Read Yupik Nehemiah 7 Bible Online

Nehemiah 7 - Yupik bible

Nehemiah 7

¹Maa-i nunarpiim qacarnera qaqicimarian, ikirtuqat enaitnun ellimallruut, Agayuvigpiim-llu nayurtai, aturtet, allat-llu Levite-at caliarkicimariluteng,

²malruk angutek atanirturten͞gurcetellruagka Jerusalem-aami: anelgutka Hanani-a Hananiah-llu, atanerruarat asvairqumalriami nayurtet. Hananiah nalirugnaunani yuuguq pitataunani-llu qigcigyulriaruluni Agayutmek.

³Qanrutellruagka ikirtelaasqevkenaki Jerusalem-aam ikirtuqai akerta tau͡gaam puqlangaqan; palutelaasqelluki-llu cani'irrucirluki akertem tevillrani nayurtet uterpailgata. Cali-llu qanrullukek nayurtekanek cucukliisqellukek Jerusalem-aami uitalriit yuut ilaitnek, ilait-llu elkarcesqelluki nayurvigkaitnun, allanun-llu enaita avatait paqtaarturluki pisqelluki.

⁴Jerusalem-aaq nunarpauguq, yui tau͡gken ikgenateng, amlleriksaunateng-llu enet.

⁵Agayutem-llu umyuamnun ellia quyurtevkaasqelluki yuut ciulirnertuumaita ataneruartuumaita-llu, yuvrirnaluki ilakuralriit atrita igausngaviit. Nalaqellruanka kalikat imalget atritnek kinguveqellriit ciuqliuluteng utertellret teguarullermeggnek. Waten igausngaut:

⁶Amlleret nunameggnek ayaucimallret unitellruat Babylon-aam nunii uterrluteng Jerusalem-aamun Judah-mun-llu, nakmiin nunameggnun uterrluteng. Ilakuralriit uitallruluteng nunameggnek ayausngavimeggni Babylonia-mi Angayuqam Nebuchadnezzar-aam ayauqaanrateng tamaavet teguaqluki.

⁷Ciuliqagtengqellruut ukunek, Zerubbabel, Jeshua, Nehemiah, Azariah, Raamiah, Nahamiah, Mordecai, Bilshan, Mispereth, Bigvai, Nehum, Baanah-llu. Wani-wa ukut Israel-aam yuin amllertaciit.

⁸Parosh-aam yuin amllertaciat, tiissitsaak malruk, yuinaat pingayunlegen qula malrugnek cipluku. (2,172)

⁹Shephatiah-m yui, yuinaat akimiaq malruk, malrugnek cipluku. (372)

¹⁰Arah-m yui, tiissitsaam avga, yuinaat arvinlegen malrugnek cipluku. (652)

¹¹Pahath-moab-am yui, (kinguvekek Jeshua-am Joab-am-llu) malruk tiissitsaak, tiissitsaam avga, yuinaat akimiaq, akimiaq pingayunek cipluku. (2,818)

¹²Elam-aam yui, tiissitsaaq atauciq, yuinaat qula malruk, akimiarunrita'armek cipluku. (1,254)

¹³Zattu-am yui, tiissitsaam avga, yuinaat akimiaq malruk, tallimanek cipluku. (845)

¹⁴Zaccai-am yui, tiissitsaam avga, yuinaat-wa qula pingayun. (760)

¹⁵Binnui-m yui, tiissitsaam avga, yuinaat-wa malrunelgen, pingayunlegnek cipluku. (648)

¹⁶Bebai-am yui, tiissitsaam avga, yuinaat-wa arvinlegen pingayunlegnek cipluku. (628)

¹⁷Azgad-am yui, tiissitsaak malruk, yuinaat akimiaq atauciq, malrugnek cipluku. (2,322)

¹⁸Adonik-am yui, tiissitsaam avga, yuinaat pingayunlegen, malrugnek cipluku. (667)

¹⁹Bigvai-am yui, tiissitsaak malruk, yuinaat pingayun, malrugnek cipluku. (2,067)

²⁰Adin-aam yui, tiissitsaam avga, yuinaat malrunelgen, akimiarmek cipluku. (655)

²¹Ater-aam kinguvran Hezehiah-m yui, yuinaat cetaman akimiaq pingayunek cipluku. (98)

