Read Yupik 2 Chronicles 4 Bible Online

2 Chronicles 4 - Yupik bible

2 Chronicles 4

¹Solomon-aaq-llu ekuavililuni punernermek, yuinaq qulmek cipluku (30) it'ganernek taktaluni, akimiarnek-llu it'ganernek qertutaluni.

²Punernermek-llu mervililuni; uivenqeggluku, pingayunelgat it'ganret avguluku (8 1/2) et'utaluni, akimiarnek it'ganernek (15) painga iqtutaluni, yuinaak-llu malruk tallimanek cipluku (45) it'ganernek kassutmun cuqnengqerrluni.

³Kassutmun elaqliim qerrlua merviim elucilegtangqerrluni naunrarpagngalngurnek ellimaluteng pitateku'urluteng; ilakliiyusngaluteng mervigmun. Tangnircaucetangqerrluni malruinek caniqliqellrianek, qulliqluteng. Tangnircaucet angucalutun qulugvagtun ayuqluteng, ilakliiyusngaluteng mervigmun.

⁴Mervik tusngaluni qula malrugnek (12) angucalurngalngurnun kuluvagnun, pingayun caumaluku negeqvaq, pingayun-llu kanavaq, pingayun-llu ungalaq, pingayun-llu calaraq.

⁵Mamtutacia merviim cuqyagaat inches-aat pingayuuluteng it'ganermi; qerrlua ayuquq qerrluatun saskam, elatmun perluni naucetaatun lily-tun. Mervik imangqerrsugngaluni akimiarnek tiissitsaanek (15,000) gallon-aanek.

⁶Cali-llu pililuni qulnek ermigcuutnek, elliluki-llu talliman ungalalirnermun, talliman-llu neglirnermun. Tamakutgun erulararkauluki ungungssit natait ekualuki elliitekat. Mervigpiim-llu imaa agayulirtet atulararkauluku eruritekluku.

⁷Pililuni-llu qulnek suulutaanek kenurrarvignek ayuquciqelallracetun taqumaluteng, elliluki-llu Agayuvigpagmun, talliman ungalalirnermun, talliman-llu neglirnermun.

⁸Qulnek-llu estuulunek pililuni elliluki-llu Agayuvigpagmun, talliman ungalalirnermun talliman-llu neglirnermun. Yuinarnek-llu tallimanek ermigcuutnek suulutaanek pililuni.

⁹Piliuq-llu iluqlirmek carr'ilngurmek agayulirtet pikaatnek, elaqlirmek-llu carr'ilngurmek. Ikirtuqat-llu qukaagni carr'ilnguuk qallirrlukek punernermek.

¹⁰Mervigpak-llu ellia ungalankuk calaraq-llu akunliinelnguum kangiram canianun.

¹¹Cali-llu Huram-aaq piliuq egatnek, qanikciurutnek, ermigcuutnek-llu. Tua-i Huram-aam tamalkuita qaqitai akqutkellni Angayuqamun Solomon-aamun piliaqeciqniluki Agayuvigpiim pikai: Malruk naparyak Malruk qantarngalnguuk naparyak kangragni uitaarkak Kalivneruat tangnircautet naparyagni uitalriit Yuinaat-llu yuinaat (400) pomegranates-aat malrugni nalleqliqluteng nengumaarkat naparyak kangkegni Qulen akalriarralget ayagacissuutet Qulen ermigcuutet Mervik Qula-llu malrugnek cipingalriit angucalut tusngavii merviim Egatet, qanikciurutet, kapsuutet Huram-aam caviliurtem tamalkuita makut piliaqai punernernek qevleringalrianek, Angayuqam Solomon-aam pisqucillratun, atulararkat Agayuvigpiini ATANREM.

¹⁷Cailqurrani Jordan-aam angayuqam piliaqevkallrui qikulegmi nunami akuliigni Succoth-aam Zeredah-m-llu.

¹⁸Cat amlleret piliaqumallruata qaillun uqamaltacia punernerem atullrem nallunaiqapiaraumanrituq.

¹⁹Tua-i Solomon-aam piliaqai cat tamalkuita iluanelnguut Agayuvigpiim: suulutaaq ekuavik, estuuluit kelipat elliitekumalriit Agayutmun,

²⁰kenurrat, estuuluit-llu suulutaarrlainaat kumaarkauluteng ciuqerrani Tanqinqukacagaam, pillerkiurumaciicetun;

²¹naucetaat, kenurrat, kenliurutet, taqumaluteng suulutaarrlainauluteng;

²²kenurranek nipcissuutet, ermigcuutet, qantait aruviarcuutet, qetget kumalriit assigtait, taqumaluteng suulutaarrlainauluteng. Elaqliit amiigi Agayuvigpiim Tanqinqukacagaam-llu amiigi qallircimaluteng suulutaamek.