Read Yupik 2 Chronicles 7 Bible Online

2 Chronicles 7 - Yupik bible

2 Chronicles 7

¹Solomon-aam piicallni iquklicaku, keneq qilagmek atrartuq ekualuki-llu elliitellret ekuagarkauluki, qitngirnarqeqapigtellriim-llu tanqian ATANREM imiraa Agayuvigpak.

²Agayulirtet-llu iterciigatut Agayuvigpagmun, ucurnaan ATANREM muirumiiku.

³Tamarmeng Israel-aam yuin, tangrramegteggu keneq atrallrani ATANREM-llu ucurnaan imiaku Agayuvigpak, ciktait kegginateng nunamun, ciktaarvikluku quyavikluku-llu ATANEQ qanerluteng, “Tua-i ellii assilriaruan, tua-i kenkii caqtaanrilnguq piugarkaungan akwarpak.”

⁴Tua-llu angayuqaq tamarmeng-llu yuut elliiluteng ekuagiut ATANERMUN.

⁵Angayuqaq Solomon-aaq elliiguq ekuagiluni yuinaq malrugnek cipluku tiissitsaanek (22,000) angucalunek kuluvagnek, yuinarnek-llu arvinlegnek tiissitsaanek (120,000) qusnginek. Tua-i angayuqam yuut-llu tamarmeng urenkutmek tunaat Agayuvigpak.

⁶Agayulirtet-llu nekiumallermeggni nangerngaut; tuaten-llu Levite-at nangerngaluteng caumaluki aturcetaartuumarmeng, aturcetaararkauluteng ATANERMUN Angayuqam David-aam piliallrikun quyassuutekauluki ATANERMUN, kenkii caqtaanrilnguq piugarkaungan akwanun, David-aam nanraun aturaqamiu aturcetaatgun; akiani-llu agayulirtet cupait cupu'uryarat; tamarmeng Israel-aat nangerngaluteng.

⁷Solomon-aam-llu menuircaraa qukaa carr'ilnguum, ciuqerranelnguq Agayuvigpiim, tuani-llu elliiguq ekualuki elliitnek, mukaarkanek elliitnek, uqumek-llu ilakuyutmun elliitngullermek. Waten piuq punerneq ekuavik piliallni mikngan tamalkuitnun makunun elliitnun.

⁸Taum nalliini Solomon-aam atullrua ernerni malrunlegni Nerevkaritii Uqisviit tamalkuita Israel-aat pillgutekluki. Amlleqapiggluteng yuut taillret Iteryaraanek Hamath-aam negeqlirnelnguum, Egypt-aam-llu Kuicuariinek ungalalirnermelngurmek.

⁹Erenret-llu pingayunelgatni nangniullukuarluteng; atullruamegteggu agayutellra ekuaviim ernerni malrunlegni nererpagluteng-llu cali ernerni malrunlegni.

¹⁰Erenret yuinaq pingayuatni iralut malrunelgatni ayagcetai yuut kingunritnun, angnirluteng quyaluteng-llu ircaqumegteggun atawaqautai cikiutekellri ATANREM David-aamun, Solomon-aamun, yum'inun-llu Israel-aamun.

¹¹Wani-wa Solomon-aam tamalkuita upyutellni caliaqnaluki Agayuvigpagmi elliin-llu enemini, elluarrluki qaqitai.

¹²Tua-llu ATANEQ alairtuq Solomon-aamun unugmi qanrulluku: “Niitaqa piicauten, ciuniuraqa-llu una Agayuvigpak elliiviusqelluku wangnun.

¹³Ellallirceteksaitaqamku, wall'u picirkiqumki petgertayulirpiit neresqelluki nauceciigat, wall'u cangerlagpagnek ayagcecikuma yumnun,

¹⁴yuunka aterpagcimalriit atemkun ellmikutuureskata, piicakata-llu wangnun, tuiggluteng-llu assiilutmeggnek, nutaan niiciiqanka qilagmek, au͡g'arilluki-llu assiilnguitnek, nuniit-llu ataam amllermek unangnariluku.

¹⁵Una Agayuvigpak murilkeciqaqa, upingaciqua-llu niitarkauluki tamalkuita piicautet wani piicautngulriit,

¹⁶cucukellruamku menuircarluku-llu una Agayuvigpak atqa tuantesqelluku akwarpak; iigka ircaquqa-llu tuanterrlainararkauguk kesianek.

¹⁷Tua-llu elpeci, piyuakuvci ciuqamni, David-aam atavci piyuallruciatun, aturluki tamalkuita alerquutenka, tegumiaqluki-llu picirkiutenka pisqutenka-llu,

¹⁸akqutkelqa piciurciiqaqa ciuliavcen̄un David-aamum qanerlua, ‘Israel-aaq ataniurumarrlainarciquq kinguverpenek.’

¹⁹Tau͡gaam tuigeskuvci cakaarluki-llu picirkiutenka alerquutenka-llu elpecen̄un tunellrenka, ayagluci-llu kevgiuquvciki allat agayutet agayuvikluki-llu,

²⁰tuani qecugciqamci nunamek elpecen̄un cikiuteklemnek; una-llu Agayuvigpak kenciknarivkalqa atemnun, au͡g'arciqaqa tangerqemnek. Yuut-llu tamiini temciarautekciqaat caunrilkuurluku-llu.

²¹“Agayuvigpak wanirpak ellmaaraunrilngurmek takarnarqellriaruuq, tau͡gaam tamarmeng kitulriit irrayugciqut qanerluteng-llu, ‘Ciin-kiq ATANREM waten piagu man'a nuna una-llu Agayuvigpak?’

²²Yuut kiuciqut, ‘Tua-i-wa cakaaratgu ATANEQ, ciuliameng Agayutiit, anucestellrat Egypt-aam nuniinek. Ukvengluteng allanun agayutnun agayuaqluteng-llu tamakunun kevgiurluki-llu. Taumek tamana pitekluku ATANREM man'a assiitellria tuc'etaa ellaitnun.’”