Read Yupik Ezra 8 Bible Online

Ezra 8 - Yupik bible

Ezra 8

¹Wani-wa igausngalriit ciuliqagtait ilakellriit nunameggnek ayaucimallret Babylonia-mun utertellret Ezra maliggluku Jerusalem-aamun Artaxerxes-aaq angayuqrullrani:

²Gershom-aaq, Phinehas-aam yuinek Daniel-aaq, Ithamar-am yuinek Hattush-aaq Shechaniah-m qetunraa, David-aam yuinek Zechariah, Parosh-am yuinek, maligluni yuinaat malrunlegen qulnek cipluku (150) angutaitnek yum'i (ilakelriit igausngallruut kalikani) Eliehoenai Zerahiah-m qetunraa, Pahath Moab-am yuinek, yuinarnek qulnek (200) angutnek maligluni Shechaniah Jahaziel-aam qetunraa, Zattu-m yuinek, yuinarnek akimiarnek (300) angutnek maligluni Ebed-aaq Jonathan-aam qetunraa, Adin-aam yuinek, yuinaak malruk qulnek cipluku (50) angutnek maligluni Jeshaiah Athaliah-m qetunraa, Elam-aam yuinek, yuinaat pingayun qulnek cipluku (70) angutnek maligluni Zebadiah Michael-aam qetunraa, Shephatiah-m yuinek, yuinarnek cetamanek (80) angutnek maligluni Obadiah Jehiel-aam qetunraa, Joab-am yuinek, yuinaat qulen akimiaq pingayunek cipluku (218) angutnek maligluni Shelomith-aaq, Josiphiah-m qetunraa, Bani-m yuinek, yuinarnek pingayunlegnek (160) angutnek maligluni Zechar(...)

¹⁵Quyurcetellruanka Kuigem Ahava-m nunacuariinun ayalriim canianun, tuani-llu uitaluta pingayuni ernerni. Maaten piunga yuut tuanelnguut ilaluteng agayulirten̄ek, tau͡gaam Levite-tartaunani.

¹⁶Qulngunritaraat ciuliqagtet taisqanka: Eliezer-aaq, Ariel-aaq, Shemaiah, Elnathan-aaq, Jarib-aaq, Elnathan-aaq, Nathan-aaq, Zechariah, Meshullam-aaq-llu, elitnauristek-llu malruk, Joiarib-aaq Elnathan-aaq-llu.

¹⁷Ayagcetanka Iddo-mun, ciuliqagtiitnun Casiphia-rmiut, aptesqelluku calillgutai-llu, Agayuvigpiim calistai, taivkarisqelluki yugnek kevgiurarkanek Agayutmun Agayuvigpagmi.

¹⁸Agayutem takumcukutiikun Sherebiah taivkaraat, elluatuulria angun, Levite-aq Mahli-m yuinek; qetunrain anelgutain-llu akimiaq pingayunek cipluku amllertaluteng maliggluku taillruut.

¹⁹Hashabiah-nkuk-llu Jeshaiah-llu Merari-m yuinek taivkallruagket, yuinarnek tungayakegnek malilirlukek.

²⁰Ilaluteng cali yuinaat qulen yuinarmek cipluku (220) Agayuvigpagmi calisten̄ek, taukut ciuliarit Atanrem David-aam atanerruarin-llu allakallruit Levite-at ikayuusqelluki. Taukut-llu atrit tamarmeng igausngaluteng.

²¹Tuani Kuigem Ahava-m caniani alerquigua tamamta yagyaraq aturyugluku, wangkutnek pivakenrirluta Agayutemta ciuqerrani, kaigaviksugluku ciuliqagtesqelluta pektellemten̄i cayailkuciumasqelluta-llu irniaput-llu, tamalkuita-llu akluput.

²²Kasnguyugyartua aptellerkaanek angayuqaq maligtestekamten̄ek anguyagten̄ek pisqelluku cayailkuciisqelluta inglukestemten̄ek ayallemten̄i, qanrutellruamku-wa Agayutemten̄un atawaqercet'larniluki cacetuqutekesten̄i, tau͡gaam quyaksaitelarniluku anucimirqecetaaraqluki-llu tuigtellriit ellminek.

