetunraqai Bithiah-m, panian Pharaoh-m, Merek-aam nuliqsagutellran; tauna qingarluni qetunrangellruuq Miriam-aamek, Shammai, Ishbah-mek-llu, atiinek Eshtemoa-m.

¹⁸Nulirra Jews-aaq qetunrangellruuq Jered-aamek, atiinek Gedor-am, Heber-aaq atii Soco-m, Jekuthiel-aam-llu atiin Zanoah-m.

¹⁹Qetunrai nulirran Hodiah-m, nayagaan-llu Nahum-aam, atakait Keilah-m, Garmite-am, Eshtemoa-m-llu Maacathite-am.

²⁰Qetunrai Shimon-am; Amnon, Rinnah, Benhanan, Tilon-aaq-llu. Qetunrai Ishi; Zoheth, Benzoheth-aaq-llu.

²¹Qetunrai Shelah-m qetunraan Judah-m; Er-aq atii Lecah-m, Laadah-q atii Mareshah-m, ilakuralriarit-llu eniita 'lumarralistet Bethashbea-mi;

²²Jokim-aaq angutai-llu Cozeba-m, Joash-nkuk-llu, Saraph-aaq-llu, ataniullrek Moab-ami uterrlutek-llu Lehem-aamun (watua igausngalriit ak'allaurtut).

²³Makut qikuliurten͞guut uitavikestekluki Netaim Gederah-m-llu; uitaut tuani ilakluku angayuqaq caliara pitekluku.

²⁴Qetunrai Simeon-aam; Nemuel, Jamin, Jarid, Zerah, Shaul;

²⁵Shallum-aaq qetunraa, Mebsam-aam qetunraa, Misham qetunraa.

²⁶Qetunrai Mishma-m: Hammuel-aaq qetunraa, Zaccur-aaq qetunraa, Shemei-aq qetunraa.

²⁷Shimei-aq akimiaq ataucimek cipluku qetunrangqertuq arvinlegnek-llu panigluni; tau͡gaam anelgutai irnialinritut, wall'u ilakuralriartait amllerillrunritut angutaitun Judah-m.

²⁸Taukut uitallruut Beersheba-mi Moladah, Hazarshual,

²⁹Bilhah, Ezem, Tolad.

³⁰Bethuel, Hormah, Ziglak,

³¹Beth Marcaboth, Hazarsusim, Bethviri, Shaaraim-llu. Makut taukut nunarpakellruit David-aaq angayuqaurrnatkaanun.

³²Nunarrait-llu makuugut, Etam, Ain, Rimmon, Tochen, Ashan-aaq-llu, tallimauluteng nunarpiit.

³³Ilakluki nunarraat avatiitnelnguut makut nunarpiit tekilluku Baal-aq. Makut nunaksagutelqait, calteng-llu tamalkuita igausngaluki kalikarnun.

³⁴Mesobab, Jamlech, Josiah qetunraa Amaziah-m,

³⁵Joel-aaq, Jehu qetunraa Joshbiah, qetunraa Seraiah-m, qetunraa Asiel-aam,

³⁶Elioenai, Jaalobah, Jeshohaiah, Asaiah, Adiel, Jesimiel, Benaiah,

³⁷Ziza qetunraa Shiphi-m qetunraa Allon-aam, qetunraa Jedaiah, qetunraa Shemaiah—

³⁸makut aterpagtaumalriit takarnarqellriartaqait enelgutaita, ataita-llu enait angliriut cakneq.

³⁹Ayagtut-llu iteryaraanun Gedor-am, calaralirneranun kuignayuum yuarluteng maranek katngauteteng pitekluki.

⁴⁰Tamaani nataqutut canlilriamek assilriamek maramek, nuna cakneq iqtuluni, nepaunani qinuunani; ciungani uitavikestellri Ham-amun pillguciusngallruut.

⁴¹Makut igaucimalriit at'megteggun, taillruut erenrini Hezekiah-m angayuqran Judah-m, piunrillruit pelatekateng eneteng-llu tamaani uitaqallret, qimagtelluki-llu anevkarluki man'a erneq tekilluku, nunaliluteng-llu kingunratnun, tua-i-wa marartangqerran tamana uitavigkaitnek katngautaita.

⁴²Ilait-llu, tiissitsaam avga (500) angutet Simeonite-at, ayagtut ingrimun Seir-amun, ciuliqagtengqerrluteng Pelatiah, Neariah, Rephaiah, Uzziel-aaq-llu qetunrai Ishi-m.

⁴³Piunrirtait-llu uitaqallret ilait Amalekite-at qimakallret, tamaani-llu uitaluteng man'a erneq engelkarrluku.