Read Yupik Nehemiah 12 Bible Online

Nehemiah 12 - Yupik bible

Nehemiah 12

¹Ukut waniwa agayulirtet Levite-at-llu utertellret nunameggnek ayagcecimallermeggnek malikluku Zerubbabel-aaq, Shealtiel-aam qetunraa, Joshua-llu Agayulirten͞guneq:

²Seraiah, Jeremiah, Ezra, Amariah, Maluch, Hattush, Shecaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jediah, Sallu, Amok, Hilkiah, Jedaiah. Ukut angutet ciuliqagten͞gullruut ilameggnun agayulirten̄un Joshua-m nalliini.

⁸Ukut caliaqelallruit atualallrit yuarutet quyatnek: Jeshua, Binnui, Kadmiel, Sherebiah, Judah, Mattaniah-llu.

⁹Ukut aturten͞guut atulalriit akiugtaarutellri yuarutem: Bakbukiah, Onno-llu, Levite-aullgutmeggnek ilaluteng.

¹⁰Jeshua atakaa Joiakim-aam; Joiakim-aaq-llu Eliashib-aam atakluku; Eliashib-aaq-llu Joiada-m-llu atakluku.

¹¹Jonathan-aam-llu atakluku Joiada, Juddua-m-llu atakluku Jonathan-aaq.

¹²Jehoiakim-aaq Agayulirten͞gunrullrani, ukut agayulirtet ciuliqagten͞gullruut tungayakellriartameggnun: [Agayulirtet] — [Tungayakellriit] Meriah — Seraiah Hananiah — Jeremiah-m Meshullam — Ezra-m Jehohanan — Amariah Jonathan — Malluch Joseph — Shebaniah Adna — Harim Helkai — Meraith Zachariah — Iddo Meshullam — Gennethon Zichri — Abijah — [8] — Miniamin Piltai — Moadiah Shammua — Bilgah Jehonathan — Shemaiah Mattenai — Joiarib Uzzi — Jedaiah Kallai — Sallai Eber — Amok Hashabiah — Hilkiah Nethanel — Jedaiah

²²Igausngallruut-llu naumaviit ilakuralriartaita Levite-at agayulirtet-llu, ukut Agayulirten͞gunrullrata nalliini: Eliashib, Joiada, Jonathan, Jadua-llu. Igausngallrat-llu qaqitellruuq Darius-aaq angayuqaullrani Persia-mi.

²³Tau͡gaam ciuliqagtait Levite-at ilakuralriartaita, igausngallruut wavet: Kalikait Chronicles-aat engelekluku Johanan-aam nallii, Eliashib-aam qetunraan.

²⁴Ukut ayuqucirtuutiit maliggluku: Hashibiah, Sherebiah, Jeshua, Binnui, Kadmiel-aam-llu Levite-at avtellruit. Ataucikun malruinguluteng nanralallruat Agayun pitaartekluteng quyavikluku-llu Agayun, ayuqucirtuutekellra Angayuqam David-aam, Agayutem yuan, aturluku.

²⁵Ukut Agayuvigpagmi nayurtet caliaqellruat nayurluki elliviit Agayuvigpiim ikirtuqain canianelnguut: Mattaniah, Bakbukiah, Obadiah, Meshullam, Talmon, Akkub-aq-llu.

²⁶Ukut-llu yuullruut Joiakim-aam nalliini, Joshua-m qetunraan, Jehozadak-am tutgariin, nunam-llu angayuqran Nehemiah-m nalliini Ezra-m-llu, agayulirtem elisngalriim Alerquutnek.

²⁷Jerusalem-aam-llu qacarnera naaqicimaqatallrani, Levite-at uitaviitnek aqvavkallruit, ilagautesqelluki nunaniryuutekellratni naaqicimallra atuallratgun quyatnek, aturcetaatgun-llu cymbal-aatgun harp-atgun-llu.

²⁸Levite-at ilakuralriartait atutulit quyurtut nunanek uitavimeggnek avatiinek Jerusalem-aam Netophah-m-llu,

²⁹Bethgilgal-amek, Geba-mek, Azmaveth-aamek-llu.

³⁰Agayulirtet, Levite-at-llu menuircaryaraq atullruat ellmeggnun, yugnun, ikirtuqanun, nunarpiim-llu qacarneranun.

