Read Yupik 1 Chronicles 6 Bible Online

1 Chronicles 6 - Yupik bible

1 Chronicles 6

¹Qetunrai Levi-am: Gershon-aaq, Kohath-aq, Merari-llu.

²Qetunrai Kohath-am; Amram-aaq, Izhar-aq, Hebron-aaq, Uzziel-aaq-llu.

³Irniari Amram-aam: Aaron, Moses, Miriam-aaq-wa. Qetunrai Aaron-aam: Nadab-aq, Abihu, Eleazar-aaq, Ithamar-aq-llu.

⁴Eleazar-aaq atakaa Phinehas-aam, Phinehas-aaq-llu Abishua-m,

⁵Abishua-llu Bukki-m, Bukki-llu Uzzi-m,

⁶Uzzi-llu Zerahiah-m, Zerahiah-llu Meraioth-aam.

⁷Meraioth-aaq-llu Amariah-m, Amariah-llu Ahitub-aam,

⁸Ahitub-aaq-llu Zadok-am, Zadok-aaq-llu Ahimaaz-am,

⁹Ahimaaz-aq-llu Azariah-m, Azariah-q-llu Johanan-aam,

¹⁰Johanan-aaq-llu Azariah-m, (taunguuq kevgiulleq agayulirten͞guluni eniini Solomon-aam piliaqumalriami Jerusalem-aami).

¹¹Azariah-q qetunraqaa Amariah-m Amariah-q-llu Ahitub-aam,

¹²Ahitub-aaq Zadok-am, Zadok-aaq-llu Shallum-aam,

¹³Shallum-aaq-llu Hilkiah-m, Hilkiah-q-llu Azariah-m,

¹⁴Azariah-q-llu Seraiah-m, Seriah-q-llu Jehozadak-aam,

¹⁵Jehozadak-aaq-llu ayallruuq pektaurrluni ATANREM ayagcetellrani Judah Jerusalem-aaq-llu pektaulukek unataikun Nebuchadnezzar-aam.

¹⁶Levi-aq pingayunek qetunrangqellruuq: Gershon-aaq, Kohath-aq, Merari-llu.

¹⁷Tamarmeng-llu qetunrangqellruluteng. Gershon-aaq atakluku Libni-nkuk Shimei-llu;

¹⁸Kohath-am atakluku Amram, Izhar-am, Hebron-aam, Uzziel-aam;

¹⁹Merari-llu atakluku Mahli-nkuk Mushi-llu.

²⁰Ukut kinguveqai Gershon-aam kinguvalriit: Libna, Jahath-aq, Zimmah,

²¹Joah, Iddo, Zerah, Jeatherai-aq.

²²Ukut kinguveqai Kohath-am kinguvalriit: Amminadab-aaq, Korah, Assir-aaq,

²³Elkanah, Ebiasaph-aq, Assir-aaq,

²⁴Tahath, Uriel-aaq, Uzziah, Shaul-aaq.

²⁵Elkanah malrugnek qetunrangqellruuq, Amasai-ankugnek Ahimoth-aaq-llu.

²⁶Ukut Ahimoth-aam kinguveqai kinguvalriit: Elkanah, Zophai-aq, Nahath-aaq,

²⁷Eliab-aaq, Jeroham-aq, Elkanah-llu.

²⁸Samuel-aaq malrugnek qetunrangqellruuq: Joel-aaq, anngaqliq, Abijah-llu, uyuraa.

²⁹Ukut kinguveqai Merari-m kinguvalriit: Mahli, Libni, Shimei-aq, Uzzah-llu.

³⁰Shimea, Haggiah, Asaiah-llu.

³¹Ukut angutet Atanrem David-aam ellillrui ciuliqagten͞gusqelluki aturcetaanun agayuvigmi Jerusalem-aami kinguani Akqutem Yaassiigan tuavet taicimallran kinguani.

