Read Yupik 2 Chronicles 3 Bible Online

2 Chronicles 3 - Yupik bible

2 Chronicles 3

¹Angayuqam David-aam, Solomon-aam atiin, ak'a uptellruluku Agayuvigpiim nani uitallerkaa. Jerusalem-aami Mount Moriah-mi, tuani ATANREM alairvikellrukii David-aaq, Ornan-aam Jebusite-am mukaarkanek kaugtuarvillrani. Angayuqam-llu Solomon-aam ayagniraa caliaq

²aipaani iralum, cetamiitni allrakut angayuqaullmi.

³Makut Solomon-aam cuqyutelqai caliaqellermini Agayuvigpak: taktacia, yuinaat cetaman qulmek cipluku (90) it'ganernek, iqtutacia-llu yuinaq qulmek cipluku (30) it'ganernek.

⁴Iteryaraa-llu yuinaq qulmek cipluku (30) it'ganernek taktaluni, pitatekluku iqtutacia enem; qertutacia-llu yuinaat qulngunritaraan (180) it'ganret. Ilulirnera-llu enem qallircimaluni suulutaarrlainarmek.

⁵Iteryaraq-llu tunglilirluku cedar-aamek suulutaaqegtaarmek-llu qallirrluku, qaralircimalriamek palm-at napaitnek kalivneruanek-llu.

⁶Tangnircaraa-llu Agayuvigpak ayuqeqaqulrianek teggalquqegtaarnek suulutaamek-llu taitellermek Parvaim-aam nuniinek.

⁷Qallirrluki-llu Agayuvigpiim qacarneri, enertai, iteryarai, qacarneri, ikirtuqai-llu suulutaamek. Qaralilirluki-llu qacarneret cherubim-aanek.

⁸Ena-llu iluqliq, aterpagcimalria Tanqinqukacaar, taktauq yuinaq qulmek (30) it'ganernek, yuinaq-llu qulnek (30) it'ganernek iqtutaluni, Agayuvigpiim iqtutaciatun pitaluni. Qacarneret-llu qallirrluki tiissitsaanek qulnek cuqnek (25) suulutaaqegtaarmek;

⁹yuinarnek ounces-aanek suulutaamek aturluteng ussukcaliluteng, cali-llu qulliit enet qacarnerit qallirrluki suulutaamek.

¹⁰Angayuqam-llu calisten̄i pilivkarai malrugnek tegglignek cherubim-aagnek, suulutaamek qallirrlukek, ellilukek-llu Tanqinqukacaarmun,

¹¹tuani nangengqauk caniqliqlutek iteryaraq caumaluku. Tamarmek malrugnek yaqungqertuk taktalriignek pingayunelgat avguluni (7 1/2) it'ganernek, yaqukek nengingalutek atunem agtuusngalutek enem qukaani, qacarnerek-llu tamarkenka agtuumalukek, nengingalutek yuinaq qulmek cipluku (30) it'ganernek.

¹⁴'Lumarraq-llu capkutaa Tanqinqukacagaam piliaqumauq 'lumarraqegtaarmek allanek-llu 'lumarranek, kepcimalrianek qiuglimek, purple-aamek kavirlimek-llu, qaraliliumaluni cherubim-aanek.

¹⁵Ciuqerrakun-llu enem naparyaliuq yuinaq akimiarmek cuqnernek (35) it'ganernek qertutalukek, kangerkiurlukek-llu tallimanek cuqnernek pitalukek kangkek tamarkenka.

¹⁶Kangrak naparyak qaraliliumalutek kalivneruanek uyamigtun ayuqelrianek, yuinarnek-llu tallimanek (100) pomegranates-aanek.

¹⁷Nunalgartak-llu naparyak ciuqerranun Agayuvigpiim, atauciq ungalalirnermun, aipaa-llu neglirnermun; ungalalirnermelnguq aterpagtaa Jachin-aamek, neglirnermelnguq-llu Boaz-aamek.