³¹Quyurcetanka-llu Judah-m ciuliqagtai qacarnerem qainganun, murilkesten͞guluki malruirrluteng avgumalrianun yugugarnun nunarpiim uivestekainun quyavikluku Agayun. Ciuqliit ayagtut tallirpilirnerem tungiinun qacarnerem qaingakun Dung Gate-amun.[9]

³²Ukut-llu agayulirtet, cupu'uryarat aturluki kingunratgun ayallruut: Azariah, Ezra, Meshullam, Judah, Benjamin, Shemaiah, Jeremiah-llu. Kinguatgun-llu Zachariah, qetunraa Jonathan-aam tutgarii Shemaiah-m. (Kinguvrin ilakait Mattaniah-m, Micaiah-m, Zaccur-aam, Asaph-aam tungayallgutkelriartainek.)

³⁶Kinguatgun-llu allat tungayallgutkelriartain ilait: Shemiah, Azarel, Milalai, Maai, Nethanel, Judah, Hanani-llu; tamarmeng tegumiarluteng aturcetaanek Angayuqam David-aam atulallrin ayuqaitnek. Ezra-m, igartem, maryartellrui ukut ayallratni.

³⁷Fountain Gate-amun-llu tekicameng mayurtut mayuryaratgun David-aam Nunarpiinun, David-aam-llu atanruvik enii kiturluku, uterrluteng-llu qacarnermun Water Gate-amelngurmun, calaralirnerani nunarpiim uitalriamun.

³⁸Aipait-llu quyungqalriit quyaluteng nanralriit iqsutmun ayallruut qacarnerem qaingakun, wiinga-llu maliggluki kingunratgun yuut avgitnek maliglua. Ayagluta-llu kiturluku Tower of the Ovens-aaq Broad Wall-aq tekilluku,

³⁹tuaken-llu ayagluta kiturluki Ephraim Gate-aq, Jeshanah Gate-aq, Fish Gate-aq, Tower of Hananel-aaq, Tower of the Hundred-aaq, Sheep Gate-amun. Arulairluta-llu canianun ikirtuqaan Agayuvigpiim.

⁴⁰Tamarmeng tua-i malruirrluteng ayallret quyavikluku Agayun tekitut Agayuvigpiim nuniinun. Avatiitgun ciuliqagtet malillma,

⁴¹ilangqellruut ukunek agayulirten̄ek, cupu'uryarat qalrialuki: Eliakim-aaq, Maaseiah, Miniamin, Micaiah, Eloienai-aaq, Zachariah, Hananiah-llu;

⁴²kingunratgun-llu maligtestait: Maaseiah, Shemaiah, Eleazer, Uzzi, Jehohanan, Malchijah, Elam, Ezer-aaq-llu. Aturtet-llu ciuliqagterluteng Jezrahiah-mek, aturpagluteng qastutacirmegcetun.

⁴³Tuani ernermi amllerugarnek elliillruut, yuut-llu cakneq nunaniryullruut Agayutem cakneq angnircecateng. Arnat mikelnguut-llu ilagautellruut, nunaniryullrata-llu nepii yaaqvanek niitnaqluni.

⁴⁴Taum nalliini angutet cucukumallruut caliaqerkauluki qemangqaviit elliitet Agayuvigpagmun; qulngurutet, nauqerraallret-llu mukaarkat, atsat-llu tuani allrakumi. Ukut angutet caliaqellruit akurturluki elliitet naucetaarvignek, nunarrarnek-llu nunarpiit yaaqsinrilkaitnek uitalrianek, agayulirtet Levite-at-llu pikaitnek Alerquutni pisqumalria aturluku. Tamarmeng-llu Judah-m yuin ilukegcitkait kevgiullrat agayulirtet Levite-at-llu,

⁴⁵caliaqelaatgu menuircaryaraq, allat-llu piciryarat Agayutem alerquutellri. Agayuvigpiim-llu aturcetaartain murilkestain-llu caliarkateng caliaqluki Angayuqam David-aam, qetunraan-llu Solomon-aam, picirkiutiik aturluku.

⁴⁶Ak'a-wa Angayuqam David-aam, aturcetaanek-llu elisngalriim Asaph-aam, nalliigni aturcetaartet ciuliqagcilallruut yuarutnek nanrautnek quyatnek-llu Agayutmun.

⁴⁷Zarubbabel-aam, Nehemiah-m nalliigni, Israel-aam yui elliiguralallruut aturkaitnek Agayuvigpiim aturtain, nayurtain-llu. Yuut-llu qigcignarqellrianek elliivikaqluki Levite-at, ellaita-llu Levite-at cikiutekaqluku agayulirten̄un amllertacirkiurumalria pikaat.