²²Hashum-aam yui, yuinaat akimiaq atauciq, pingayunlegnek cipluku. (328)

²³Bezai-am yui, yuinaat akimiaq atauciq, cetamanek cipluku. (324)

²⁴Hariph-aam yui, yuinaat talliman, qula malrugnek cipluku. (112)

²⁵Gibeon-aam yui, yuinaat cetaman, akimiarmek cipluku. (95)

²⁶Bethlehem-aam Netophah-m-llu yuk'ek, yuinaat qulngunritaraat, pingayunlegnek cipluku. (188)

²⁷Anathoth-aam yui, yuinaat arvinlegen, pingayunlegnek cipluku. (128)

²⁸Bethazmaveth-aam yui, yuinaak malruk, malrugnek cipluku. (42)

²⁹Kiriathjearim-aam, chephirah-am, Be-eroth-aam-llu yuit, tiissitsaam avga, yuinaat qula malruk, pingayunek cipluku. (743)

³⁰Ramah-nkuk Geba-m-llu yuk'ek, tiissitsaam avga, yuinaat arvinlegen ataucimek cipluku.

³¹Michmas-aam yui, yuinaat arvinlegen, malrugnek cipluku. (122)

³²Bethel-aam Ai-am-llu yuk'ek, yuinaat arvinlegen, pingayunek cipluku. (123)

³³Allam Nebo-m yui, yuinaak malruk, qula malrugnek cipluku. (52)

³⁴Allam Elam-aam yui, tiissitsaaq atauciq, yuinaat qula malruk akimiarunrita'armek cipluku. (1,254)

³⁵Harim-aam yui, yuinaat akimiaq ataucimek cipluku. (320)

³⁶Jericho-m yui, yuinaat akimiaq malrugnek cipluku, tallimanek cipnerluni. (345)

³⁷Lod-aam, Hadid-aam, Ono-aam-llu yuit, tiissitsaam avga, yuinaat arvinlegen ataucimek cipluku. (721)

³⁸Senaah-m yui, tiissitsaat pingayun, tiissitsaam avga, yuinaat-wa yuinaq atauciq, qulmek cipluku. (3,930)

³⁹Agayulirtet-llu utertellret: Jediah-m kinguvran Jeshua-am yui, tiissitsaam avga, yuinaat yuinaq pingayun, qula pingayunek cipluku. (973)

⁴⁰Immer-aam yui, tiissitsaaq atauciq, yuinaak malruk qula malrugnek cipluku. (1052)

⁴¹Pashur-aam yui tiissitsaaq atauciq, yuinaat qula malruk, malrunlegnek cipluku. (1,247)

⁴²Harim-aam yui, tiissitsaaq atauciq, akimiaq malrugnek cipluku. (1,017)

⁴³Levite-at-wa Jeshua-am, Kadmiel-am, Hodeva-m-llu yui, yuinaat pingayun, akimiarunrita'armek cipluku. (74)

⁴⁴Aturcetaartet: Asah-m yui, yuinaat malrunlegen, pingayunlegnek cipluku. (148)

⁴⁵Agayuviim murilkestai: Shallum-aam, Ater-aam, Talmon-aam, Akkub-aam Hatita-m, Shobiah-m-llu yuit quyurmeng, yuinaat arvinlegen, qula pingayunlegnek cipluku. (138)

⁴⁶Agayuviim kevgiurtai: ukut ilait cali utertellruluteng, Ziha-m, Hashupha-m, Tabaoth-aam,

⁴⁷Keros-am, Sai-am, Padon-aam,

⁴⁸Lebana-m, Hagaba-m, Shalmai-am,

⁴⁹Hanan-aam, Giddel-aam, Gahar-am,

⁵⁰Reaiah-am, Rezin-aam, Nekod-aam,

⁵¹Gazzam-am, Uzza-m, Paseah-m,

⁵²Besai-am, Meunim-aam, Nephushesim-aam,

⁵³Bakbuk-aam, Hakupha-m, Sisea-am, Harhur-aam,

⁵⁴Bazlith-am, Mehida-m, Harsha-m,

⁵⁵Barkos-aam, Sisera-m, Temah-m,

⁵⁶Neziah-m, Hatiph-am.

