Read Yupik Ezra 10 Bible Online

Ezra 10 - Yupik bible

Ezra 10

¹Ezra pull'uni piicainanrani Agayuvigpiim ciuqerrani, aluviliurluni apervikuatekluki makut assiilnguut, amllerrluteng Israelite-at, angutet, arnat, mikelnguut-llu, quyurtellruut avatiinun qiaqapiggluteng.

²Tua-llu Shechaniah-m Jehiel-aam qetunraan, Elam-aam yuinek, Ezra qanrutaa, “Ukverumallerput Agayutmun navgarput nulirturluta allanernek arnanek, tau͡gaam cali Israel-aaq anirturvingqertuq.

³Wani-wa piciuluta akeqnarqaput Agayutvut ayagceciiqniluki makut arnat irniarit-llu. Pisqellerpetun elpet allat-llu qigcikilriit Agayutem alerquutainek pisqellrit aturluki piciqukut. Agayutem Alerquutiini pisqumalria aturluku piciqukut.

⁴Elpenun tusngauq tuaten pillerkaq. Wangkuta cingumaamteggen, pinarqelria piarkan pikiu.”

⁵Tua-llu Ezra-m, ciuliqagtait agayulirtet, Levite-at, tamalkuita-llu Israel-aat ukvernarcarivkarai Shecaniah-m qanellratun piarkauniluki.

⁶Tuaken-llu Agayuvigpiim ciuqerranek ag'uq Jehohanan-aam Eliashib-aam qetunraan uitavianun, unugpak-llu tuani uitaluni angniilutekluku ukvemeggnun piciuvkenateng pillrat nunameggnek ayaucecimarraarluteng utertellret. Nereksaitellruuq camek-llu meqsaunani.

⁷Qaneq ayagcetaat Jerusalem-aamun Judah-mun-llu tamalkuita quyurtesqelluki teguarullermeggnek utertellret Jerusalem-aamun,

⁸ciuliqagtaita yuut alerquutiit aturluku. Kina imna ernerni pingayuni tainrilkan, akluinek tamalkuitnek uayaararkauluku, taukunun-llu nunam yuinun ilausciigaliciqluni.

⁹Erenret taukut pingayun iluatni, iralut qulngunritariit ernengqertelluku yuinarnek, tamarmeng angutet uitalriit nuniini Judah-m Benjamin-aam-llu quyurtellruut Agayuvigpiim ciuqerrani Jerusalem-aami. Ellarvallruuq tuani, quyurtellerteng-llu arcaqalriaruan ellallian-llu yuut tamarmeng tuani uulegtut.

¹⁰Ezra-m agayulirtem nangerrluni qalarutai qanerluni, “Piciunritlerpeciuggun nulirturaqluci allanernek arnanek pinarqelriarurtaci Israel-aaq.

¹¹Taumek watua, apervikuatekiciki assiilnguci ATANERMUN ciuliarpeci Agayutiitnun, atawakekiinek-llu caliluci. Allakarci elpecen̄ek allanernek nunamten̄i uitalrianek peggluki-llu allanret nuliaci.”

¹²Yuut-llu qayagpagluteng kiugut, “Qanellren maliggluku tuaten piciqukut.”

¹³Waten-llu cali qanerluteng, “Yuut quyungqalriit amllessiyaagtut, ellarvagluni-llu cakneq. Nangengqangaitukut waten ellaqapigmi. Man'a elluaringaituq ernermi ataucimi wall'u malrugni, amllessiyaagamta mat'umek assiilngurmek atulriani.

¹⁴Atanerruaput uitavkarluki Jerusalem-aami man'a caliaqevkarciu. Kina-llu imna allanermek nulialek tailarniartuq pillerkiurumallermini, malilirluni ciuliqagtainek cuqcistainek-llu uitavimi nunam. Tuaten pillemteggun Agayutem qenertellra, man'a pitekluku, arulairniartuq.”

¹⁵Inglulirtaitellruuq-llu tuaten picirkiullrat ukugnek tau͡gaam, Jonathan-aamek Asahel-aam qetunraanek Jahzeiah-mek-llu Tikvah-m qetunraanek, ukugnek ikayurterlutek Meshullam-aamek Shabbethai-amek-llu Levite-amek.

¹⁶Taukut-llu nunameggnek ayaucimallret utertellret ciuniuraat picirkiuraq, taumek Ezra agayulirta cucuklillruuq yuut ilakellriit ciuqliitnek atrit-llu igaulluki. Iralut qulngunritariita erenrin ciuqliatni tamatumek yuvrillerteng ayagnillruat,

¹⁷iralut-llu pingayun iluatni yuvrillruit angutet tamalkuita nulialget allanernek.

¹⁸Waniwa igausngaciit allanernek nulialget: Agayulirtet, ilakelriit ciulirneritgun igausngaluteng: Joshua-m yui anelgutai-llu, Jehozadak-am qetunrai: Maaseiah, Eliezer, Jarib, Gedaliah-llu.

¹⁹Ukut akqillruut avvutnaluki nuliateng, elliiluteng-llu angucalumek qusngimek assiilngumeng au͡gautekaatnek.

²⁰Immer-aam yuinek: Hanani Zebadiah-llu

²¹Harim-aam yuinek: Maaseiah, Elijah, Shemaiah, Jehiel, Uzzaiah-wa

²²Pashhur-aam yuinek: Elioenai, Maaseiah, Ishmael, Nethanel, Jozabad, Elasah-wa

²³Levite-at: Jozabad, Shimei, Kelaiah (Kelita-mek cali pitukiit), Pethahiah, Judah, Eliezer-aaq-wa

²⁴Aturcetaartet: Eliashib-aaq Agayuvigpiim kellutestai: Shallum-aq, Telem-aaq, Uri-wa

²⁵Allat-wa: Parosh-am yuinek: Ramiah, Izziah, Malchijah, Mijamin, Eleazar, Malchijah, Benaiah-wa

²⁶Elam-aam yuinek: Mattaniah, Zechariah, Jehiel, Abdi, Jeremoth, Elijah-wa

²⁷Zattu-m yuinek: Elioenai, Eliashib, Mattaniah, Jeremoth, Zabad, Aziza-wa

²⁸Bebai-am yuinek: Jehohanan, Hananiah, Zabbai, Athlai-aq-wa

²⁹Bani-m yuinek: Meshullam, Malluch, Adaiah, Jashub, Sheal, Jeremoth-aaq-wa

³⁰Pahath Moab-am yuinek: Adna, Chelal, Benaiah, Maaseiah, Mattaniah, Bezalel, Binnui, Manasseh-wa

³¹Harim-aam yuinek: Eliezer, Isshijah, Malchijah, Shemaiah, Shimeon, Benjamin, Malluch, Shemariah-wa

³³Hashum-aam yuinek: Mattenai, Mattattah, Zabad, Eliphelet, Jeremai, Manasseh, Shimei-aq-wa

³⁴Bani-m yuinek: Maadai, Amram, Uel, Benaiah, Bedeiah, Cheluhi, Vaniah, Meremoth, Eliashib, Mattaniah, Mattenai, Jaasu-wa

³⁸Bennui-m yuinek: Shimei, Shelemiah, Nathan, Adaiah, Machnadebai, Shashai, Sharai, Azarel, Shelemiah, Shemaiah, Shallum, Amariah, Joseph-aaq-wa

⁴³Nebo-m yuinek: Jeiel, Mattithiah, Zabad, Zebina, Jaddai, Joel, Benaiah-wa

⁴⁴Ukut angutet tamarmeng allanernek nuliangqellruut. Peggluki irniartuumaita ayagcetellruit.