Read Yupik Nehemiah 10 Bible Online

Nehemiah 10 - Yupik bible

Nehemiah 10

¹Ciumek at'ni igautellrua nunam atanran Nehemiah-m, Hacaliah-m qetunraan, kinguakun-llu Zedekiah-m at'ni igaulluku. Ukut-llu waniwa ateteng igautellruit:

²Seraiah, Azariah, Jeremiah, Pashur, Amariah, Malchijah, Hattush, Shebaniah, Malluch, Harim, Merimoth, Obadiah, Daniel, Ginnethon, Baruch, Meshullam, Abijah, Mijamin, Maaziah, Bilgai, Shemaiah-llu.

⁹Jeshua qetunraa Azaniah-m, Binnui, yuinek Henedad-am, Kadmiel, Shebaniah, Hodiah, Kelita, Peliah, Hanan, Mica, Rehob, Hashabiah, Zaccur, Sherebiah, Shebaniah, Hodiah, Bami, Beninu-llu.

¹⁴Parosh, Pahath Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Magpiash, Meshullam, Hezir, Meshezabel, Zadok, Jaddu, Peletiah, Hanan, Anaiah, Hoshea, Hananiah, Hassub, Hallohesh, Pilha, Shobek, Rehum, Hasabnah, Maaseiah, Ahiah, Hanan, Anan, Malluch, Harim, Baanah-llu.

²⁸Allat-llu Israel-aam yui, agayulirtet, Levite-at, amiiget murilkestait, aturtet, Agayuvigpagmi kevgat, allat-llu maligulluteng Agayutem Alerquutiinun avtellret ilakumanrilngurnek nunamten̄i uitalrianek, nulirrit, qetunrait, paniit, tamarmeng-llu nallunrilnguut taringumalriit-llu,

²⁹ilautut anelgutmeggnun, atanerruaritnun-llu, nunuliutengqellriamek aniqlaatmek navkatgu, akqutmun piyuagarkauluteng Agayutem Alerquutiikun cikiutngullerkun Moses-aakun Agayutem kevgaakun, niisngaarkauluki tamalkuita ATANREM Atanemta alerquutai, tamalkuita-llu pisqutai aturarkauluki.

³⁰Paniput uingevkarngaunaki, qetunraput-llu nulirturcessngaunaki ilakumanrilngurnek tamatum nunam yuinek.

³¹Tailuteng-llu tamatum nunam yui tuneniangraata aklunek, wall'u mukaarkanek Sabbath-aami, wall'u agayunerpagni, wangkuta kipusngaitukut. Malrunelgatni-llu allrakut nauceciilarngaitukut nunamun, pellugcetarkauluki-llu tamalkuita akiilnguut.

³²Cali umyuallgutekluta elliigarkaurtellruukut amllertacirkiurumalriamek qerrirlimek allrakut tamalkuita Agayuvigpiim atullrinun ikayuutekanun.

³³Agayuaqata atu'urkainek makunek elliilarciqukut: kelipamek kencignarqelriamek, unuaquaqan elliitngutulimek mukaarkamek, ungungssinek unuaquaqan ekuagarkanek, kencignarqellrianek elliitnek Sabbath-aami, New Moon Festival-aani, allani-llu qigcignarqellriani ernerni, kencignarqellrianek elliitnek, elliitnek Israel-aam yuin assiilnguita au͡gautekaatnek, allanek-llu aturyulrianek Agayuvigpagmi.

³⁴Wangkuta, yuut, agayulirtet, Levite-at-llu nall'arcetaarilarciqukut allrakut tamaitni, naliput tungayakelriani muraganek iluvautelararkauciitnek ekuagiaqameng ATANERMUN Agayutemten̄un atu'urkaitnek, Alerquutni picirkiun aturluku.

³⁵Taitelarciqukut Agayuvigpagmun allamiaqan naucetaamta naugiqarraallritnek, napat-llu atsangqerraarutaitnek.

³⁶Yung'eqarraarutput tan'gaurluut taitelarciqaput agayulirten̄un Agayuvigpagmi, Alerquutni picirkiun aturluku, tun'arkauluki Agayutmun. Cali-llu tunlararkaugaput kuluvautemta, qusngit, qusngirngalnguut-llu irniqarraarutait.

³⁷Agayuvigpagmi-llu agayulirten̄un taicilarciqukut nauqerraallernek mukaarkanek, atsaitnek napat, wine-anek, olive-aat-llu uquitnek. Levite-anun-llu taitelararkauluta, nunautemta naugillrin qulngurutaitnek, ellaita auluk'laitki qulngurutet nunarramten̄ek.

³⁸Agayulirtet-llu Aaron-aam kinguvrin nayulararkaugait Levite-at akurtullratni qulngurutet, Levite-at-llu qulngurutet taicimallret qulngurutait, ellilararkaugait qemaggviinun Agayuvigpiim.

³⁹Israel-aam yuin Levite-at-llu taitelarciqait elliitet mukaarkat, wine-at, olive-aat-llu uquit, uitaviitnun assigtat Agayuvigpagmi atulaq'ngaita agayulirtet taum nalliini calilriit, Agayuvigpiim nayurtain, aturtet-llu uitaviitni. Murilkerrlainarluku aulukciqaput enii Agayutemta.