⁵⁷Solomon-aam pistekellrin yuit: Sotai-am, Sophereth-aam, Perida-m,

⁵⁸Jaala-m, Darkon-aam, Giddel-a,

⁵⁹Shephatiah-m, Hittil-am, Pochereth-hazzebaim-am, Amon-aam.

⁶⁰Tamarmeng Agayuvigmi kevgiurtet kinguveqait Solomon-aam pistekellrin amllertaluteng, yuinaat akimiaq cetaman, qula malrugnek cipluku. (392)

⁶¹Allat-llu cali tekitellret kingunengqertut Tel-melah-mek, Telharsha-mek, Cherub-aamek, Addon-amek, Immer-aamek-llu, tau͡gaam ukut kalikartateng tamallruamegteki nallunarqellruluni Jews-aruciat.

⁶²Ukut yuit Kelaiah-m, Tobiah-m, Nekoda-m-llu; quyurmeng amllertaluteng, tiissitsaam avga, yuinaat malrunlegen, malrugnek cipluku. (642)

⁶³Ukut agayulirtet tungayakellriit nalaqutesciigatellrulliniut nallunairutaitnek ciuliameng kinkuuciitnek: Hobaiah, Hakkozam, Barzillai-am-llu. (Ciuliarat, Barzillai-am tungayakellriarin agayulirtet, nulirtullrulliniuq arnamek Barzillai-am Gilead-aarmium tungayakellriarin iliitnek, cakimi-llu atra elliin ateqsagutellruluku.)

⁶⁴Ukut yuallruyaaqait ateteng yuullgutkelriit atrita igausngaviitni tau͡gaam nalaqevkenaki, taumek agayulirten̄un ilaucetenrilkait menuulriaruniluki.

⁶⁵Nunam atanran qanrutellrui neresciigatniluki neqnek elliitngullernek Agayutmun, agayulircetangqerkan tau͡gaam aturyugngakiignek Urim-aaq Thummim-aaq-llu.[6]

⁶⁶Taum nalliini quyurmeng yuut utertellret Judah-mun amllertallruut: tiissitsaat yuinaak malrugnek, yuinaat-wa akimiaq pingayun. (42,360)

⁶⁷Pistait-llu arnat angutet-llu amllertalriit malrunlegen tiissitsaat, yuinaat akimiaq atauciq, akimiaq malrugnek cipluku. (7,337)

⁶⁸Horse-aarit-llu amllertaluteng, tiissitsaam avga, yuinaat qula atauciq, akimiaq ataucimek cipluku. (736) Horse-acuaraat-llu amllertaluteng, yuinaat qula malruk tallimanek cipluku, (245)

⁶⁹qulugtellriit-llu ungungssit amllertaluteng, yuinaat qula ataucimek cipluku, akimiaq-wa, (435) ciulvautait-llu amllertaluteng, tiissitsaat arvinlegen, tiissitsaam avga, yuinaat-wa qula ataucimek cipluku. (6,720)

⁷⁰Amlleret yuut ikayuutellruut cikiqengllermegteggun makunek kitugcimallrani Agayuvik. Akivigmun-llu nunani atanirturten͞gulriit cikiqengellruut suulutaanek amllertalrianek, tiissitsaanek, (1,000) ermigcuutnek-llu amllertalrianek, yuinak malruk qulmek cipluku. (50) Agayulirtet-llu aturarkaitnek amllertalrianek yuinaq qulmek cipluku. (30)

⁷¹Allat-llu ciuliqagtet cikiqengluteng akivigmun suulutaanek amllertalrianek tiissitsaanek yuinarnek, (20,000) akinek-llu amllertalrianek tiissitsaak malruk, yuinaat-wa qulen. (2,200)

⁷²Allat-llu yuut cikiqengellruluteng suulutaanek amllertalrianek tiissitsaanek yuinarnek, (20,000) akinek-llu tiissitsagnek malrugnek, (2,000) aturarkaitnek-llu agayulirtet, yuinarnek pingayunek, malrunlegnek cipluku. (67)

⁷³Tua-i agayulirtet, Levite-at, Agayuvigpiim nayurtai, aturtet, amlleret-llu cailkaat yuut, Agayuvigpagmi calistet, tamarmeng-wa Israel-aam yui nunalgartellruut nunacuaraini nunarpaini-llu Judah-m.