Read Yupik 1 Chronicles 9 Bible Online

1 Chronicles 9 - Yupik bible

1 Chronicles 9

¹Tua-i tamarmeng Israel-aat naaqumaut nauvimegteggun; makut-llu igausngaluteng Kalikaitni Atanrita Israel-aat. Judah-llu tegumallruluni pektaullerkaanun Babylon-aami tua-i-wa pektayiitenriluciat pitekluku.

²Wani-wa ataam uitaqarraallret cautmeggni nunameggni-llu Israel-aaruut, agayulirtet, Levite-at, agayuvigmi-llu pistet.

³Ilait yukluki Judah-m, Benjamin-aam, Ephraim-aam, Manasseh-m-llu uitallret Jerusalem-aami.

⁴Uthai-aq qetunraa Ammihud-aam, qetunraa Omri-m, qetunraan Imri-m, qetunraan Bani-m, tuaken qetunrainek Perez-aam qetunraan Judah-m.

⁵Shilonite-anek-llu; Asiah yung'eqarraarutii, qetunraqluku.

⁶Qetunrainek-llu Zerah-m, Jeuel tungelqurrit-llu, yuinaat talliman yuinaat-llu qulngunritaraat qulmek cipluku (690).

⁷Benjaminite-anek-llu; Sallu qetunraa Meshullam-aam, qetunraan Hodaviah-m, qetunraan Hassenuah-m.

⁸Ibneiah qetunraa Jeroham-am, Elah qetunraa Uzzi-m, qetunraan Michri-m, qetunraan Mesgullam-aaq-llu qetunraa Shephatiah-m, qetunraan Reuel-aam, qetunraa Ibanijah-m.

⁹Tungelqurrit-llu maliggluku kinguvequciat, tiissitsaam avga yuinaat-wa yuinaq akimiaq ataucimek cipluku (956). Tamarmeng makut ciuqliugut atameng enaitni cuqekluki atameng enait.

¹⁰Ukut agayulirtet Jerusalem-aarmiungullruut: Jediah, Jehoiarib, Jachin,

¹¹Azeriah-llu qetunraa Hilkiah-m, qetunraan Meshullam-aam, qetunraan Zadok-am, qetunraan Meraioth-aam qetunraan Ahitub-aam, atanerruat atanerruarata eniini Agayutem;

¹²Adaiah-llu qetunraa Jeroham-aam, qetunraan Pashhur-aam, qetunraan Malchijah-m, Maasai qetunraa Adiel-aam, qetunraan Jahzerah-m, qetunraan Meshullam-aam, qetunraan Meshillemith-aam; qetunraan Immer-aam.

¹³Avatiitgun tungelqumeng, ciulirnerita-llu enain atameng, atauciq tiissitsaaq tiissitsaam-wa avga yuinaat-llu qula pingayunek cipluku (1,760), cakneq piyugngalriit angutet calillerkameggnun eniini Agayutem.

¹⁴Ukut-llu Levite-at Jerusalem-aarmiungullruut: Shemaiah, qetunraa Hasshubaam-aam, qetunraan Azrikam-aam, qetunraan Hashabiah-m, qetunrainek Merari-m

¹⁵Bakbakkar-aaq-llu, Haresh, Galal, Mattaniah-aaq-llu, qetunraa Mica-m, qetunraa Zichri-m, qetunraan Asaph-aam

¹⁶Obadiah-llu qetunraa Shemaiah-m, qetunraan Halal-am, qetunraa Jeduthun-aam, Berechiah-q-llu qetunraa Asa-m, qetunraan Elkanah-m, uitallret nunarraitni Netophathites-aat.

¹⁷Iteryarat qaunqestait makuugut; Shullam-aaq, Akkub, Talmon, Ahiman, tungelqurrit-llu (Shullam-aaq ciuqliuluni).

¹⁸Elkarcimaluteng angayuqam iteryaraanun calaralirnermi. Makut iteryarat qaunqestekait uitaviata Levite-at.

¹⁹Shullam-aaq qetunraa Korem, qetunraan Ebiaseph-aam, qetunraan Korah-m, tungelqurri-llu atiin enainek, Korathite-at murilkesten͞gulteng calistaitnun iteryaraita pelatekat, atameng pilallruciicetun murilkesten͞guluteng uitauviani ATANREM, murilkesten͞guluteng iteryarainun.