³²Pitaarluteng kevgiulartut Pelatekami ATANREM elpegnaqluni uitaviani ciungani Angayuqam Solomon-aam naupailgaku Agayuvigpak.

³³Ilakellriit kinguvalriit tuani calillret waten ayuqut: Tungayakellriarinek Kohath-am: Heman-aaq, ciuliqagtiit ciumek aturtet, qetunraqellrua Joel-aam. Nakmiin ilain tungliqutaciat ak'a avaken Jacob-aamek ayagnillruut waten: Heman-aaq, Joel-aaq, Samuel-aaq,

³⁴Elkanah, Jeroham-aq, Eliel-aaq, Toah,

³⁵Zuph-aq, Elkanah, Mahath-aq, Amasai-aq,

³⁶Elkanah, Joel-aaq, Azariah, Zephaniah,

³⁷Tahath-aaq, Assir-aaq, Ebiasaph-aq, Korah,

³⁸Izhar-aq, Kohath-aq, Levi-aq, Jacob-aaq.

³⁹Asaph-aaq ciuliqagtekellruat aipaingita aturtet. Nakmiin ilai ak'a avaken Levi-amek ayagnirluteng waten ayuqut: Asaph-aaq, Berechiah, Shimea,

⁴⁰Michael-aaq, Baaseiah, Malchijah.

⁴¹Ethni, Zerah, Adaiah,

⁴²Ethan-aaq, Zimmah, Shimei,

⁴³Jahath-aq, Gershon-aaq, Levi-aq.

⁴⁴Ethan-aaq ilakellriarinek Merari-m ciuliqagtekellruat pingasuingita aturtet. Nakmiin ilai ak'a avaken Levi-amek ayagnirluteng waten ayuqut: Ethan-aaq, Kishi, Abdi, Malluch-aaq,

⁴⁵Hashabiah, Amaziah, Hilkiah,

⁴⁶Amzi, Bani, Shemer-aaq,

⁴⁷Mahli, Mushi, Merari, Levi-aq.

⁴⁸Allat Levite-at cikiumaluteng allanek caliarkanek agayuvikelallratni.

⁴⁹Aaron-aankut kinguveni-llu ellilallruit elliitet puyiaraat elliitet-llu ekuagarkat ekuavigmi. Ellaita caliarkaqluku tamalkuan agayullrat Tanqinrulriami ekuagarkat-llu Agayutem aturluki Israel-aam assiilnguirutkai ilakluki. Makut atulallruit tamalkuita piciryarat alerquamacimegcetun Moses-aakun, Agayutem kevgaakun.

⁵⁰Wani-wa ukut kinguvallrat Aaron-aam kinguvrin: Eleazar-aaq, Phinehas-aaq, Abishua.

⁵¹Bukki, Uzzi, Zerahiah,

⁵²Meraioth-aaq, Amariah, Ahitub-aaq,

⁵³Zadok-aq, Ahimaaz-aq.

⁵⁴Una waniwa nuna allakaumalria kinguvrinun Aaron-aam tungayakellriarinek Kohath-am. Akurtullruut ciumek nunamek cikiutekumallermek Levite-anun.

⁵⁵Mat'um ilakaa Hebron-aaq nunautiini Judah-m maraq-llu nuna avatiini.

⁵⁶Tau͡gaam nauciriviit nunarraat-llu, nunarpiim pii cikiutekumallruut Caleb-aamun Jephunneh-m qetunraanun.

⁵⁷Qetunrainun Aaron-aam ellaitnun tunait nunarpiit cayailkuciumalriit; Hebron, Libnah marartuumaan, Jatir, Eshtemoa-llu marartuumaan.

⁵⁸Hilen-aaq marartuumaan, Debir-aaq-llu marartuumaan,

⁵⁹Ashan-aaq-llu marartuumaan, Bethshemesh-aaq-llu marartuumaan;

⁶⁰kinguvellgutkellriartainek-llu Benjamin-aam, Geba-q marartuumaan, Alemeth-aaq marartuumaan, Anathoth-aaq-llu marartuumaan. Tamalkuita-llu nunarpait tamalkuan tamaaken ilakuralriartait quyurmeng amllertaut qula pingayunek cipluku.