²³Tua-i wangkuta yagtukut piicagluta-llu Agayutmun cayailkuciisqelluta, piicallerput-llu elliin niitellrua.

²⁴Agayulirten̄i ciulikagten͞gulrianek cucuklillruunga Sherebiah-mek, Hashabiah-mek, qulnek-llu allanek.

²⁵Uspellruanka-llu qerrirlit, suulutaat, qantat-llu angayuqam, ayuqucirtuastain, atanerruarin-llu, Israel-aam-llu yuin cikiutekellrit atuusqelluki Agayuvigpagmun, tunluki-llu agayulirten̄un.

²⁶Ukut waniwa tunellrenka: Qerrirlit — yuinaq tallimanek cipluku (25 tons) cuqneret yuinaat talliman (100) qerrirlit qantat — yuinaat malrunelgen qulnek cipluku (150 lbs.) usperet suulutaat — tiissitsaat malrunelgen tiissitsaam-wa avga (7,500 lbs.) usperet yuinaat suulutaat qantat — yuinaat qula pingayun qulnek cipluku (270 oz.) cuqneret malruk punernerek qantak, akitutalriik suulutaatun qantatun.

²⁸Qanrutanka-llu, “Qigcignarqelriaruuci ATANERMUN, Agayutiitnun ciuliarpeci, tuaten cali qigcignarqelriaruluteng tamarmeng qerrirlit suulutaat-llu piyugteqelteng niilluku elliitekumalriit elliinun.

²⁹Murilkenqegcaarqiciki tekisvigpecen̄un Agayuvigpak. Tuani agayulirtet eniitni uspeqiciki, tua-i-llu tunluki agayulirtet Levite-at-llu ciuliqagtaitnun, Israel-aam-llu yuin ciuliqagtaitnun Jerusalem-aami.”

³⁰Tua-i agayulirtet Levite-at-llu teguit qerrirlit, suulutaat, qantat-llu, ayautnaluki Agayuvigpagmun Jerusalem-aami.

³¹Iralut ciuqliat qula malrugnek ernengqerluku kuigmek Ahava-mek ayagtukut Jerusalem-aamun. Agayutem-llu nayullruakut inglukestemten̄un pivkarpek'nata ayainanemten̄i.

³²Jerusalem-aamun tekicamta, mernuinercillruukut ernerni pingayuni.

³³Erenret-llu cetamiitni Agayuvigpagmun ag'ukut, usperluki-llu qerrirlit, suulutaat, qantat-llu, tunluki-llu Meremoth-aamun agayulirtem̄un, Uriah-m qetunraanun. Tauna ilangqellruuq Eleazar-aamek, Phinehas-aam qetunraanek, malrugnek-llu Levite-agnek Jozabad-amek Jeshua-m qetunraanek, Noadiah-mek-llu Binnui-m qetunraanek.

³⁴Cat tamarmeng naaqumallruut usperumaluteng-llu tamarmeng-llu igausngaluteng taum nalliini.

³⁵Taum nalliini nunameggnek ayaucimallermeggnek utertellret elliillruut elliitnek ekuagarkanek Israel-aam Agayutiinun. Elliillruut qula malrugnek cipluku (12) angucalunek Israel-aam yuinun tamalkuita, yuinaat-wa cetaman akimiaq ataucimek cipluku (96) qusngit angucaluit, yuinaat-wa pingayun qula malrunlegnek cipluku (77) qusngiyagaat; cali assiilngumeng au͡gautekaatnun qula malrugnek cipluku (12) angucalunek qusngirngalngurnek. Tamalkuita makut ungungssit ekualuki elliitekait ATANERMUN.

³⁶Cali kalikaq angayuqam ayaucetellra tunaat nunam atanrinun atanerruanun-llu Kanaknalirnerani-Euphrates-aam uitalrianun, taukut-llu ikayuagait yuut Agayuvigpagmi-llu agayulallrat.