²⁰Phinehas-aaq-llu qetunraa Eleazar-aam picirkiristen͞guluni tamakunun pellullermi; ATANREM-llu nayullruluku.

²¹Zachariah qetunraa Meshelemiah-m qaunqesten͞guluni iteryaraanun pelatekam quyurrviim.

²²Tamarmeng makut cucukumalriit tarikesten͞guluteng iteryaraanun. Pitaut yuinaat qulen qula-llu malrugnek cipluku (212). Naaqumaluteng-llu ciuliamegteggun nunarraitni. David-aankuk Samuel-aaq-llu murilkestem elkartellrukek calivimeggnun nallunritesten͞gusqellukek.

²³Tua-i ellait elkarcimaut qaunqesten͞guluteng iteryarainun eniin ATANREM, imuuluni uitavik pelatekaat qaunqestet.

²⁴Iteryarat qaunqestait uitaluteng cetamani avataini, calaralirnermi, kanavalirnermi, neglirnermi, ungalalirnermi-llu.

²⁵Tungelqurrit-llu nunaitni uitalriit tailararkauluteng tamalkuitni ernerni malrunlegni pirrlainarpek'nateng, uitallgutkeqeryarturluki makut.

²⁶Ukut-llu cetaman quyinrulriit iteryarat qaunqestait murilkelarait uitaviit akiutai-llu eniin Agayutem.

²⁷Inartelartut-llu avatiinun eniin Agayutem; ellaitnun-wa tusngavkaumiimi murilkurallerkaat, ellaita-llu caliarkaqluku ikirtelallerkaa unuakut tamalkuita.

²⁸Ilait caliarkicimaut murilkesqelluki qantat atulaqait agayuaqameng, pisqumiimeng naaqelararkauluki anutaqateki itrutaqatki-llu.

²⁹Allat ilait elkaringaut calissuutnun, tamalkuitnun-llu tanqilrianun calissuutnun, mukaamun-llu, wine-anun, uqunun, aruvagkanun, avukucimalrianun-llu.

³⁰Allat qetunrait agayulirtet upcilartut avukutarkanek ayuqenrilngurnek.

³¹Mattithiah-llu, iliit Levite-at, yung'eqarraarutii Shallum-aam Korahite-aq, qaunqesten͞guuq mamcartellrianek assaliisten̄un.

³²Cali-llu ilait tungelqurrita Korathite-at qaunqesten͞guut tangrrutnek kelipanek upcisten͞guluteng tamalkuita agayunret.

³³Wani-wa ukut aturten͞guut, atameng enaitni Levite-at, uitaluteng uitaviini agayuviim calingaunateng allanek caliarkanek, calivkaumalaameng unugtuumaan.

³⁴Makut ciuqliugut atameng enaini Levite-at, maligluki kinguveqellriit ciuliqagtait, uitallret Jerusalem-aami.

³⁵Gebeon-aami uitallruuq atii Gibeon-aam, Jeiel-aaq, nulirra-llu atengqerrluni Maacah-mek.

³⁶Yung'eqarraarutii atengqertuq Abdon, tua-llu Zur, Kish, Baal, Ner, Nadab,

³⁷Gedor, Ahio, Zachariah, Mikloth-aaq-llu;

³⁸Mikloth-aaq-llu atakluku Shimean-aam, makut-llu uitallruut amatiitni tungelqumeng Jerusalem-aami, tungelquteng ilakluki.

³⁹Ner-aq atakaa Kish-am, Kish-aaq-llu Saul-aam, Saul-aaq-llu Jonathan-aam, Malchishua-m, Abinadab-am, Eshbaal-am-llu.

⁴⁰Qetunraa-llu Jonathan-aam Meribbaal-auguq; Meribbaal-aaq-llu atakluku Micah-m.

⁴¹Qetunrai Micah-m; Pithon, Melech, Tahrea, Ahaz-aaq-llu;

⁴²Ahaz-aaq-llu atakluku Jarah-m, Jarah-m-llu Alemath-aaq, Azmaveth-aaq, Zimri-llu; Zivri-llu atakluku Moza-m.

⁴³Moza-llu atakluku Binea-m; Rephaiah-llu qetunraqluku elliin, Eleash-aq elliin qetunraa, Azel-aaq qetunraa.

⁴⁴Azel-aaq arvinlegnek qetunrangqertuq maa-i-llu atrit; Azrikam, Bocheru, Ishmael, Sheariah, Obadiah, Hanan-aaq-llu; makut qetunraqai Azel-aam.