⁶¹Allanun-llu ilaitnun Kohathite-at tunumaut nall'arcetaarluki ilakuralriartait kinguvellgutkellriit avmegteggun-llu ilausngalriit avga Manasseh-m, qulen nunarpiit.

⁶²Gershomite-anun-llu ilakuralriartainun nall'arcetaarutkumaut qula pingayunek cipluku nunarpiit kinguvellgutkellriartainek Issachar-am, Asher, Naphtali, Manasseh-llu Bashan-aamelnguq.

⁶³Merarite-amun-llu cuqluki ilakuralriartait nall'arcetaarutkumaut qula malrugnek nunarpiit kinguvellgutkelriartainek Reuben-aam, Gad-aq Zebulun-aaq-llu.

⁶⁴Tua-i yuin Israel-aam cikirait Levite-at nunarpagnek marartuumaita.

⁶⁵Cikirmiit-llu cali nall'arcetaarluki kinguvellgutkellriartainek Judah-m, Simeon, Benjamin-aamek-llu makut nunarpiit aterteggun nallunairumaluteng.

⁶⁶Ilait-llu ilakuralriartai qetunrai Kohath-am nunarpautengqertut nunameggni kinguvellgutkellriartainek Ephraim-aam.

⁶⁷Cikiumallruut nunarpagnek cayailkuciumalrianek; Shechem-aamek marartuumaan ingringqellrani Ephraim-aam, Gezer-aamek-llu marartuumaan.

⁶⁸Jokmeam-aamek marartuumaan, Bethoron-aamek-llu marartuumaan,

⁶⁹Aijalon-aamek marartuumaan, Gathrimmon-aamek-llu marartuumaan,

⁷⁰Avmegteggun-llu kinguvellgutkellriartainek Manasseh-m, Aner-aamek marartuumaan, Bileam-aamek marartuumaan, ilatiinun kinguvellgutkellriartain Kohathite-at.

⁷¹Gershomite-at-llu cikiumaut waken avmegteggun ilausngalriartainek Manasseh-m; Golan-aamek Bashan-aamelngurmek marartuumaan Astaroth-aamek-llu marartuumaan.

⁷²Kinguvellgutkellriartainek-llu Issachar-am; Kadesh-aamek marartuumaan, Daberath-aamek-llu marartuumaan,

⁷³Ramoth-aamek marartuumaan, Anem-aamek-llu marartuumaan.

⁷⁴Kinguvellgutkellriartainek-llu Asher-aam, Mashal-aamek marartuumaan, Abdon-aamek marartuumaan,

⁷⁵Hukok-aamek marartuumaan Rehob-amek-llu marartuumaan.

⁷⁶Kinguvellgutkellriartainek-llu Naphtali-m; Kedesh-aamek Galilee-amelngurmek marartuumaan, Hammon-aamek-llu marartuumaan, Kiriathaim-amek-llu marartuumaan.

⁷⁷Allanun-llu Merarite-anun nall'arcetaarutkumaut waken kinguvellgutkellriartainek Zebulun-aam; Rimmon-aaq marartuumaan, Tabor-aaq marartuumaan.

⁷⁸Yaatiini-llu Jordan-aam Jericho-q, calaralirnerani Jordan-aam, kinguvellgutkellriartai Reuben-aam; Bezer-aaq manikapiaralriami marami neqkautellegmi tamalkuan, Jahzah-q-llu marartuumaan,

⁷⁹Kedemoth-aaq marartuumaan, Mephaatha-q-llu marartuumaan.

⁸⁰Kinguvellgutkellriarinek-llu Gad-am; Ramoth-aaq Gilead-aamelnguq marartuumaan, Mahanaim-aq marartuumaan,

⁸¹Heshbon-aaq marartuumaan, Jazer-aaq-llu marartuumaan.