Read Yupik 1 Chronicles 5 Bible Online

1 Chronicles 5 - Yupik bible

1 Chronicles 5

¹Qetunrai Reuben-aam yung'eqaarraarutiin Israel-aam (tua-i yung'eqarraarutnguuq; taugaam atami arnautain iliit akusrarutekellruamiu, paitarkaa tunumallruuq qetunraanun Joseph-aam qetunraan Israel-aam, taumek ellii igausnganrituq igausngaviitni pitekluku paitarkaa;

²ping'e'rmi Judah pininrurtuq anelgutmini takarnarqut'lek-llu elliinek pimaluni, tau͡gaam paitarkaa Joseph-aamun pimaluni),

³qetunrai Reuben-aam, yung'eqaarraarutiin Israel-aam; Hanoch, Pallu, Heron, Carmi-llu.

⁴Qetunrai Joel-aam; Shemaiah, qetunraa, Gog-aq qetunraa, Shimei,

⁵Micah, Reaiah, Baal,

⁶Beerah-wa, taum Tilgath-pilneser-aam atanerruara Assyria-m ayautellrukii pektaullerkaanun; ellii atanekuyugtaqellruat Reubenite-at.

⁷Ilain-llu angayuqamegteggun, igausngallrat kinguveqlermegteggu naaqumarian; ciulirnerulria Jeiel-aaq, Zachariah-llu,

⁸Bela-llu qetunraa Azaz-aam, qetunraa Shema-m qetunraa Joel-aam, tauna uitallruluni Aroer-aami, tekilluku Nebo-q Baalmeon-aaq-llu.

⁹Ellii-llu uitalartuq calaralirneqvani tekilluku iteryaraa carr'ilqam ukalirnerani Kuigem Euphrates-aam, tua-i-wa kuluvautait amllerillruameng nuniini Gilead-aam.

¹⁰Erenrini-llu Saul-aam anguyautellruut Hagrite-anun tamakut tuqurqellruit unatmegteggun; uitaluteng-llu pelatekaitni tamalkuan nunami calaralirnerani Gilead-aam.

¹¹Qetunrai Gad-am uitaut akmatiitni inglukluki nunami Bashan-aami tekilluku Salecah-q;

¹²Joel-aaq ciulirneq, Shapham-aq-wa tunglia, Janai-aq Shaphat-aaq-llu Bashan-aami.

¹³Tungelqurrit-llu atamegteggun; Michael, Meshullam, Sheba, Jori, Jacan, Zia, Eber-aaq-llu malrunelguluteng.

¹⁴Makut qetunraqai Abihail-aam qetunraan Hurim, qetunraan Jaroah-m, qetunraan Jahdom, qetunraan Buz-am.

¹⁵Ahi-aq qetunraa Abdiel-aam, qetunraan Guni-m ciulirneruuq atami enaini;

¹⁶Uitaut-llu Gilead-aami, Bashan-aami nunarpaini-llu, tamalkuitni-llu maralegtaini Sharon-aam ellaita engeleksukmeggnun.

¹⁷(Tamarmeng makut naaqutnguut ciuliamegteggun erenrini Jotham-aam angayuqran Judah-m, erenrini-llu Jeroboam-aam angayuqrata Israel-aat.)

¹⁸Ilakellgutkellriarini Reuben-aam, Gad-am, East Manasseh-m-llu pinilrianek angutengqertut, tegumialegnek capkutanek nuussirpagnek-llu, pitgaraqluteng-llu urluverteggun, piqayulriit anguyautmi, yuinaak malruk cetamanek cipluku tiissitsaat tiissitsaam-llu avga yuinarnek qula arvinlegnek-llu tiissitsaam-llu avga yuinarnek qula arvinlegnek-llu cipluku (44,760), upingalrianek anguyautellerkameggnun.

¹⁹Anguyautut-llu Hagrites-aanun, Jetur-aamun, Naphish-aamun, Nodab-amun-llu;

²⁰ikayunga'artellermeggni-llu inglulirluki tamakut, Hagrite-at tamarmeng-llu pillgucirtait tunumallruut unataitnun, tua-i qayagiimeng Agayutmun callullermeggni, piyullratnek-llu niitai kaigataitnek tua-i-wa cacetuqutekngatni ellii.

²¹Ayautait-llu ungungssiutait: yuinaak malruk qulmek cipluku tiissitsaat (50,000) qulugnelget, yuinaat-llu qulen yuinaak-llu malruk qulnek cipluku tiissitsaat (250,000) qusngiyagaat, tiissitsaak-llu malruk (2,000) ciulviit, yuinaat-llu talliman tiissitsaat (100,000) angutet unguvaluteng.

²²Tua-i amlleret iqullruut tuquluteng, tua-i-wa anguyautellrat Agayutmek pian. Uitaut-llu nunaitni pektaullerkameggnun.

²³Yui East Manasseh-m nunalgartut nunautiini. Bashan-aam yaaqvaq neglirneq tekilluku Baal Hermon-aaq, Senir-aaq, Ingriq-llu Mount Hermon-aaq, yui-llu cukamek amllerriut.

²⁴Makut ataita enaita ciulirneqait: Epher, Ishi, Eliel, Azriel, Jeremiah, Hodaviah, Jahdiel-aaq-llu, anguyagturnilriit, tangluaqaumalriit, ciulirnerit ataita enaita.

²⁵Tau͡gaam assiilngirtut Agayutiitnun atameng, agturalluteng akissunun agayutaitnun-llu nunam yuin, Agayutem piunrillrin ciuqameggni.

²⁶Tua-i Agayutiita Israel-aat akutaa anernera Pul-am angayuqran Assyria-m (cali atran aipaakun piaqluku Tilgath-pilneser-aamek) curuusqelluku nuniit. Ayautai-llu ilakellgutkellriari Reuben-aam, Gad-am, East Manasseh-m-llu nunalgartelluki-llu upanqiggngaunaki Hala-mun, Habor-aamun, Hara-mun-llu, canianun-llu Gozan-aam kuigan.