Read Yupik 2 Chronicles 14 Bible Online

2 Chronicles 14 - Yupik bible

2 Chronicles 14

¹Tua-i Abijah yuunrirtuq tungmagtaat-llu David-aam Nunarpiinun; qetunraa-llu Asa ataniurtuq kinguakun, ataniullran-llu nalliini nuna uitanqegciuq allrakuni qulni.

²Asa-llu calillruuq assilriamek ellualriamek-llu ATANREM Agayutmi tangvallrani.

³Au͡g'artellrui tekitaat ekuaviit agayutnguanun agayularviit, navgurluki-llu qigcignarqellriit teggalqut napalriit, piqertuarluku-llu iqulluku agayutnguaq Asherim-aaq.

⁴Alerqurluki-llu Judah-m yui maligtaqusqelluku pisqutii ATANREM, Agayutiita ciuliameng, niisngasqelluki-llu elitnaurutai pisqutai-llu.

⁵Antellrui-llu tamalkuitnek Judah-m nunarpainek agayutnguanun agayularviit aruviarviit-llu tepkegcilrianek, angayuqauvik-llu uitanqegcillruuq ataniullran nalliini.

⁶Pilillruuq-llu pengegyailkutkaitnek Judah-m nunarpain, qavcini-llu allrakuni anguyagtaitellruuq, tua-i-wa ATANREM cikillruani uitanqegcitmek.

⁷Qanertuq-llu Judah-m yuinun, “Naucilta makunek nunarpagnek, avapailicirluki-llu qacarnernek, enenek-llu qertulrianek, casgunek patuyugngalrianek avacirluki. Wangkuta nuna ataniumaarput, tua-i-wa ATANREM Agayutemta pisqutii maligtellruamteggun. Elliin cayailkuciumallruakut pengegnailkucirluta-llu cam tamarmi tungiinek.” Tua-i nauciut piluaqerluteng-llu.

⁸Asa-llu anguyagtengqellruuq yuinarnek akimiarnek tiissitsaanek (300,000) angutnek Judah-mek, caskungqerrluteng capkutanek narulkautnek-llu, cali-llu yuinarnek akimiarunrita'arnek tissiitsaanek (280,000) angutnek Benjamin-aamek, caskungqerrluteng capkutanek urluvernek-llu. Tamarmeng alinguraralriaruvkenateng, elluarrluteng elitnaurumalriit angutet.

⁹Ethiopian-aam Zerah-mek atellgem anguyagaa Judah anguyagterluni miilicaanek (1,000,000) akalrialegnek-llu pektessuutnek yuinarnek akimiarnek (300), tailuni-llu Mareshah tekilluku.

¹⁰Asa-llu an'uq callugyarturluku, caulluteng-llu nek'egtut Zephathah Valley-mi Mareshah-m canimelkiini.

¹¹Asa-llu piicagtuq ATANERMUN Agayutminun, “ATANEQ, allamek elpetun ayuqellriamek pitaituq ikayurtekaatnek pinilriit pinialnguut-llu. Ikayurkut, ATANEQ Agayutemtaa, elpet cacetuqutekngamteggen, aterpegun-llu taillruukut ingluliryarturluki ukut amlleqapigtellriit anguyagtet. ATANEQ, elpet Agayutkamteggen; kitumun yugmun cirlakevkaryaqunak.”

¹²Tua-i ATANREM cirlakai Ethiopian-aat anguyagtet Asa-m Judah-m-llu anguyagtain curukallratki. Taukut-llu qimagtut,

¹³Asa-m-llu anguyagten̄i-llu maligtait Gerar-aq tekilluku, amlleret-llu Ethiopian-aat tamaq'apiarmeng cirlakumaut iliitnek unguvalriartairulluni. Cirlakumaluteng ATANERMEK anguyagtainek-llu, anguyagtet-llu tegutut amllellrianek uayaaqenganek.

¹⁴Piunrircugngallruit-llu tamalkuita nunarpiit avatiinelnguut Gerar-am, tua-i-wa alikngatgu ATANEQ. Uayaarait-llu tamalkuita nunarpiit tegulluteng-llu amllernek uayaaqenganek.

¹⁵Cali-llu curugait qusngiliurtet pelateka'arviit, tegulluteng-llu amllernek qusnginek qulugtellrianek-llu ungungssinek. Tua-llu utertut Jerusalem-aamun.